ഫെഡറൽ ബാങ്ക് ഉൾപ്പെട 7 ഓഹരികൾ വാങ്ങാം, ലാഭം 20% വരെ, മുന്നേറ്റത്തിന്‍റെ കാരണം നിരത്തി ബ്രോക്കറേജ്

പശ്ചിമേഷ്യലെ യുദ്ധ ഭീതി ഇന്ത്യൻ ഓഹരി സൂചികകളെ താഴേക്ക് വലിക്കുകയാണ്. സെപ്തംബർ 27-ലെ റെക്കോർഡ് ഉയരത്തിൽ നിന്ന് ബെഞ്ച്മാർക്കുകൾ 5 ശതമാനത്തിലധികം കുറഞ്ഞു. ജിയോപൊളിറ്റിക്കൽ ആശങ്കകൾ കൂടാതെ മറ്റ് നിരവധി ഘടകങ്ങളും വിപണി തകർച്ചയ്ക്ക് കാരണമായിട്ടുണ്ട്, അതായത് ക്രൂഡ് ഓയിൽ വില ഉയരുന്നത്, എഫ് ആൻഡ് ഒ വിഭാഗത്തിൽ സെബിയുടെ നിയന്ത്രണ മാറ്റങ്ങൾ, വിദേശ സ്ഥാപന നിക്ഷേപകരിൽ നിന്നുള്ള ഒഴുക്ക് തുടങ്ങിയവ.

അതേസമയം ബ്രോക്കറേജ് സ്ഥാപനമായ ആക്സിസ് സെക്യൂരിറ്റീസ് ഇന്ത്യൻ ഇക്വിറ്റി മാർക്കറ്റിൻ്റെ ദീർഘകാല വളർച്ചയിൽ ശുഭാപ്തി വിശ്വാസം പുലർത്തുന്നുണ്ട്. വർദ്ധിച്ചുവരുന്ന കാപെക്‌സ്, വായ്പാ വളർച്ച മെച്ചപ്പെടുത്താൻ ബാങ്കുകളെ പ്രാപ്തരാക്കുന്നതിനാൽ ഉയർന്നുവരുന്ന അനുകൂല ഘടനയിൽ നിന്ന് ഇന്ത്യൻ ഓഹരി വിപണിയെ നന്നായി പിന്തുണയ്ക്കുന്നുവെന്ന് അത് വിശ്വസിക്കുന്നു. ഒക്ടോബറിൽ ഏഴ് മിഡ്ക്യാപ്, സ്മോൾക്യാപ് ഓഹരികൾ വാങ്ങാൻ ആക്സിസ് സെക്യൂരിറ്റീസ് ശുപാർശ ചെയ്തിട്ടുണ്ട്. ഈ സ്റ്റോക്ക് പിക്കുകളിൽ 20% വരെ ഉയർന്ന സാധ്യതയാണ് ബ്രോക്കറേജ് സ്ഥാപനം പ്രതീക്ഷിക്കുന്നത്. ഏതൊക്കെയാണ് 7 ഓഹരികൾ എന്ന് നോക്കാം.

1. അരബിന്ദോ ഫാർമ

എൻഎസ്ഇയിൽ 1,459.95 രൂപ എന്നതാണ് ഓഹരിയുടെ വില. കഴിഞ്ഞ 6 മാസത്തിനിടെ 30 ശതമാനം വളർച്ച കൈവരിക്കാൻ ഓഹരിക്ക് സാധിച്ചു. 65.47 ശതമാനമാണ് ഒരു വർഷത്തെ വളർച്ച. കമ്പനിയുടെ ടോപ്‌ലൈൻ നയിക്കാൻ അരബിന്ദോ ഫാർമയ്ക്ക് നിരവധി വളർച്ചാ ലിവറുകൾ ഉണ്ടെന്ന് ആക്‌സിസ് സെക്യൂരിറ്റീസ് വിശ്വസിക്കുന്നു. അരബിന്ദോ ഫാർമ ഓഹരികൾക്ക് 1,730 രൂപയാണ് ബ്രോക്കറേജിൻ്റെ ടാർഗെറ്റ് വില.

2. ലുപിൻ

എൻഎസ്ഇയിൽ 2,205 രൂപ എന്നതാണ് ലുപിൻ ഓഹരിയുടെ വില. കഴിഞ്ഞ ആറ് മാസത്തിനിടെ 39 ശതമാനവും ഒരു വർഷത്തിനിടെ 91.49 ശതമാനവും നേട്ടമുണ്ടാക്കാൻ ഓഹരിക്ക് സാധിച്ചു. അസംസ്‌കൃത വസ്തുക്കളുടെ വിലയിടിവ്, കുറഞ്ഞ ലോജിസ്റ്റിക് ചെലവുകൾ, ഇന്ധനച്ചെലവ് തുടങ്ങിയ വ്യവസായത്തിന് നിലവിൽ അനുകൂലമായ മാക്രോ പരിസ്ഥിതി തുടങ്ങിയവ ഓഹരിയുടെ കുതിപ്പിനെ പിന്തുണയ്ക്കുമെന്നാണ് ബ്രോക്കറേജ് വിലയിരുത്തുന്നത്. 2500 രൂപയാണ് ടാർഗെറ്റ് വില.

