ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം

അടുത്ത വാരം നാല് കമ്പനികളാണ് ഐപിഒയുമായി വിപണിയിലേക്കെത്തുന്നത്. നാലിൽ ഒന്ന് മെയിൻബോർഡ് ഐപിഒ ആയിരിക്കും. ഏകദേശം 750 കോടി രൂപ സമാഹരിക്കുക എന്നതാണ് ലക്ഷ്യം. ഏതൊക്കെ കമ്പനികളാണ് അടുത്ത വാരം ഐപിഒ വിപണിയിലേക്കെത്തുന്നതെന്ന് വിശദമായി പരിശോധിക്കാം.

1. ജെഎൻകെ ഇന്ത്യ

പ്രോസസ്-ഫയർഡ് ഹീറ്ററുകൾ, ക്രാക്കിംഗ് ഫർണസുകൾ എന്നിവയുടെ നിർമാണത്തിൽ ഏർപ്പെട്ടിരിക്കുന്ന ജെഎൻകെ ഇന്ത്യയുടെ ഐപിഒ ഏപ്രിൽ 23-ന് ആരംഭിക്കും. ഇഷ്യൂവിൽ 300 കോടി രൂപയുടെ പുതിയ ഓഹരികളും 84 ലക്ഷം ഓഹരികളുടെ ഓഫർ ഫോർ സയിലും ഉൾപ്പെടുന്നു. ഗൗതം രാംപെല്ലിയുടെ 11.2 ലക്ഷം ഓഹരികളും ജെഎൻകെ ഗ്ലോബലിൻ്റെ 24.3 ലക്ഷം ഓഹരികളും മാസ്‌കോട്ട് ക്യാപിറ്റലിൻ്റെ 44 ലക്ഷം ഓഹരികളും മിലിന്ദ് ജോഷിയുടെ 4.68 ലക്ഷം ഓഹരികളാണ് ഓഫർ ഫോർ സെയിൽ വഴി വിൽക്കുന്നത്.

കമ്പനി ഒരു ഷെയറിന് 395-415 രൂപ നിരക്കിൽ പ്രൈസ് ബാൻഡ് നിശ്ചയിച്ചു. ഇഷ്യൂവിൽ നിന്നും ലഭിക്കുന്ന തുക പ്രവർത്തന മൂലധന ആവശ്യങ്ങൾക്കും മറ്റു പൊതു കോർപ്പറേറ്റ് ആവശ്യങ്ങൾക്കുമായി ഉപയോഗിക്കും.

ഇഷ്യൂ ഏപ്രിൽ 25-ന് അവസാനിക്കും. ഓഹരികളുടെ അലോട്ട്‌മെൻ്റ് 26-ന് പൂർത്തിയാവും. ഓഹരികൾ ബിഎസ്ഇ, എൻഎസ്ഇ എക്സ്ചേഞ്ചുകളിൽ ഏപ്രിൽ 30-ന് ലിസ്റ്റ് ചെയ്യും. ഐഐഎഫ്എൽ സെക്യൂരിറ്റീസും ഐസിഐസിഐ സെക്യൂരിറ്റീസുമാണ് ഐപിഒയുടെ ലീഡ് മാനേജർമാർ. ലിങ്ക് ഇൻടൈം ഇന്ത്യയാണ് ഇഷ്യുവിൻ്റെ രജിസ്ട്രാർ.

2. വാര്യ ക്രിയേഷൻസ്

സ്വർണ്ണം, വെള്ളി, വിലയേറിയ കല്ലുകൾ എന്നിവയുടെ മൊത്തവ്യാപാരത്തിൽ ഏർപ്പെട്ടിരിക്കുന്ന കമ്പനിയാണ് വാര്യ ക്രിയേഷൻസ്. ഐപിഒ ഏപ്രിൽ 22-ന് ആരംഭിച്ച് ഏപ്രിൽ 25-ന് അവസാനിക്കും.

ഐപിഒയിലൂടെ 13.4 ലക്ഷം ഓഹരികൾ നൽകി 20.10 കോടി രൂപ സമാഹരിക്കാനാണ് കമ്പനി ലക്ഷ്യമിടുന്നത്. പത്തു രൂപ മുഖവിലയുള്ള ഓഹരിയൊന്നിന് 150 രൂപയാണ് ഇഷ്യൂ വില. കുറഞ്ഞത് 1000 ഓഹരികൾക്കായി അപേക്ഷിക്കണം. റീട്ടെയിൽ നിക്ഷേപകർക്ക് ആവശ്യമായ ഏറ്റവും കുറഞ്ഞ നിക്ഷേപ തുക 150,000 രൂപയാണ്.

ഇഷ്യൂ തുക പുതിയ ഷോറൂം സ്ഥാപിക്കുന്നതിനുള്ള ധനസഹായം, പുതിയ ഷോറൂമിൻ്റെ ചെലവും, പുതിയ ഷോറൂമിൻ്റെ സാധനസാമഗ്രികളുടെ വാങ്ങൽ, പൊതു കോർപ്പറേറ്റ് ആവശ്യങ്ങൾ എന്നിവയ്ക്കായി ഉപയോഗിക്കും.

3. ശിവം കെമിക്കൽസ്

കാൽസ്യം ഹൈഡ്രോക്സൈഡ്, ഡി-കാൽസ്യം ഫോസ്ഫേറ്റ്, മഗ്നീഷ്യം ഓക്സൈഡ് തുടങ്ങിയവയുടെ ഉൽപ്പാദകരും വിതരണക്കാരുമാണ് ശിവം കെമിക്കൽസ്. ഐപിഒ 2024 ഏപ്രിൽ 23-ന് സബ്‌സ്‌ക്രിപ്‌ഷനായി തുറക്കുകയും ഏപ്രിൽ 25-ന് അവസാനിക്കുകയും ചെയ്യും.

ഒരു ഓഹരിക്ക് 44 രൂപയാണ്. ഒരു ആപ്ലിക്കേഷൻ്റെ ഏറ്റവും കുറഞ്ഞ ലോട്ട് സൈസ് 3000 ഷെയറുകളാണ്. റീട്ടെയിൽ നിക്ഷേപകർക്ക് ആവശ്യമായ ഏറ്റവും കുറഞ്ഞ നിക്ഷേപ തുക 132,000 രൂപയാണ്.

4. എംഫോഴ്‌സ് ഓട്ടോടെക് ലിമിറ്റഡ്

ഇന്ത്യയിലെ ഓട്ടോമോട്ടീവ് സ്‌പെഷ്യലിസ്റ്റ് ഘടകങ്ങളുടെ അറിയപ്പെടുന്ന നിർമ്മാതാക്കളാണ് എംഫോഴ്‌സ് ഓട്ടോടെക് ലിമിറ്റഡ്. കമ്പനിയുടെ ഐപിഒ 2024 ഏപ്രിൽ 23-ന് സബ്‌സ്‌ക്രിപ്‌ഷനായി തുറക്കുകയും ഏപ്രിൽ 25-ന് അവസാനിക്കും ചെയ്യും. ഇഷ്യുവിൻ്റെ പ്രൈസ് ബാൻഡ് ഒരു ഷെയറിന് 93 മുതൽ 98 രൂപയായി നിശ്ചയിച്ചിരിക്കുന്നു, ലോട്ട് സൈസ് 1,200 ഇക്വിറ്റി ഷെയറുകളായിരിക്കും.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.