നിങ്ങളറിഞ്ഞോ? മാർച്ചിൽ 14 ദിവസത്തോളം ബാങ്കുകൾ പ്രവർത്തിക്കില്ല, ഈ ദിവസങ്ങളിൽ ബാങ്കിൽ പോവരുത്

ഫെബ്രുവരിയോട് വിട പറഞ്ഞ് മാർച്ചിലേക്ക് എത്തിയിരിക്കുന്നു. സാമ്പത്തിക വർഷത്തിൻ്റെ അവസാനത്തെ മാസമാണ് മാർച്ച്. ഈ മാസത്തിൽ സാമ്പത്തിക ഇടപാടുകൾ നടത്താൻ പ്ലാൻ ചെയ്യുകയാണോ നിങ്ങൾ? 2025 മാർച്ച് മാസത്തെ ബാങ്ക് അവധി ദിനങ്ങളുടെ പട്ടിക റിസർവ് ബാങ്ക് ഓഫ് ഇന്ത്യ (ആർബിഐ) പുറത്തിറക്കി. അതായത് നിലവിലെ കണക്കു പ്രകാരം മാർച്ചിൽ 14 ദിവസമാണ് ബാങ്കുകൾക്ക് അവധിയുള്ളത്. നിങ്ങൾ നടത്തുന്ന പണമിടപാടുകൾ ഏതെല്ലാം ദിവസങ്ങളാണ്?

പൊതു അവധി ദിനങ്ങൾ, പ്രാദേശിക അവധി ദിനങ്ങൾ, രണ്ടാമത്തെയും നാലാമത്തെയും ശനിയാഴ്ചകളിലും എല്ലാ ഞായറാഴ്ചകളിലും അവധി ദിനങ്ങൾ എന്നിവ ഇതിൽ ഉൾപ്പെടുന്നു. ചില പ്രത്യേക ആഘോഷങ്ങൾ നടക്കുന്ന സംസ്ഥാനങ്ങളിലും ബാങ്ക് അവധിയായിരിക്കും. അതേസമയം ഹോളി, റംസാൻ പോലുള്ള പ്രധാന ആഘോഷ ദിവസങ്ങളിൽ മിക്ക സംസ്ഥാനങ്ങളിലും ബാങ്കുകൾ അടച്ചിരിക്കും.

മാർച്ചിലെ അവധി ദിവസങ്ങൾ മനസിലാക്കിയാൽ നിങ്ങളുടെ ബാങ്ക് ഇടപാടുകൾ എളുപ്പത്തിൽ പ്ലാൻ ചെയ്യാം. ഇനിയും വൈകാതെ പ്ലാൻ ചെയ്തോളൂ...

2025 മാർച്ചിലെ ബാങ്ക് അവധി ദിവസങ്ങളുടെ പട്ടിക ഇതാ....

• മാർച്ച് 2 (ഞായർ): എല്ലാ ഞായറാഴ്ചയും രാജ്യത്തെ ബാങ്കുകൾ അവധിയാണ്

• മാർച്ച് 7 (വെള്ളി): ചാപ്ചാർ കുട്ട് - മിസോറാമിലെ ബാങ്കുകൾ പ്രവർത്തിക്കില്ല.

• മാർച്ച് 8 (ശനിയാഴ്ച): എല്ലാ മാസവും രണ്ടാം ശനിയാഴ്ച ബാങ്ക് അവധിയാണ്.

• മാർച്ച് 9 (ഞായർ): എല്ലാ ഞായറാഴ്ചയും രാജ്യത്തെ ബാങ്കുകൾ അവധിയാണ്

• മാർച്ച് 13 (വ്യാഴം): ഹോളിക ദഹനും ആറ്റുകാൽ പൊങ്കാലയും - ഉത്തർപ്രദേശ്, ഉത്തരാഖണ്ഡ്, ജാർഖണ്ഡ്, കേരളം എന്നിവിടങ്ങളിൽ ഈ ദിവസം ബാങ്കുകൾ പ്രവർത്തിക്കില്ല.

• മാർച്ച് 14 (വെള്ളി): ഹോളി (ധുലേതി/ധുലണ്ടി/ഡോൾ ജാത്ര) - ത്രിപുര, ഒഡീഷ, കർണാടക, തമിഴ്‌നാട്, മണിപ്പൂർ, കേരളം, നാഗാലാൻഡ് എന്നിവയൊഴികെ മിക്ക സംസ്ഥാനങ്ങളിലും ഈ ദിവസം പൊതു അവധിയാണ്.

• മാർച്ച് 15 (ശനി): ഹോളി ആഘോഷം - ത്രിപുര, ഒഡീഷ, മണിപ്പൂർ, ബിഹാർ എന്നിവിടങ്ങളിൽ ബാങ്കുകൾ പ്രവർത്തിക്കില്ല.

• മാർച്ച് 16 (ഞായർ): എല്ലാ ഞായറാഴ്ചയും രാജ്യത്തെ ബാങ്കുകൾ അവധിയാണ്

• മാർച്ച് 22 (ശനിയാഴ്ച): ബീഹാർ ദിവസ് ആഘോഷവും നാലാം ശനിയാഴ്ച അവധിയുമാണ്.

• മാർച്ച് 23 (ഞായർ) : എല്ലാ ഞായറാഴ്ചയും രാജ്യത്തെ ബാങ്കുകൾ അവധിയാണ്.

• മാർച്ച് 27 (വ്യാഴം): ശബ്-ഇ-ഖദ്ർ - ജമ്മുവിൽ ഈ ദിവസം ബാങ്കുകൾ അടച്ചിടും.

• മാർച്ച് 28 (വെള്ളി): ജുമാത്-ഉൽ-വിദ - ജമ്മു കശ്മീരിലെ ബാങ്കുകൾ പ്രവർത്തിക്കില്ല.

• മാർച്ച് 30 (ഞായർ): എല്ലാ ഞായറാഴ്ചയും രാജ്യത്തെ ബാങ്കുകൾ അവധിയാണ്.

• മാർച്ച് 31 (തിങ്കളാഴ്ച): റംസാൻ-ഈദ് (ഈദുൽ-ഫിത്തർ) (ഷവൽ-1)/ഖുതുബ്-ഇ-റംസാൻ - മിസോറാം, ഹിമാചൽ പ്രദേശ് എന്നിവ ഒഴികെയുള്ള എല്ലാം സംസ്ഥാനങ്ങളിലും ഈ ദിവസം പൊതു അവധിയായിരിക്കും.

സംസ്ഥാനത്ത് സ്വർണ വില കുതിക്കുന്നു, രണ്ട് ദിവസം കൊണ്ട് പവന് 1000 രൂപ വർദ്ധിച്ചു- രാജ്യാന്തര വിലയും കുതിപ്പിൽ

ഷെഡ്യൂൾഡ് ബാങ്കുകളും അല്ലാത്തതുമായ ബാങ്കുകൾക്കും രണ്ടാമത്തെയും നാലാമത്തെയും ശനിയാഴ്ചകളിൽ പ്രവർത്തിക്കില്ല. നിങ്ങളുടെ ബാങ്കുമായി ബന്ധപ്പെട്ട ജോലികൾ അതിനനുസരിച്ച് ആസൂത്രണം ചെയ്യുന്നതാണ് ഉചിതം. ശനിയും ഞായറും ഒഴികേ മാർച്ച് 31നാണ് കേരളത്തിൽ ഒരു പൊതു അവധിയുള്ളത്. മാർച്ച് 13ന് കേരളത്തിൽ തിരുവനന്തപുരത്ത് മാത്രം പ്രാദേശിക അവധിയായിരിക്കും.