3. ഡാൽമിയ ഭാരത്

1,928.90 രൂപ എന്നതാണ് നിലവിൽ ഡാൽമിയ ഭാരത് ഓഹരിയുടെ വില. ആറ് മാസത്തിനിടെ 4.81 ശതമാനം ഇടിവ് ഓഹരി നേരിട്ടു. കമ്പനി 2024 സാമ്പത്തിക വർഷത്തിനും 2026 സാമ്പത്തിക വർഷത്തിനും ഇടയിൽ ശക്തമായ വളർച്ച കൈവരിക്കുമെന്ന് പ്രതീക്ഷിക്കുന്നു. ബ്രോക്കറേജ് സ്ഥാപനം ഡാൽമിയ ഭാരത് ഓഹരിയുടെ ടാർഗെറ്റ് വില 2,150 രൂപയായി നിശ്ചയിച്ചിട്ടുണ്ട്.

4. ഫെഡറൽ ബാങ്ക്

എൻഎസ്ഇയിൽ 193.97 രൂപ എന്നതാണ് നിലവിൽ ബാങ്ക് ഓഹരിയുടെ വില. ആറ് മാസത്തിനിടെ 27 ശതമാനം മുന്നേറ്റമുണ്ടാക്കാൻ ഓഹരിക്ക് സാധിച്ചു. 230 രൂപയാണ് ടാർഗെറ്റ് വില.

5. പ്രസ്റ്റീജ് എസ്റ്റേറ്റ്സ്

1,745 രൂപയാണ് നിലവിലെ ഓഹരി വില. ഒരു വർഷത്തിനിടെ 178 ശതമാനം ലാഭം നിക്ഷേപകർക്ക് നൽകാൻ ഓഹരിക്ക് സാധിച്ചു. കമ്പനിയുടെ വൈവിധ്യമാർന്ന ബിസിനസ് മോഡൽ, എക്‌സിക്യൂഷൻ സുപ്രിമസി, ഓർഡർ ബുക്ക് തുടങ്ങിയവ നേട്ടമാക്കും. 2195 രൂപയാണ് ടാർഗെറ്റ് വില.

6. സൻസേര എഞ്ചിനീയറിംഗ്

എൻഎസ്ഇയിൽ 1,620 രൂപയാണ് നിലവിലെ ഓഹരി വില. കഴിഞ്ഞ ഒരു വർഷത്തിനിടെ 76.07 ശതമാനം വളർച്ച കൈവരിക്കാൻ ഓഹരിക്ക് സാധിച്ചു. നോൺ-ഓട്ടോ ഐസിഇ ഘടകങ്ങളിലെ ഉയർന്ന വിൽപ്പന, ഉയർന്ന അന്താരാഷ്ട്ര ബിസിനസ്സ് (കയറ്റുമതി), മാർജിൻ ട്രെൻഡുകൾ മെച്ചപ്പെടുത്തുന്നതിനുള്ള കേന്ദ്രീകൃത സമീപനം തുടങ്ങിയ നേട്ടമാകും. 1875 രൂപയാണ് ടാർഗെറ്റ് വില.

7. ജെ കുമാർ ഇൻഫ്രാ പ്രോജക്ടുകൾ

എൻഎസ്ഇയിൽ 750.05 രൂപ എന്നതാണ് നിലവിലെ ഓഹരി വില. കഴിഞ്ഞ ഒരു വർഷത്തിനിടെ 74.75 ശതമാനം മുന്നേറ്റമുണ്ടാക്കാൻ ഓഹരിക്ക് സാധിച്ചു. ശക്തവും വൈവിധ്യപൂർണ്ണവുമായ ഓർഡർ ബുക്ക് പൊസിഷൻ, ആരോഗ്യകരമായ ബിഡ്ഡിംഗ് പൈപ്പ്ലൈൻ, പുതിയ ഓർഡർ വരവ്, നിർമ്മാണ മേഖലയിലെ ഉയർന്നുവരുന്ന അവസരങ്ങൾ, കമ്പനിയുടെ കാര്യക്ഷമവും സമയോചിതവുമായ നിർവ്വഹണം, ശക്തമായ സാമ്പത്തിക വിശ്വാസ്യത എന്നിവ ഓഹരിയുടെ നേട്ടത്തിന് കാരണമാകും. 950 രൂപയാണ് ടാർഗെറ്റ് വില.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.