പൊതുമേഖലാ ഓഹരി വാങ്ങാം, നേട്ടം വലുതാണ്, ബ്രോക്കറേജ് വിലയിരുത്തൽ അറിയൂ

ഓഹരി വിപണിയുടെ ചാഞ്ചാട്ടം ഏത് രീതിയിലായിരിക്കും, ഏത് ഓഹരി വാങ്ങണം തുടങ്ങിയ കാര്യങ്ങളിൽ നിക്ഷേപകർ ഏറ്റവും കൂടുതൽ ആശ്രയിക്കുന്നത് ബ്രോക്കറേജ് സ്ഥാപനങ്ങളുടെ വിലയിരുത്തലുകളെയാണ്. അതുകൊണ്ടു തന്നെ ബ്രോക്കറേജ് റിപ്പോർട്ടുകൾ കൃത്യമായി പിന്തുടരുന്നത് വിപണിയെ കൃത്യമായി മനസിലാക്കാൻ സഹായിക്കുകയും ചെയ്യും. പ്രമുഖ ബ്രോക്കറേജ് സ്ഥാപനമായ മോത്തിലാൽ ഓസ്വാൾ, കോൾ ഇന്ത്യ ലിമിറ്റഡ് ഓഹരി ഇപ്പോൾ വാങ്ങാൻ ശുപാർശ ചെയ്തിട്ടുണ്ട്. കോൾ ഇന്ത്യ ലിമിറ്റഡ് ഓഹരിയുടെ നിലവിലെ വില എത്രയാണെന്നും എന്താണ് ബ്രോക്കറേജ് വിലയിരുത്തലെന്നും നമുക്ക് പരിശോധിക്കാം.

ഓഹരി വിപണിയിലെ പ്രകടനം

1.07 ശതമാനം നഷ്ടത്തോടെ 455.65 രൂപ എന്നതാണ് നിലവിൽ കോൾ ഇന്ത്യ ലിമിറ്റഡ് ഓഹരിയുടെ വില. കഴിഞ്ഞ അഞ്ച് ദിവസത്തിനിടെ 0.44 ശതമാനം ഇടിവും ഓഹരി നേരിട്ടിട്ടുണ്ട്. ഒരു മാസത്തിനിടെ ഏകദേശം രണ്ട് ശതമാനം നേട്ടമാണ് വിപണിയിൽ നിന്നും ഓഹരി നേടിയത്. അതോടൊപ്പം ആറ് മാസത്തിനിടെ 43.56 ശതമാനം നേട്ടമുണ്ടാക്കാനും ഓഹരിക്ക് സാധിച്ചു.

19.34 ശതമാനമാണ് 2024ൽ ഇതുവരെ ഓഹരി നേടിയ മുന്നേറ്റം. കഴിഞ്ഞ ഒരു വർഷത്തിനിടെ 95.68 ശതമാനം ലാഭം നിക്ഷേപകർക്ക് നൽകാനും കോൾ ഇന്ത്യ ലിമിറ്റഡ് ഓഹരിക്ക് സാധിച്ചു. 487.60 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 223.25 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

ബ്രോക്കറേജ് വിലയിരുത്തൽ

വരും ദിവസങ്ങളിൽ 487.60 കോൾ ഇന്ത്യ ഓഹരി മുന്നോട്ട് കുതിക്കുമെന്നാണ് പ്രമുഖ ബ്രോക്കറേജ് സ്ഥാപനമായ മോത്തിലാൽ ഓസ്വാൾ വിലയിരുത്തുന്നത്. അതുകൊണ്ടു തന്നെ നിക്ഷേപകർക്ക് 530 രൂപ ടാർഗെറ്റ് വില നിശ്ചയിച്ച് ഓഹരി വാങ്ങാമെന്നാണ് നിർദ്ദേശം.

പ്രൊമോട്ടർ/എഫ്ഐഐ ഹോൾഡിംഗ്‌സ്

പ്രൊമോട്ടർമാർക്ക് 31-മാർച്ച്-2024 വരെ കമ്പനിയിൽ 63.13 ശതമാനം ഓഹരിയുണ്ട്, എഫ്ഐഐകൾക്ക് 8.41 ശതമാനവും ഡിഐഐകൾക്ക് 23.11 ശതമാനവും ഓഹരിയുണ്ട്.

കോൾ ഇന്ത്യ

രാജ്യത്തിന് ആവശ്യമായ കല്‍ക്കരിയുടെ 83 ശതമാനവും ഉത്പാദിപ്പിക്കുന്ന പൊതുമേഖല സ്ഥാപനമാണ് കോള്‍ ഇന്ത്യ ലിമിറ്റഡ്. 1975-ല്‍ പ്രവര്‍ത്തനം ആരംഭിച്ച മഹാരത്ന പദവിയുള്ള കോള്‍ ഇന്ത്യയ്ക്ക് 352 ഖനികളുണ്ട്. കോക്കിംഗ് കല്‍ക്കരി, നോണ്‍-കോക്കിംഗ് കല്‍ക്കരി, മിഡ്‌ലിങ് തുടങ്ങി നിരവധി തരത്തിലുള്ള കല്‍ക്കരികള്‍ ഖനനം ചെയ്‌തെടുക്കുന്നു.

വന്‍കിട താപവൈദ്യുത നിലയങ്ങള്‍, സ്റ്റീല്‍, സിമന്‍റ് നിര്‍മാണ കമ്പനികളാണ് കമ്പനിയുടെ മുഖ്യ ഉപഭോക്താക്കള്‍.283762.83 കോടി രൂപ വിപണി മൂലധനമുള്ള ഒരു ലാർജ് ക്യാപ് കമ്പനിയാണ് കോൾ ഇന്ത്യ ലിമിറ്റഡ്.

31-03-2024 അവസാനിച്ച പാദത്തിൽ കമ്പനിയുടെ ഏകീകൃത മൊത്ത വരുമാനം 39654.50 കോടി രൂപയാണ്. നികുതിക്ക് ശേഷമുള്ള അറ്റാദായം 8566.06 കോടി രൂപയാണ്.

വീണ്ടും ചുവപ്പണിഞ്ഞ് ഓഹരി വിപണി

ചാഞ്ചാട്ടങ്ങൾക്കൊടുവിൽ ആഭ്യന്തര സൂചികകൾ ചൊവ്വാഴ്ച വ്യാപാരം അവസാനിപ്പിച്ചത് ഇടിവിൽ. ആഗോള വിപണികളിലെ പോസിറ്റിവ് പ്രവണതകളെ കാര്യമാക്കാതെയാണ് ആഭ്യന്തര വിപണികളിലെ വ്യാപാരം. മിക്ക സെക്ടറുകളിലും വില്പന സമ്മർദ്ദം നേരിട്ടു. സെൻസെക്‌സ് 383.69 പോയിൻ്റ് അഥവാ 0.52 ശതമാനം താഴ്ന്ന് 73,511.85 ലും നിഫ്റ്റി 140.20 പോയിൻ്റ് അഥവാ 0.62 ശതമാനം ഇടിഞ്ഞ് 22,302.50 ലുമാണ് ക്ലോസ് ചെയ്തത്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.