300 രൂപയിൽ താഴെയുള്ള പൊതുമേഖലാ ഓഹരി, കുതിപ്പിന് സാധ്യതയെന്ന് മോത്തിലാൽ, വാങ്ങുന്നോ..?

വിപണിയിൽ നിന്നും മികച്ച ലാഭം നേടണമെന്ന് ആഗ്രഹിക്കുന്നവർ ആദ്യം തെരഞ്ഞെടുക്കുന്ന ഓഹരികളിലൊന്ന് പൊതുമേഖലാ സ്ഥാപനങ്ങളുടേതായിരിക്കും. കഴിഞ്ഞ കുറേ നാളുകളായി മികച്ച മുന്നേറ്റമാണ് പൊതുമേഖലാ ഓഹരികൾ നടത്തുന്നത്. നിക്ഷേപകർക്ക് മികച്ച നേട്ടം നൽകിയ പൊതുമേഖലാ ഓഹരികളിലൊന്നാണ് ഓയിൽ ആൻഡ് നാച്ചുറൽ ഗ്യാസ് കോർപ്പറേഷൻ ലിമിറ്റഡ്. ബ്രോക്കറേജ് സ്ഥാപനമായ മോത്തിലാൽ ഓസ്വാൾ ഓയിൽ ആൻഡ് നാച്ചുറൽ ഗ്യാസ് കോർപ്പറേഷൻ ലിമിറ്റഡ് ഓഹരിയിൽ ബുള്ളിഷാണ്. അതുകൊണ്ടു തന്നെ ഓഹരിയുടെ കൂടുതൽ വിശദാംശങ്ങൾ നമുക്ക് നോക്കാം.

ഓഹരി വില

എൻഎസ്ഇയിൽ 0.30 ശതമാനം ഇൻട്രാഡേ നേട്ടത്തോടെ 267.80 രൂപ എന്നതാണ് നിലവിൽ ഒഎൻജിസിയുടെ ഓഹരി വില. കഴിഞ്ഞ ഒരു മാസത്തിനിടെ 3 ശതമാനത്തിന്‍റെ ഇടിവ് ഓഹരിക്ക് സംഭവിച്ചിട്ടുണ്ട്. അതേസമയം ആറ് മാസത്തെ വളർച്ച 29.15 ശതമാനമാണ്. 2024-ൽ ഇതുവരെ 30 ശതമാനത്തിന് മുകളിൽ നേട്ടമുണ്ടാക്കാനും ഓഹരിക്ക് സാധിച്ചു.

കഴിഞ്ഞ ഒരു വർഷത്തിനിടെ 70.68 ശതമാനം വളർച്ചയാണ് ഓഹരി നേടിയത്. 292.95 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 52 ആഴ്ചയിലെ ഏറ്റവും താഴ്ന്ന ഓഹരി വില 155.85 രൂപയാണ്.

ബ്രോക്കറേജ് വിലയിരുത്തൽ

340 രൂപ ടാർഗെറ്റ് വിലയോടെ ഓയിൽ ആൻഡ് നാച്ചുറൽ ഗ്യാസ് കോർപ്പറേഷൻ ലിമിറ്റഡ് ഓഹരി വാങ്ങാമെന്നാണ് ബ്രോക്കറേജ് സ്ഥാപനമായ മോത്തിലാൽ ഓസ്വാളിന്‍റെ ശുപാർശ.

ഓയിൽ ആൻഡ് നാച്ചുറൽ ഗ്യാസ് കോർപ്പറേഷൻ

രാജ്യത്ത് ഏറ്റവും ലാഭം കരസ്ഥമാക്കുന്ന പൊതുമേഖല സ്ഥാപനമാണ് ഓയില്‍ & നാച്ചുറല്‍ ഗ്യാസ് കോര്‍പ്പറേഷന്‍ അഥവാ ഒഎന്‍ജിസി. 1956-ലാണ് ആരംഭം. മഹാരത്ന പദവിയുള്ള ഈ കമ്പനി ഏറ്റവും വലിയ ഇന്ധന പര്യവേക്ഷകരും ഉത്പാദകരും കൂടിയാണ്.

ഷെയർ ഹോൾഡിംഗ്

2024 മാർച്ച് 31 വരെയുള്ള റിപ്പോർട്ട് അനുസരിച്ച് കമ്പനിയുടെ 58.89 ശതമാനം ഓഹരി പ്രൊമോട്ടർമാരുടെ കയ്യിലാണ്. എഫ്ഐഐകൾ 8.88 ശതമാനം, ഡിഐഐകൾ 18.87 ശതമാനം ഓഹരിയും കൈവശം വച്ചിരിക്കുന്നു.

ലാഭവിഹിതം

ഒഎൻജിസിയുടെ ഡയറക്ടർ ബോർഡ് 2023-24 സാമ്പത്തിക വർഷത്തിൽ ഒരു ഇക്വിറ്റി ഷെയറിന് 2.50 രൂപ അന്തിമ ലാഭവിഹിതം ശുപാർശ ചെയ്തിട്ടുണ്ട്. 2024 ഫെബ്രുവരിയിൽ കമ്പനി അതിൻ്റെ നിക്ഷേപകർക്ക് ഒരു ഓഹരിക്ക് 4 രൂപ ലാഭവിഹിതം നൽകി. 2023-ൽ ഒഎൻജിസി അതിൻ്റെ ഓഹരി ഉടമകൾക്ക് നവംബറിൽ 5.75 രൂപയും ഓഗസ്റ്റിൽ 0.50 രൂപയും ഫെബ്രുവരിയിൽ 4 രൂപയും ലാഭവിഹിതം നൽകി.

2022ൽ ഒഎൻജിസി ഒരു ഓഹരിക്ക് നവംബറിൽ 6.75 രൂപയും ഓഗസ്റ്റിൽ 3.25 രൂപയും ഫെബ്രുവരിയിൽ 1.75 രൂപയും ലാഭവിഹിതം നൽകി. 2021ലും 2020ലും ഒഎൻജിസി ഓരോ ഓഹരികൾക്കും 9.10 രൂപയും 5 രൂപയും നിക്ഷേപകർക്ക് ലാഭവിഹിതം നൽകി.

വരുമാനം

ഒഎൻജിസി എഫ്‌വൈ24 നാലാം പാദത്തിൽ 169875.25 കോടി രൂപ ഏകീകൃത മൊത്ത വരുമാനം റിപ്പോർട്ട് ചെയ്തു, മുൻ പാദത്തിലെ മൊത്ത വരുമാനമായ 169628.12 കോടിയേക്കാൾ 15% കൂടുതലും കഴിഞ്ഞ വർഷം ഇതേ പാദത്തേക്കാൾ 1.89% കൂടുതലുമാണ്. കൂടാതെ, ഏറ്റവും പുതിയ പാദത്തിൽ കമ്പനിയുടെ നികുതിക്ക് ശേഷമുള്ള അറ്റാദായം 10348.93 കോടി രൂപയാണ്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.