ഇന്ന് ഓഹരി വ്യാപാരം നടത്താൻ പോകുന്നവ‍ർ അറിയേണ്ടതെല്ലാം

ഏഷ്യൻ വിപണികൾ ആഴ്ചയിലെ അവസാന വ്യാപാര ദിനമായ ഇന്ന് നഷ്ടത്തോടെയാണ് വ്യാപാരം ആരംഭിച്ചിരിക്കുന്നത്. യു‌എസ് വിപണിയിലെ ഇടിവിനെ തുട‍ർന്നാണിത്. കൊവിഡ് -19 കേസുകളിൽ അടുത്തിടെയുണ്ടായ കുതിപ്പ് ആഗോള വളർച്ച മന്ദഗതിയിലാകുമെന്ന സൂചനകൾ നൽകുന്നതാണ് വിപണികളിലെ ഇടിവിന് പ്രധാന കാരണം. എന്നാൽ ട്രഷറികൾ ഒറ്റരാത്രികൊണ്ട് മുന്നേറി. ഇന്ത്യയിലെ നിഫ്റ്റി 50 സൂചികയുടെ ആദ്യകാല സൂചകമായ സിംഗപ്പൂർ വ്യാപാരം നടത്തുന്ന എസ്‌ജി‌എക്സ് നിഫ്റ്റി രാവിലെ 6:55 വരെ 0.4 ശതമാനം ഇടിഞ്ഞ് 10,796 ആയി.

സ്വാധീനിക്കാൻ സാധ്യതയുള്ള ഘടകങ്ങൾ

ഇന്നത്തെ വ്യാപാരത്തിൽ ഓഹരികളെ സ്വാധീനിക്കാൻ സാധ്യതയുള്ള ഘടകങ്ങളെന്തൊക്കെയെന്ന് നോക്കാം:

ദക്ഷിണ കൊറിയയിലെയും ഓസ്‌ട്രേലിയയിലെയും പോലെ ജപ്പാനിലെ വിപണികളും പിന്നോട്ട് പോകുന്നു
ഡോവ് ജോൺസ് സൂചിക വ്യാഴാഴ്ച 1.4 ശതമാനം ഇടിഞ്ഞു
നാസ്ഡാക്ക് റെക്കോർഡ് ഉയരത്തിലെത്തി
വ്യാഴാഴ്ച റിപ്പോർട്ടുചെയ്ത തൊഴിൽ ഡാറ്റ പ്രതീക്ഷിച്ചതിനേക്കാൾ മികച്ചതാണ്.
10 വർഷത്തെ ട്രഷറികളിലെ നേട്ടം 0.62% ആണ്.
വെസ്റ്റ് ടെക്സസ് ഇന്റർമീഡിയറ്റ് ക്രൂഡിന് ബാരലിന് 39.65 ഡോളർ എന്ന നിലയിൽ നിന്ന് ചെറിയ മാറ്റമുണ്ടായി

ഓഹരി വിപണിയിൽ തുടർച്ചയായ അഞ്ചാം ദിവസവും നേട്ടം; ബജാജ് ഫിനാൻസിന് ഇന്ന് 8% നേട്ടം ഓഹരി വിപണിയിൽ തുടർച്ചയായ അഞ്ചാം ദിവസവും നേട്ടം; ബജാജ് ഫിനാൻസിന് ഇന്ന് 8% നേട്ടം

ഇന്ന് നിക്ഷേപക‍ർ ഉറ്റു നോക്കുന്ന ഓഹരികൾ

ടിസിഎസ്
ആ‍ർഐഎൽ
പിഎൻബി
പിഎൻബി ഹൗസിംഗ് ഫിനാൻസ്
ടാറ്റാ മോട്ടോഴ്സ്
അദാനി
ടാറ്റാ പവ‍‍ർ
മുത്തൂറ്റ് ക്യാപിറ്റൽ സ‍ർവ്വീസസ്

ഓഹരി വിപണിയിൽ ഇന്ന് നേരിയ നേട്ടത്തോടെ തുടക്കം ഓഹരി വിപണിയിൽ ഇന്ന് നേരിയ നേട്ടത്തോടെ തുടക്കം

ഇന്നത്തെ തുടക്കം

കോവിഡ് -19 വൈറസിനെക്കുറിച്ചുള്ള ഭീതി ലോകമെമ്പാടും തുടരുന്നതിനാൽ ബെഞ്ച്മാർക്ക് സൂചികകൾ ഇന്ന് നഷ്ടത്തിൽ വ്യാപാരം ആരംഭിച്ചു. യുഎസിൽ കോവിഡ് -19 കേസുകൾ ഉയർന്നപ്പോൾ ഏഷ്യയിലെ ഭൂരിഭാഗം വിപണികളും നഷ്ടത്തിൽ വ്യാപാരം നടത്തുന്നതാണ് ഇന്ത്യൻ വിപണിയ്ക്കും തിരിച്ചടിയായത്.

സെൻസെക്സിൽ 466 പോയിന്റ് നേട്ടം, നിഫ്റ്റി 10,750 ന് മുകളിൽ; ബജാജ് ഫിനാൻസിന് മികച്ച നേട്ടം സെൻസെക്സിൽ 466 പോയിന്റ് നേട്ടം, നിഫ്റ്റി 10,750 ന് മുകളിൽ; ബജാജ് ഫിനാൻസിന് മികച്ച നേട്ടം

ഇടിവ് ഇങ്ങനെ

വ്യാപാരത്തിന്റെ തുടക്കത്തിൽ നിഫ്റ്റി 43 പോയിന്റും സെൻസെക്സ് 148 പോയിന്റും കുറഞ്ഞു. കമ്പനിയിൽ ഒരു പ്രധാന ഓഹരി വിൽപ്പന നടത്താൻ സർക്കാർ പദ്ധതിയിടുന്നുവെന്ന റിപ്പോർട്ടിനെ തുടർന്ന് കോൾ ഇന്ത്യയിലെ ഓഹരികൾ 1.5 ശതമാനം ഇടിഞ്ഞു. സർക്കാർ ഓഹരി വിൽപ്പന നടത്തിയെന്ന റിപ്പോർട്ടിനെത്തുടർന്ന് ഐഡിബിഐ ബാങ്കിന്റെ ഓഹരികളും ഇടിഞ്ഞു.

നഷ്ത്തിലായ ഓഹരികൾ

അറ്റാദായത്തിൽ 14 ശതമാനം ഇടിവുണ്ടായതായി ഐടി കമ്പനിയായ ടിസിഎസിലെ ഓഹരികൾ ഒരു ശതമാനം ഇടിഞ്ഞു. മിക്ക അനലിസ്റ്റുകളും പ്രതീക്ഷിച്ചതിലും താഴെയായിരുന്നു ഇത്. ഓഹരി വിൽപ്പനയിലൂടെ പതിനായിരം കോടി രൂപ സമാഹരിക്കാൻ കമ്പനി ആഗ്രഹിക്കുന്നതായി വ്യക്തമാക്കിയിട്ടും പഞ്ചാബ് നാഷണൽ ബാങ്ക് ഓഹരികൾ നേരിയ കുറവ് രേഖപ്പെടുത്തി. വ്യാപാരത്തിൽ ആദ്യകാല നഷ്ടം നേരിട്ടവരിൽ ബാങ്കിംഗ്, ഫിനാൻസ് ഓഹരികളും ഉൾപ്പെടുന്നു. ഐസിഐസിഐ ബാങ്ക് ഒരു ശതമാനത്തിലധികം ഇടിഞ്ഞു.