ഓഹരി നിക്ഷേപം: ഇന്ന് വാങ്ങാൻ പറ്റിയ ഏറ്റവും മികച്ച 10 ഓഹരികൾ

ഓഹരി വിപണിയിലെ നിക്ഷേപത്തിലൂടെ മികച്ച വരുമാനം ഉറപ്പാക്കുക എന്നത് അത്ര എളുപ്പമല്ല. ശരിയായ പഠനം നടത്തി വേണം മികച്ച ഓഹരികൾ തിരഞ്ഞെടുക്കാൻ. ഫാർമസ്യൂട്ടിക്കൽസ്, കെമിക്കൽസ്, ടെലികോം തുടങ്ങിയ വ്യവസായ മേഖലകളിലെ ഓഹരികളാണ് ഇന്ന് മികച്ച പ്രകടനം കാഴ്ച്ച വച്ചു കൊണ്ടിരിക്കുന്നത്. ഈ ഓഹരികൾ നിക്ഷേപകർക്ക് നേട്ടം നൽകാൻ സാധ്യതയുണ്ടെന്നാണ് സാമ്പത്തിക വിദഗ്ധരുടെ അഭിപ്രായം.

ദീപക് നൈട്രൈറ്റ്

ലോക്ക്ഡൗൺ ഉണ്ടായിരുന്നിട്ടും മാർച്ചിൽ അവസാനിച്ച പാദത്തിൽ ഏകീകൃത അറ്റാദായത്തിൽ 88 ശതമാനം വർധനവ് കൈവരിച്ച് വരുമാനം 172.3 കോടി രൂപയാണ് ദീപക് നൈട്രൈറ്റ് റിപ്പോർട്ട് ചെയ്തിരിക്കുന്നത്. ആഗോള രാസവസ്തുക്കമ്പനികൾ തങ്ങളുടെ ആവശ്യങ്ങൾ ചൈനയ്‌ക്കപ്പുറം വൈവിധ്യവത്കരിക്കുന്നതിന്റെ ഫലമായി ഉണ്ടാകാനിടയുള്ള അധിക ഡിമാൻഡിന്റെ ഗുണഭോക്താവാകാം ഈ കമ്പനി.

മരുന്ന് കമ്പനികൾ

ആൻറിറെട്രോവൈറൽ (എ‌ആർ‌വി), ഓങ്കോളജി ഉൽ‌പ്പന്നങ്ങൾ, ഫോർമുലേഷൻ ബിസിനസ്സ് എന്നിവയ്‌ക്കായുള്ള വ്യത്യസ്‌ത എപി‌ഐകളുടെ (ആക്റ്റീവ് ഫാർമസ്യൂട്ടിക്കൽ ചേരുവകൾ) പ്രധാന വിതരണക്കാരായ ലോറസ് ലാബ്‌സ് ഓഹരികളും ഇന്ന് മികച്ച പ്രകടനം കാഴ്ച്ച വയ്ക്കുന്നുണ്ട്. യു‌എസിലെ മരുന്ന് ക്ഷാമം വർദ്ധിക്കുന്നതിന്റെ ഗുണം അജന്ത ഫാർമയ്ക്കും ഗുണം ചെയ്യും.

ഇന്ന് നിക്ഷേപം നടത്താൻ പറ്റിയ 10 മികച്ച ഓഹരികൾ

• ഗ്ലെൻമാർക്ക് ഫാർമ
• ദീപക് നൈട്രൈറ്റ്
• ലോറസ് ലാബ്സ്
• ഭാരതി എയർടെൽ
• ഷാർദ ക്രോപ്കെം
• ഇന്ത്യൻ എനർജി എക്സ്ചേഞ്ച്
• അജന്ത ഫാർമ
• ഇൻഡോകോ റെമഡീസ്
• എറിസ് ലൈഫ്സയൻസ്
• ആൽക്കെം ലബോറട്ടറീസ്