ജെകെ ടയേഴ്സ് ഉൾപ്പെടെ 3 ടയർ ഓഹരികൾ, ഇപ്പോൾ വാങ്ങായാൽ ലാഭം 27 ശതമാനം വരെ, ശുപാർശ പ്രഭുദാസ് ലില്ലാധറിന്‍റേത്

ലോകത്തിലെ ഏറ്റവും മികച്ച കണ്ടുപിടിത്തങ്ങളിലൊന്നാണ് ടയർ എന്ന് പറയാറുണ്ട്. മനുഷ്യ പരിണാമത്തിന് വേഗം നൽകിയ കണ്ടുപിടുത്തം. പുതിയ കാലത്ത് ഓഹരി നിക്ഷേപകരുടെ കീശ നിറയ്ക്കാനുള്ള വഴി കൂടിയാണ് ടയർ. കാരണം നിക്ഷേപകർക്ക് മികച്ച വരുമാനം നൽകാൻ അപ്പോളോ ടയേഴ്‌സ് , ജെകെ ടയേഴ്‌സ്, സിയറ്റ് ലിമിറ്റഡ് തുടങ്ങിയ കമ്പനികൾക്ക് സാധിച്ചിട്ടുണ്ട്.

ടയർ വിലയിൽ വർധനവുണ്ടാകാനുള്ള സാധ്യതയുണ്ടെന്നാണ് സൂചന. അങ്ങനെയെങ്കിൽ ടയർ ഓഹരികളിൽ നിക്ഷേപകരുടെ ശ്രദ്ധ പതിയും. ടയർ സ്റ്റോക്കുകളുടെ സാങ്കേതിക സ്ഥാനം കണക്കിലെടുത്ത് , ആഭ്യന്തര ബ്രോക്കറേജ് സ്ഥാപനമായ പ്രഭുദാസ് ലില്ലാധർ മൂന്ന് ഓഹരികളിൽ ബുള്ളിഷാണ്.

1. അപ്പോളോ ടയേഴ്സ്

എൻഎസ്ഇയിൽ 549.85 രൂപ എന്നതാണ് അപ്പോളൊ ടയേഴ്സ് ഓഹരി വില. കഴിഞ്ഞ ഒരു മാസത്തിനിടെ 13.42 ശതമാനം വളർച്ച കൈവരിക്കാൻ ഓഹരിക്ക് സാധിച്ചു. 16.56 ശതമാനമാണ് ആറ് മാസത്തെ മുന്നേറ്റം. 2024-ൽ ഇതുവരെ 21.31 ശതമാനം നേട്ടമുണ്ടാക്കാനും ഓഹരിക്ക് സാധിച്ചു. കഴിഞ്ഞ ഒരു വർഷത്തിനുള്ളിൽ 31.19 ശതമാനം മുന്നേറ്റമാണ് അപ്പോളൊ ടയേഴ്സ് ഓഹരി നേടിയത്.

ടാർഗെറ്റ് വില: ₹ 686 | സ്റ്റോപ്പ് ലോസ്: ₹ 500 | നേട്ടം: 25%

ഡെയ്‌ലി ചാർട്ടിൽ ഈ സ്റ്റോക്ക് ഉയർന്ന ബോട്ടം ഫോർമേഷൻ പാറ്റേൺ കാണിക്കുന്നു, ഇത് 518 സോണിന് സമീപം പിന്തുണ നേടുന്നു, ഇവിടെ നിന്ന് ഒരു ബുള്ളിഷ് പ്രവണതയുണ്ട്. സ്റ്റോക്ക് 560 രൂപയ്ക്ക് മുകളിൽ പോയാൽ ബ്രേക്ക്ഔട്ട് ഉണ്ടാകും.

2. ജെകെ ടയേഴ്സ്

എൻഎസ്ഇയിൽ 474.20 രൂപ എന്നതാണ് ഓഹരിയുടെ വില. കഴിഞ്ഞ ഒരു മാസത്തിനിടെ 18.22 ശതമാനം നേട്ടമുണ്ടാക്കാൻ ഓഹരിക്ക് സാധിച്ചു. 17.64 ശതമാനമാണ് ആറ് മാസത്തെ വളർച്ച. ഒരു വർഷത്തിനുള്ളിൽ 93.63 ശതമാനം മുന്നേറ്റമുണ്ടാക്കാനും ഓഹരിക്ക് സാധിച്ചു.

ടാർഗെറ്റ് വില: ₹ 600 | സ്റ്റോപ്പ് ലോസ്: ₹ 435 | നേട്ടം: 27%

പ്രധാനപ്പെട്ട 200 പിരീഡ് എംഎയുടെ 390 സോണിൽ ഓഹരി മികച്ച പ്രകടനം കാഴ്ചവെക്കുകയും 50ഇഎംഎ, 100 പിരീഡ് എംഎ സോണുകൾ മറികടന്ന് ട്രെൻഡ് തിരുത്തുകയും ചെയ്തു. 510 സോണിന് മുകളിലുള്ള നിർണായകമായ ലംഘനം ഈ പ്രവണതയെ കൂടുതൽ ശക്തിപ്പെടുത്തും.

3. സിയറ്റ് ലിമിറ്റഡ്

എൻഎസ്ഇയിൽ 2727 രൂപ എന്നതാണ് നിലവിൽ ഓഹരിയുടെ വില. കഴിഞ്ഞ ഒരു മാസത്തിനിടെ 8.43 ശതമാനം മുന്നേറ്റമാണ് ഓഹരി നേടിയത്. ആറ് മാസത്തിനിടെ 12.55 ശതമാനം വളർച്ച കൈവരിക്കാനും ഓഹരിക്ക് സാധിച്ചു. 11.31 ശതമാനമാണ് ഒരു വർഷത്തെ മുന്നേറ്റം.

ടാർഗെറ്റ് വില: ₹ 3350 | സ്റ്റോപ്പ് ലോസ്: ₹ 2520 | നേട്ടം: 23%

50 ഇഎംഎ, 100 പിരീഡ് എംഎ എന്നിവ കടന്ന് ട്രെൻഡ് തിരുത്തിക്കൊണ്ട് സിയറ്റ് ഓഹരി അടുത്തിടെ മികച്ച പ്രകടനം കാഴ്ചവച്ചു. ഡെയ്‌ലി ചാർട്ടിൽ ഉയർന്ന അടിത്തട്ട് രൂപീകരണ പാറ്റേൺ കാണിക്കുന്ന ഒരു പോസിറ്റീവ് ട്രെൻഡ് ഓഹരി നിലനിർത്തിയിട്ടുണ്ട്. ആർഎസ്ഐ ഓവർബോട്ട് സോണിന് താഴെയായി താഴ്ന്നു, ഇത് ഒരു റിവേഴ്സലിനെ സൂചിപ്പിക്കുന്നു, അതിനാൽ നിലവിലെ വിലയിൽ വർദ്ധനവിന് സാധ്യതയുണ്ട്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.