3 വർഷം 658 ശതമാനം വളർച്ച, ലാഭവിഹിതം നൽകാൻ തയ്യാറായി ഓട്ടോ ഓഹരി, നിങ്ങളുടെ കയ്യിലുണ്ടോ..?

ഓഹരി വിപണിയിലെ നിക്ഷേപം അപകടം പിടിച്ചതാണ്. കൃത്യമായ അറിവും നിരീക്ഷണവും ഇല്ലെങ്കിൽ കാശ് പോണ വഴി അറിയില്ല. എന്നാൽ കൃത്യമായ ധാരണയും ക്ഷമയും ഉണ്ടെങ്കിൽ ഓഹരി നിക്ഷേപത്തിലൂടെ മികച്ച നേട്ടമുണ്ടാക്കാം. നമ്മൾ വാങ്ങുന്ന ഓഹരിയുടെ വില കൂടുമ്പോഴാണ് നമുക്ക് നേട്ടമുണ്ടാകുക. എന്നാൽ അതുവഴി മാത്രമല്ല ഓഹരി വിപണിയിൽ നിന്നും ലാഭം നേടാൻ സാധിക്കുക. കമ്പനികൾ ലാഭവിഹിതം പ്രഖ്യാപിക്കുമ്പോഴും നിക്ഷേപകന് സാമ്പത്തിക നേട്ടമുണ്ടാകും.

തുടർച്ചയായി ലാഭവിഹിതം കൈമാറുന്ന കമ്പനികളിൽ നിക്ഷേപിക്കുകയാണെങ്കിൽ ദീർഘകാല നിക്ഷേപമെന്ന നിലയ്ക്ക് നിക്ഷേപം വളരുന്നതിനൊപ്പം സ്ഥിര വരുമാനം ഉണ്ടാക്കാൻ സാധിക്കും. ലാഭവിഹിതത്തെ ഓഹരി വിപണിയില്‍ നിന്നു ലഭിക്കുന്ന ബോണസ് ആയാണ് പലരും കാണുന്നത്. എന്താണ് ലാഭവിഹിതമെന്നും ലാഭവിഹിതം പ്രഖ്യാപിച്ച മൾട്ടിബാഗർ ഓഹരിയുടെ വിശദാംശങ്ങളും നമുക്ക് പരിശോധിക്കാം.

എന്താണ് ലാഭവിഹിതം..?

ലാഭവിഹിതം എന്നത് ഒരു കമ്പനിയുടെ ലാഭത്തിന്‍റെ ഒരു ഭാഗമാണ്, അത് ഓഹരി ഉടമകൾക്ക് നൽകുന്നു. ഇത് ഓഹരി ഉടമകൾക്ക് അവരുടെ നിക്ഷേപത്തിന് ഒരു പ്രതിഫലമായി ലഭിക്കുന്നതാണ്. ഒരു കമ്പനി ലാഭകരമാകുമ്പോൾ, അവർക്ക് ആ ലാഭം ഓഹരി ഉടമകളുമായി പങ്കിടാൻ തീരുമാനിക്കാം. ഈ പങ്കിടലിനെയാണ് ലാഭവിഹിതം എന്ന് പറയുന്നത്. ഇത് സാധാരണയായി പണമായിട്ടാണ് നൽകുന്നത്, എന്നാൽ ചിലപ്പോൾ അധിക ഓഹരികളായോ മറ്റ് ആനുകൂല്യങ്ങളായോ നൽകാറുണ്ട്.

ഗബ്രിയേൽ ഇന്ത്യ

ഓട്ടോമോട്ടീവ് സസ്‌പെൻഷൻ സിസ്റ്റങ്ങൾ, ഘടകങ്ങൾ, ഷോക്ക് അബ്സോർബറുകൾ എന്നിവയുടെ നിർമ്മാണത്തിൽ വൈദഗ്ദ്ധ്യം നേടിയ ഓട്ടോ ആൻസിലറി കമ്പനിയാണ് ഗബ്രിയേൽ ഇന്ത്യ. ജൂൺ പാദത്തിൽ കമ്പനിയുടെ വരുമാനം 16 ശതമാനം വർധിച്ച് 1,098.3 കോടി രൂപയായി. കഴിഞ്ഞ വർഷം ഇത് 946.5 കോടി രൂപയായിരുന്നു. 2025 ഏപ്രിൽ-ജൂൺ പാദത്തിൽ അറ്റാദായം 7 ശതമാനം വർധിച്ച് 62 കോടി രൂപയായി. 2025 ഓഗസ്റ്റ് 16 ലെ കണക്കനുസരിച്ച് 15,453.22 കോടി രൂപയാണ് ഗബ്രിയേൽ ഇന്ത്യയുടെ വിപണി മൂലധനം.

2.95 രൂപ ലാഭവിഹിതം

2025 സാമ്പത്തിക വർഷത്തിൽ 2.95 രൂപ ലാഭവിഹിതം നൽകുമെന്നാണ് കമ്പനി പ്രഖ്യാപിച്ചിരിക്കുന്നത്. 2025 സെപ്റ്റംബർ 2 ലാഭവിഹിതത്തിനുള്ള റെക്കോർഡ് തീയതി. കമ്പനിയുടെ 63-ാമത് വാർഷിക പൊതുയോഗം 2025 സെപ്റ്റംബർ 09-ന് നടക്കും. റെക്കോർഡ് ഡേറ്റ് അഥവാ എക്സ് ഡേറ്റ് എന്നത് ലാഭവിഹിതം നൽകുന്നതിന് യോ​ഗ്യരായ ഓഹരിയുടമകളെ കണ്ടെത്തുന്നതിന് നിശ്ചയിക്കുന്ന ദിവസമാണ്. ഈ തിയ്യതിക്ക് മുമ്പ് ഓഹരി ഹോൾഡിങ്ങിൽ ഉണ്ടെങ്കിൽ മാത്രമേ ലാഭവിഹിതം ലഭിക്കുകയുള്ളൂ. അതായത് റെക്കോർഡ് ഡേറ്റിലെ കമ്പനികളുടെ കൈവശമുള്ള റെക്കോർഡ് പ്രകാരമാണ് ലാഭവിഹിതം നൽകുന്നത്.

ഓഹരി വില

ബിഎസ്ഇയിൽ 1,159.95 രൂപയാണ് ഗബ്രിയേൽ ഇന്ത്യ ഓഹരിയുടെ നിലവിലെ വില. ഓഹരിയുടെ 52 ആഴ്ചയിലെ ഏറ്റവും ഉയർന്ന ഓഹരി വില  1,122.25 രൂപയും താഴ്ന്ന ഓഹരി വില 387.05 രൂപയുമാണ്. രണ്ടാഴ്ചയ്ക്കുള്ളിൽ ഓഹരി വില 3 ശതമാനത്തിലധികം ഉയർന്നു. മൂന്ന് മാസത്തിനുള്ളിൽ ഓഹരി വില 68 ശതമാനവും ആറ് ശതമാനവും വർദ്ധിച്ചു. 1, 2, 3, 5 വർഷത്തിനുള്ളിൽ ഓഹരികൾ യഥാക്രമം 110 ശതമാനം, 368 ശതമാനം, 658 ശതമാനം, 1108 ശതമാനം എന്നിങ്ങനെ ഉയർന്നു.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.