200 രൂപയിൽ താഴെയുള്ള മൾട്ടിബാഗർ എനർജി സ്റ്റോക്ക്, 40 കോടി നിക്ഷേപിച്ച് ആശിഷ് കച്ചോളിയ, നിങ്ങൾ വാങ്ങുന്നോ

ഓഹരി വിപണിയിൽ നിന്നും മികച്ച നേട്ടമുണ്ടാക്കുക എന്നത് അത്ര എളുപ്പമുള്ള കാര്യമല്ല. കൃത്യമായ ധാരണയും നിരന്തരമായ നിരീക്ഷണവും അത്യാവശ്യമാണ്. ബ്രോക്കറേജ് സ്ഥാപനങ്ങളുടെ റിപ്പോർട്ടും അതോടൊപ്പം പ്രധാന നിക്ഷേപകരുടെ പോർട്ട്ഫോളിയോയും പിന്തുടരുന്നതും നല്ലതാണ്. പ്രമുഖ നിക്ഷേപകനായ ആശിഷ് കച്ചോളിയ ഏകദേശം 40 കോടി രൂപയോളം നിക്ഷേപിച്ചിരുക്കുന്ന ഒരു ഓഹരിയെ നമുക്ക് പരിചയപ്പെടാം.

ഐനോക്‌സ് ഗ്രീൻ എനർജി

ഐനോക്സ് വിൻഡ് ഐപിപികൾ, യൂട്ടിലിറ്റികൾ, പൊതുമേഖലാ സ്ഥാപനങ്ങൾ, കോർപ്പറേറ്റുകൾ, റീട്ടെയിൽ നിക്ഷേപകർ എന്നിവർക്ക് സേവനം നൽകുന്ന ഇന്ത്യയിലെ മുൻനിര വിൻഡ് എനർജി സൊല്യൂഷൻ ദാതാക്കളിൽ ഒന്നാണ് ഐനോക്സ് വിൻഡ്. ഗുജറാത്ത്, ഹിമാചൽ പ്രദേശ്, മധ്യപ്രദേശ് എന്നിവിടങ്ങളിൽ 1,600 മെഗാവാട്ട് ഉൽപ്പാദന ശേഷിയുള്ള മൂന്ന് അത്യാധുനിക ഉൽപ്പാദന പ്ലാൻ്റുകൾ കമ്പനിക്കുണ്ട്.

ഓഹരി വിപണിയിലെ പ്രകടനം

എൻഎസ്ഇയിൽ 177.65 രൂപ എന്നതാണ് നിലവിൽ ഐനോക്‌സ് ഗ്രീൻ എനർജി ഓഹരിയുടെ വില. കഴിഞ്ഞ അഞ്ച് ദിവസത്തിനിടെ 6.28 ശതമാനം നേട്ടമുണ്ടാക്കാൻ ഓഹരിക്ക് സാധിച്ചിരുന്നു. 32.28 ശതമാനം വളർച്ചയാണ് ഓഹരി ഒരു മാസത്തിനിടെ നേടിയത്. 2024-ൽ ഇതുവരെ 57.56 ശതമാനം മുന്നേറ്റമുണ്ടാക്കാനും ഓഹരിക്കായി.

കഴിഞ്ഞ ഒരു വർഷത്തിനിടെ 200 ശതമാനം ലാഭമാണ് നിക്ഷേപകർക്ക് ഐനോക്‌സ് ഗ്രീൻ എനർജി ഓഹരി നൽകിയത്. 188.20 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 55.11 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

40 കോടി നിക്ഷേപകിച്ച് കച്ചോളിയ

ഐനോക്‌സ് ഗ്രീൻ എനർജി സർവീസസിൽ നിക്ഷേപകനായ ആശിഷ് കച്ചോളിയ 40 കോടി രൂപയുടെ നിക്ഷേപം നടത്തി. ബിഎസ്ഇ എക്‌സ്‌ചേഞ്ച് ഫയലിംഗ് പ്രകാരം, കച്ചോളിയയ്ക്ക് 20 കോടി രൂപയുടെ 14,49,275 ഇക്വിറ്റി ഷെയറുകളും 20 കോടി രൂപയുടെ 13,79,310 കൺവെർട്ടിബിൾ വാറൻ്റുകളും അനുവദിച്ചിട്ടുണ്ട്.

ഇക്വിറ്റി ഷെയറുകൾ വഴിയും കൺവെർട്ടിബിൾ വാറൻ്റുകൾ വഴിയും 1,050 കോടി രൂപ വരെയുള്ള ഫണ്ട് റൈസിംഗ് പ്ലാനുകളുടെ ഭാഗമാണ് നിക്ഷേപം. ഐനോക്‌സ് ഗ്രീൻ എനർജി സർവീസസിൻ്റെ വിപണി മൂലധനം 5,283.44 കോടി രൂപയാണ്. ഓഹരിയുടെ മുഖവില 10 രൂപയാണ്.

വരുമാനം

ഐനോക്‌സ് ഗ്രീൻ എനർജി സർവീസസിൻ്റെ 2024 സാമ്പത്തിക വർഷത്തിലെ വരുമാനം 202 കോടി രൂപയാണ്. ഇതേ കാലയളവിലെ അറ്റാദായം 11.51 കോടി രൂപയായും. ഒരു ഓഹരിയുടെ വരുമാനം (ഇപിഎസ്) 0.26 രൂപയായിരുന്നു.

ആരാണ് ആശിഷ് കച്ചോളിയ..?

ഇന്ത്യയിലെ മുംബൈയിൽ ജനിച്ചു വളർന്ന ആശിഷ് കച്ചോളിയ ഒരു പ്രമുഖ ഇന്ത്യൻ നിക്ഷേപകനും ഫണ്ട് മാനേജരുമാണ് . സ്മോൾ-ക്യാപ് , മിഡ്-ക്യാപ് കമ്പനികളിൽ ശ്രദ്ധ കേന്ദ്രീകരിച്ചുകൊണ്ട് , ഗണ്യമായ വളർച്ചാ സാധ്യതയുള്ള മൂല്യം കുറഞ്ഞ ഓഹരികൾ തിരിച്ചറിഞ്ഞ് കച്ചോളിയ സ്വയം പേരെടുത്തു.

ഫയൽ ചെയ്ത ഏറ്റവും പുതിയ കോർപ്പറേറ്റ് ഷെയർഹോൾഡിംഗുകൾ പ്രകാരം, ആശിഷ് കച്ചോളിയ പോർട്ട്‌ഫോളിയോയ്ക്ക് 2,025.5 കോടിയിലധികം ആസ്തിയുള്ള 42 ഓഹരികൾ ഉണ്ട്. സഫാരി ഇൻഡസ്ട്രീസ് (ഇന്ത്യ) ലിമിറ്റഡ്, ഫിനോടെക്സ് കെമിക്കൽ ലിമിറ്റഡ്, അമി ഓർഗാനിക്സ് ലിമിറ്റഡ്, ഗ്രാവിറ്റ ഇന്ത്യ ലിമിറ്റഡ് തുടങ്ങിയവ അദ്ദേഹത്തിന് നിക്ഷേപമുള്ള ഓഹരികളാണ്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.