ഓഹരി വിപണിയിൽ ഈ ആഴ്ച്ച തുടക്കം നേട്ടത്തിൽ, ബാങ്ക് ഓഹരികൾക്ക് മുന്നേറ്റം

ഇന്ത്യൻ സൂചികകൾ ഇന്ന് നേട്ടത്തിൽ വ്യാപാരം ആരംഭിച്ചു. നിഫ്റ്റി രാവിലെ 11400 ന് മുകളിൽ എത്തി. രാവിലെ 09:15 ന് സെൻസെക്സ് 213.43 പോയിന്റ് അഥവാ 0.56 ശതമാനം ഉയർന്ന് 38,648.15 ൽ എത്തി. നിഫ്റ്റി 68.70 പോയിന്റ് അഥവാ 0.60 ശതമാനം ഉയർന്ന് 11,440.30 ൽ എത്തി. ഏകദേശം 1119 ഓഹരികൾ ഇന്ന് മുന്നേറി, 252 ഓഹരികൾ ഇടിവ് രേഖപ്പെടുത്തി. 83 ഓഹരികൾ മാറ്റമില്ലാതെ തുടർന്നു. തിങ്കളാഴ്ച പ്രധാന കറൻസികൾക്കെതിരെ ഡോളർ സ്ഥിരത നിലനിർത്തി.

ബി‌എസ്‌ഇ സെൻ‌സെക്സിൽ രാവിലെ മികച്ച പ്രകടനം കാഴ്ച്ച വയ്ക്കുന്ന ഓഹരികൾ കൊട്ടക് ബാങ്ക്, എച്ച്ഡിഎഫ്സി ബാങ്ക്, ഇൻഡസിൻഡ് ബാങ്ക്, എൻടിപിസി, എസ്ബിഐ, ആക്സിസ് ബാങ്ക് എന്നിവയാണ്. ഇന്ന് ഏറ്റവും കൂടുതൽ നഷ്ടം രേഖപ്പെടുത്തുന്നത് ടെക്ക് മഹീന്ദ്ര, എച്ച്സിഎൽ ടെക്, ഇൻഫോസിസ്, ടൈറ്റാൻ, ഭാരതി എയർടെൽ, ടിസിഎസ് തുടങ്ങിയ ഓഹരികളാണ്.

ഓഹരി വിപണിയിൽ ഈ ആഴ്ച്ച തുടക്കം നേട്ടത്തിൽ, ബാങ്ക് ഓഹരികൾക്ക് മുന്നേറ്റം

സെൻസെക്സിൽ ബാങ്ക് ഓഹരികളാണ് ഇന്ന് മുന്നേറുന്നത്. ഏറ്റവും കൂടുതൽ നഷ്ടം രേഖപ്പെടുത്തുന്നത് ഐടി ഓഹരികളാണ്. ഐടി, ഫാർമ ഒഴികെയുള്ള മറ്റ് മേഖല സൂചികകൾ ഇന്ന് നേട്ടത്തിലാണ്. 

സെൻസെക്സിലും നിഫ്റ്റിയിലും 1% നേട്ടം; അൾട്രാടെക് സിമൻറ് മികച്ച നേട്ടക്കാർ