കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ

കൃത്യമായ ധാരണ, ശരിയായ നിരീക്ഷണം ഇവ രണ്ടുമാണ് ഓഹരി വിപണിയിൽ പണമിറക്കുന്ന നിക്ഷേപകന് വേണ്ട പ്രധാനപ്പെട്ട രണ്ട് ഗുണങ്ങൾ. വാങ്ങുന്ന ഓഹരിയെക്കുറിച്ച് കൃത്യമായ ധാരണയുണ്ടാകണം. അതോടൊപ്പം വിപണിയുടെ ചാഞ്ചാട്ടത്തിൽ കൃത്യമായ നിരീക്ഷണമുണ്ടാകണം. സൂചികകൾ എപ്പോൾ വേണമെങ്കിലും മുന്നോട്ട് കുതിക്കുകയോ താഴോട്ട് പതിക്കുകയോ ചെയ്യാം.

ഏത് ഓഹരിയിൽ നിക്ഷേപം നടത്തണം എന്നതിൽ ബ്രോക്കറേജ് സ്ഥാപനങ്ങൾ നൽകുന്ന നിർദ്ദേശങ്ങൾ പിന്തുടരുന്നതും നല്ലതാണ്. ഓഹരി മുന്നേറാനുള്ള സാധ്യത എത്രത്തോളമുണ്ടെന്ന് അതുവഴി മനസിലാക്കാൻ സാധിക്കും. പ്രമുഖ ബ്രോക്കറേജ് സ്ഥാപനമായ ആനന്ദ് രതി വാങ്ങാൻ ശുപാർശ ചെയ്യുന്ന ഒരു ഓഹരിയെക്കുറിച്ച് നമുക്ക് ഇന്ന് വിശദമായി നോക്കാം.

പ്രിക്കോൾ ലിമിറ്റഡ്

വിവിധതരം ഓട്ടോമൊബൈൽ ഘടകങ്ങളുടെയും നിർമ്മാണത്തിലും വിതരണത്തിലും വൈദഗ്ദ്ധ്യം നേടിയ കമ്പനിയാണ് പ്രിക്കോൾ ലിമിറ്റഡ്. കഴിഞ്ഞ നാല് വർഷമായി കമ്പനിയുടെ ഓഹരി മൂല്യത്തിൽ സ്ഥിരമായ വളർച്ച കാണാൻ സാധിക്കും. അതായത് ഓഹരി ഉടമകൾക്ക് ഗണ്യമായ ലാഭം നൽകാൻ ഓഹരിക്ക് സാധിച്ചു എന്ന് സാരം. പ്രിക്കോൾ ലിമിറ്റഡിൻ്റെ നിലവിലെ വിപണി വില 425.25 രൂപ ആണ്.

ബ്രോക്കറേജ് ശുപാർശ

ഇരുചക്ര വാഹനങ്ങൾ, വാണിജ്യ വാഹനങ്ങൾ, ട്രാക്ടറുകൾ, ഓഫ് റോഡ് വാഹനങ്ങൾ എന്നിവയുൾപ്പെടെ ഓട്ടോമോട്ടീവ് വ്യവസായത്തിൻ്റെ വിവിധ സെഗ്‌മെൻ്റുകളിൽ പ്രിക്കോൾ ലിമിറ്റഡിന് ശക്തമായ സാന്നിധ്യമുണ്ട്. അതോടൊപ്പം എസിഎഫ്എംഎസ് വിഭാഗത്തിൽ കയറ്റുമതിയിൽ കമ്പനിക്ക് ഗണ്യമായ സാധ്യതകളുണ്ട് എന്നാണ് ബ്രോക്കറേജ് സ്ഥാപനമായ ആനന്ദ് രതി വിലയിരുത്തുന്നത്.

അതുകൊണ്ടു തന്നെ കമ്പനിയുടെ ഓഹരി വാങ്ങാം. 495 രൂപ ടാർഗെറ്റ് വിലയോടെ ഓഹരി വാങ്ങാനാണ് ആനന്ദ് രതിയുടെ ശുപാർശ.

ഓഹരി വിപണിയിലെ പ്രകടനം

6.10 ശതമാനം നേട്ടമാണ് പ്രിക്കോൾ ലിമിറ്റഡ് കഴിഞ്ഞ 5 ദിവസത്തിനിടെ ഓഹരി വിപണിയിൽ നിന്നും നേടിയത്. ഒരു മാസത്തിനിടെ 21 ശതമാനം മുന്നേറ്റം നടത്താനും ഓഹരിക്ക് സാധിച്ചു. 22.09 ശതമാനം ലാഭമാണ് ആറ് മാസം കൊണ്ട് നേടിയത്. കഴിഞ്ഞ ഒരു വർഷത്തിനിടെ 84.73 ശതമാനം നേട്ടം നിക്ഷേപകർക്ക് നൽകാനും ഓഹരിക്ക് സാധിച്ചു.

444.00 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 211 രൂപയാണ് 52 ആഴ്ചയിലെ ഏറ്റവും കുറഞ്ഞ ഓഹരി വില.

എഫ്ഐഐ ഹോൾഡിംഗ്സ്

2024 മാർച്ച് 31 വരെ, കമ്പനിയുടെ പ്രൊമോട്ടർമാർ 38.51 ശതമാനം ഓഹരി നിലനിർത്തി. വിദേശ സ്ഥാപന നിക്ഷേപകർ 14.39 ശതമാനവും ആഭ്യന്തര സ്ഥാപന നിക്ഷേപകർ 16.59 ശതമാനവും കൈവശം വച്ചിട്ടുണ്ട്.

വരുമാനത്തിൽ വർധനവ്

2023 ഡിസംബർ 31-ന് അവസാനിച്ച പാദത്തിൽ 574.52 കോടി രൂപയുടെ ഏകീകൃത മൊത്ത വരുമാനം നേടാൻ പ്രിക്കോൾ ലിമിറ്റഡിന് സാധിച്ചിട്ടുണ്ട്. നികുതിക്ക് ശേഷമുള്ള അറ്റാദായം 34.02 കോടി രൂപയാണ്.

വിപുലമായ പോർട്ട്‌ഫോളിയോ

ദക്ഷിണേന്ത്യയിലെ കോയമ്പത്തൂരിൽ 1975-ലാണ് പ്രിക്കോൾ ലിമിറ്റഡ് സ്ഥാപിതമാകുന്നത്. ഡ്രൈവർ ഇൻഫർമേഷൻ സിസ്റ്റങ്ങളും സെൻസറുകളും, പമ്പുകളും അനുബന്ധ ഉൽപ്പന്നങ്ങളും, ടെലിമാറ്റിക്‌സ്, വൈപ്പിംഗ് സിസ്റ്റങ്ങൾ എന്നിവയുൾപ്പെടെ നിരവധി സെഗ്‌മെൻ്റുകളിൽ പ്രിക്കോൾ ലിമിറ്റഡ് പ്രവർത്തിക്കുന്നു. 45-ലധികം രാജ്യങ്ങളിൽ കമ്പനിക്ക് ഉപഭോക്താക്കളുണ്ട്. വൈവിധ്യമാർന്ന ഉൽപ്പന്നങ്ങൾ വാഗ്ദാനം ചെയ്യുന്ന പ്രിക്കോൾ ലിമിറ്റഡിന് 2,000-ലധികം വേരിയൻ്റുകളുടെ വിപുലമായ പോർട്ട്‌ഫോളിയോയുണ്ട്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.