സെപ്റ്റംബർ മാസം നിക്ഷേപിക്കാൻ 3 ഓഹരികൾ, അൽപ്പം കാത്തിരുന്നാൽ മികച്ച ലാഭം ഉറപ്പ്, കൂടെക്കൂട്ടുന്നോ..?

ഓഹരി വിപണിയിലെ നിക്ഷേപകരെ നമുക്ക് രണ്ടായി തരം തിരിക്കാൻ സാധിക്കും. ദീർഘകാല നിക്ഷേപകരും ഹ്രസ്വകാല നിക്ഷേപകരും. ഒരു വർഷത്തിൽ കൂടുതൽ ഓഹരി കൈവശം വയ്ക്കുന്നവരെയാണ് സാധാരണയായി . ദീർഘകാല നിക്ഷേപകർ എന്ന് വിളിക്കുന്നത്. അതേസമയം ഒരു വർഷത്തിൽ താഴെയുള്ള നിക്ഷേപങ്ങളെ ഹ്രസ്വകാല നിക്ഷേപമായി കണക്കാക്കുന്നു. ദീർഘകാല ഓഹരികളിൽ നിക്ഷേപിക്കുന്നത് കാലക്രമേണ സമ്പത്ത് കെട്ടിപ്പടുക്കുന്നതിനുള്ള ഏറ്റവും വിശ്വസനീയമായ മാർഗമായി കണക്കാക്കപ്പെടുന്നു.

ഹ്രസ്വകാലത്തേക്ക് ഓഹരി മാർക്കറ്റ് അസ്ഥിരമാകും. അതുകൊണ്ടുതന്നെ ക്ഷമയുള്ള നിക്ഷേപകർക്ക് കാര്യമായ പ്രതിഫലം കൊയ്യാൻ ദീർഘകാല നിക്ഷേപങ്ങളിലൂടെ സാധിക്കുമെന്ന് ചരിത്രം കാണിക്കുന്നു. അഞ്ച് വർഷത്തെ സിഎജിആർ അടിസ്ഥാനമാക്കി 2024 സെപ്റ്റംബറിൽ നിക്ഷേപിക്കാൻ സാധിക്കുന്ന 3 ഓഹരികളെ ഏഞ്ചൽ വൺ പട്ടികപ്പെടുത്തിയിട്ടുണ്ട്. അവ ഏതൊക്കെയാണെന്ന് നമുക്ക് പരിശോധിക്കാം.

1. ലോയ്ഡ്സ് മെറ്റൽസ് ആൻഡ് എനർജി ലിമിറ്റഡ്

ഇരുമ്പയിര് ഖനനം, സ്പോഞ്ച് ഇരുമ്പ് നിർമാണം, വൈദ്യുതി ഉത്പ്പാദനം എന്നിവയിൽ ഏർപ്പെട്ടിരിക്കുന്ന ഇന്ത്യൻ കമ്പനിയാണ് ലോയ്ഡ്സ് മെറ്റൽസ് ആൻഡ് എനർജി ലിമിറ്റഡ്. 1977-ൽ സ്ഥാപിക്കപ്പെട്ട കമ്പനിയുടെ ആസ്ഥാനം മുംബൈ ആണ്. 40,694.39 കോടി രൂപയാണ് വിപണി മൂലധനം.

⦁ റിട്ടേൺ ഓൺ ഇക്വിറ്റി (ROE): 56.6%
⦁ മൂലധനത്തിൽ നിന്നുള്ള വരുമാനം (ROCE): 78.3%
⦁ സിഎജിആർ: 143.69%

ഓഹരി വില

എൻഎസ്ഇയിൽ 773.85 രൂപ എന്ന നിലയിലാണ് വെള്ളിയാഴ്ച . ലോയ്ഡ്സ് മെറ്റൽസ് ആൻഡ് എനർജി ഓഹരി വ്യാപാരം അവസാനിപ്പിച്ചത്. ആറ് മാസത്തിനിടെ 31.83 ശതമാനം വളർച്ച ഓഹരി നേടി. കഴിഞ്ഞ ഒരു വർഷത്തിനിടെ 42 ശതമാനം ലാഭം നിക്ഷേപകർക്ക് നൽകാനും ഓഹരിക്ക് സാധിച്ചു.

2. സിജി പവർ & ഇൻഡസ്ട്രിയൽ സൊല്യൂഷൻസ് ലിമിറ്റഡ്

വൈദ്യുതി ഉൽപ്പാദനം, പ്രസരണം, വിതരണം, റെയിൽ ഗതാഗതം എന്നിവയുമായി ബന്ധപ്പെട്ട ഉൽപ്പന്നങ്ങളുടെ രൂപകൽപ്പന, നിർമ്മാണം, വിപണനം എന്നിവയിൽ ഏർപ്പെട്ടിരിക്കുന്ന ഒരു ഇന്ത്യൻ ബഹുരാഷ്ട്ര കമ്പനിയാണ് സി.ജി പവർ. 1,12,808.66 കോടി രൂപയാണ് കമ്പനിയുടെ വിപണി മൂലധനം.

⦁ റിട്ടേൺ ഓൺ ഇക്വിറ്റി : 57.8%
⦁ മൂലധനത്തിൽ നിന്നുള്ള വരുമാനം : 46.6%
⦁ സിഎജിആർ: 143.06%

ഓഹരി വില

695.90 രൂപ എന്നതാണ് നിലവിലെ ഓഹരി വില. കഴിഞ്ഞ ആറ് മാസത്തിനിടെ 49.66 ശതമാനം വളർച്ച ഓഹരി നേടി. 64.15 ശതമാനം വളർച്ചയാണ് ഒരു വർഷത്തിനിടെ ഓഹരിയുടെ നേട്ടം.

3. ഇലകോൺ എഞ്ചിനീയറിംഗ് കമ്പനി ലിമിറ്റഡ്

പവർ ട്രാൻസ്മിഷൻ സിസ്റ്റങ്ങളും മെറ്റീരിയൽ ഹാൻഡ്ലിംഗ് ഉപകരണങ്ങളും പ്രദാനം ചെയ്യുന്ന കമ്പനി. സ്റ്റീൽ, വളങ്ങൾ, സിമന്റ്, കൽക്കരി, ലിഗ്‌നൈറ്റ്, ഇരുമ്പയിര് ഖനനം, പഞ്ചസാര, പവർ സ്റ്റേഷനുകൾ എന്നി പോർട്ട്‌ഫോളിയോയിൽ ഉൾക്കൊള്ളുന്നു.

⦁ റിട്ടേൺ ഓൺ ഇക്വിറ്റി : 24.5%
⦁ മൂലധനത്തിൽ നിന്നുള്ള വരുമാനം : 31.3%
⦁ സിഎജിആർ: 112.75%

ഓഹരി വില

622.50 രൂപ എന്നതാണ് എൻഎസ്ഇയിലെ ഓഹരി വില. കഴിഞ്ഞ ആറ് മാസത്തിനിടെ 25.77 ശതമാനവും ഒരു വർഷത്തിനിടെ 38.26 ശതമാനവും നേട്ടമുണ്ടാക്കാൻ ഓഹരിക്ക് സാധിച്ചു.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.