കൊറോണ വൈറസ് പാൻഡെമിക്കിന്റെ ആഘാതം രാജ്യത്തുടനീളം അനുഭവപ്പെടുന്ന സാഹചര്യത്തിൽ, മാർച്ച് 23 മുതൽ ബാങ്ക് ശാഖകൾ പണ നിക്ഷേപവും പിൻവലിക്കലും, ചെക്കുകൾ മാറൽ, സർക്കാർ ഇടപാടുകൾ തുടങ്ങിയ അവശ്യ സേവനങ്ങൾ മാത്രമേ നൽകുകയുള്ളൂവെന്ന് ഇന്ത്യൻ ബാങ്ക് അസോസിയേഷൻ (ഐബിഎ) അറിയിച്ചു.
ഈ കാലയളവിൽ മറ്റ് സേവനങ്ങൾ താൽക്കാലികമായി നിർത്തിവയ്ക്കുന്നതിനാൽ ഉപഭോക്താക്കൾ ബാങ്കുമായി സഹകരിക്കണമെന്ന് ഐബിഎ അഭ്യർത്ഥിച്ചു. ബാങ്കുകൾ തങ്ങളുടെ ഉപഭോക്താക്കൾക്ക് ബാങ്കിംഗ് സേവനങ്ങൾ നൽകുന്നത് തുടരുമ്പോൾ അവശ്യ സേവനങ്ങൾക്കായി മാത്രം ബാങ്ക് ശാഖകളിൽ എത്തണമെന്ന് ഐബിഎ പൊതുജനങ്ങളോട് അഭ്യർത്ഥിച്ചു.
ഉപഭോക്താക്കള്ക്ക് വിസ ഡെബിറ്റ് കാര്ഡുകള് നല്കാനൊരുങ്ങി പേടിഎം പേയ്മെന്റ്സ് ബാങ്ക്
ബാങ്കുകൾ നൽകുന്ന മിക്ക സേവനങ്ങളും ഓൺലൈനിൽ ലഭ്യമാണെന്ന് അസോസിയേഷൻ വ്യക്തമാക്കി. കൊറോണ വൈറസ് പൊട്ടിപ്പുറപ്പെട്ടതിനെത്തുടർന്ന് രാജ്യത്തൊട്ടാകെയുള്ള സംസ്ഥാന സർക്കാരുകൾ അവശ്യ സേവനങ്ങൾ നൽകുന്നവരോട് മാത്രമാണ് ജോലി സ്ഥലത്ത് എത്താൻ ആവശ്യപ്പെട്ടിരിക്കുന്നത്. ബാക്കിയുള്ളവർക്ക് വീട്ടിൽ ഇരുന്ന് ജോലി ചെയ്യാവുന്നതാണ്. വൈറസ് ബാധ കുറയ്ക്കുന്നതിന് പ്രവൃത്തി ദിവസത്തിൽ ബാങ്ക് ബ്രാഞ്ചുകളിലും ഓഫീസുകളിലും ജീവനക്കാരുടെ സാന്നിധ്യം 50 ശതമാനമായി കുറച്ചിട്ടുണ്ട്.
ഉപഭോക്താക്കൾക്ക് ഇപ്പോഴും തടസ്സമില്ലാത്ത ബാങ്കിംഗ് സേവനങ്ങൾ ലഭിക്കുന്നുണ്ടെന്ന് ഉറപ്പാക്കുകയാണ് ഐബിഎയുടെയും ബാങ്കുകളുടെയും ലക്ഷ്യമെന്നും അതിന് വേണ്ടി പരമാവധി ശ്രമിക്കുന്നുണ്ടെന്നും ആവശ്യമായ എല്ലാ സേവനങ്ങളും പരമാവധി പ്രയോജനപ്പെടുത്തുന്നുണ്ടെന്നും ഉറപ്പ് വരുത്താനും അസോസിയേഷൻ വ്യക്തമാക്കി. നിങ്ങൾ എല്ലാവരും നേരിടുന്ന അതേ വെല്ലുവിളികളാണ് ബാങ്ക് ജീവനക്കാരും നേരിടുന്നതെന്നും, അതിനാൽ ജനങ്ങളുടെ സഹായം ആവശ്യമാണെന്നും ഐ.ബി.എ പ്രസ്താവനയിൽ പറഞ്ഞു. 10 പൊതുമേഖലാ ബാങ്കുകളുടെ മെഗാ ലയന പദ്ധതിയിൽ പ്രതിഷേധിച്ച് അഖിലേന്ത്യാ ബാങ്ക് എംപ്ലോയീസ് അസോസിയേഷനും (എബിഇഎ) അഖിലേന്ത്യാ ബാങ്ക് ഓഫീസേഴ്സ് അസോസിയേഷനും (എഐബിഒഎ) മാർച്ച് 27 നാണ് അഖിലേന്ത്യാ ബാങ്ക് പണിമുടക്ക് ആഹ്വാനം ചെയ്തിരിക്കുന്നത്. ഈ പണിമുടക്കിൽ പങ്കുചേരാൻ ബാങ്ക് എംപ്ലോയീസ് ഫെഡറേഷൻ ഓഫ് ഇന്ത്യയും തീരുമാനിച്ചുവെന്നാണ് റിപ്പോർട്ടുകൾ. വേതനവുമായി ബന്ധപ്പെട്ട വിഷയങ്ങളിൽ ഇന്ത്യൻ ബാങ്ക് അസോസിയേഷനുമായി (ഐബിഎ) അഭിപ്രായവ്യത്യാസമുണ്ടായതിനെത്തുടർന്ന് മാർച്ച് 11 മുതൽ 3 ദിവസത്തെ പണിമുടക്ക് നടത്തുമെന്ന് ബാങ്ക് യൂണിയനുകൾ ഭീഷണിപ്പെടുത്തിയിരുന്നുവെങ്കിലും പിന്നീട് അത് റദ്ദാക്കിയിരുന്നു.
അടുത്ത ആഴ്ച്ച വീണ്ടും ബാങ്ക് പണിമുടക്ക്, തുടർച്ചയായ മൂന്ന് ദിവസം ബാങ്കുകൾക്ക് അവധി