Click it and Unblock the Notifications
സമ്പദ്വ്യവസ്ഥയിലെ ഉപഭോഗം വർദ്ധിപ്പിക്കുന്നതിനായി ഉപഭോക്താക്കൾക്കും ജീവനക്കാർക്കും കൂടുതൽ പണം ലഭ്യമാക്കുന്നതിന് കേന്ദ്ര ബജറ്റിൽ വ്യക്തിഗത ആദായനികുതി കുറയ്ക്കുന്നതിന് ഒന്നിലധികം പദ്ധതികൾ സർക്കാർ ചർച്ച ചെയ്യുന്നതായി റിപ്പോർട്ട്. വ്യക്തിഗത ആദായനികുതി വെട്ടിക്കുറവ് സംബന്ധിച്ച് അന്തിമ തീരുമാനം പ്രധാനമന്ത്രി നരേന്ദ്ര മോദി അടുത്ത ദിവസങ്ങളിൽ എടുക്കുമെന്നാണ് വിവരം.
നേരിട്ടുള്ള നികുതി ലഘൂകരണം സംബന്ധിച്ച് ടാസ്ക് ഫോഴ്സിന്റെ നിർദ്ദേശങ്ങളും ധനമന്ത്രാലയം പരിഗണിക്കുന്നുണ്ട്. പുന: സംഘടനയുടെ ഭാഗമായി നിലവിലുള്ള മിനിമം ഇളവ് പരിധി നിലവിലെ 2.5 ലക്ഷത്തിൽ നിന്ന് ഉയർത്താനും പദ്ധതിയുണ്ട്. ഇൻഫ്രാസ്ട്രക്ചർ ബോണ്ടുകളിലൂടെ നികുതി ലാഭിക്കാനുള്ള ഓപ്ഷനുകളും സർക്കാർ പരിഗണിക്കുന്നുണ്ടെന്ന് ബന്ധപ്പെട്ട വൃത്തങ്ങൾ പറയുന്നു.
ആദായ നികുതി സ്ലാബുകൾ വിപുലീകരിക്കാൻ ഡയറക്ട് ടാക്സ് കോഡ് (ഡിടിസി) പാനലും നിർദ്ദേശിച്ചിട്ടുണ്ടെന്നാണ് വിവരം. 10% ടാക്സ് സ്ലാബ് 10 ലക്ഷം വരെ നീട്ടണമെന്നാണ് നിർദ്ദേശം. ഇത് നികുതിദായകരുടെ വലിയൊരു വിഭാഗത്തിന് കാര്യമായ ആശ്വാസം നൽകും. 10-20 ലക്ഷം രൂപ വരെ, നികുതി സ്ലാബ് 20 ശതമാനവും 20 ലക്ഷം മുതൽ 2 കോടി രൂപ വരെ 30 ശതമാനവും 2 കോടിക്ക് മുകളിൽ 35 ശതമാനവുമാണ് നികുതി.
ഈ ശുപാർശകൾ അംഗീകരിക്കുകയാണെങ്കിൽ, ഏകദേശം 1.47 കോടി നികുതിദായകർ 20% സ്ലാബിൽ നിന്ന് 10% സ്ലാബിലേക്ക് മാറും. പൊതു വരുമാന നികുതിദായകർക്ക് അടിസ്ഥാന ഇളവ് നില 2.5 ലക്ഷം രൂപയായും നിലനിർത്തിും. 2019 ലെ ബജറ്റ് പ്രഖ്യാപനം അനുസരിച്ച് ആദായനികുതി സ്ലാബുകളിലും നിരക്കുകളിലും മാറ്റങ്ങളൊന്നും നിർദ്ദേശിച്ചിട്ടില്ല. 5 ലക്ഷം വരെ നികുതി വരുമാനമുള്ള എല്ലാ നികുതിദായകർക്കും 12,500 രൂപ ഇളവ് ലഭ്യമാക്കിയിരുന്നു.
Sign in with Google