5 ദിവസത്തെ പ്രവർത്തി ദിനം മാത്രമുള്ള ഓഹരി വിപണി ഇന്ന് ബജറ്റിന് മുന്നോടിയായി തുറന്ന് പ്രവർത്തിക്കും. ബിഎസ്ഇയും എൻഎസ്ഇയും ബജറ്റ് ദിനത്തിൽ പ്രത്യേക ട്രേഡിംഗ് സെഷൻ നടത്തുമെന്ന് അറിയിപ്പ് നൽകിയിട്ടുണ്ട്. പൂർണ്ണമായ സെഷൻ തന്നെയായിരിക്കും ഇന്നത്തേത്. എക്സ്ചേഞ്ചുകൾ സാധാരണ ട്രേഡിങ്ങ് സമയത്തേക്ക് തന്നെ തുറന്നിരിക്കും. ട്രേഡിംഗ് സമയം പതിവുപോലെ രാവിലെ 9.15 മുതൽ ഉച്ചകഴിഞ്ഞ് 3.30 വരെയും പ്രീ-ഓപ്പൺ ട്രേഡ് രാവിലെ 9 മുതൽ രാവിലെ 9.15 വരെയും ആയിരിക്കും.
2020 ജനുവരി 31 വെള്ളിയാഴ്ച വാങ്ങിയ ഓഹരികൾ 2020 സെപ്റ്റംബർ 1 ശനിയാഴ്ച വിൽപ്പനയ്ക്ക് ലഭ്യമാകില്ലെന്നും ശനിയാഴ്ച സെറ്റിൽമെന്റ് അവധി ദിവസമായതിനാൽ നിക്ഷേപകർക്ക് അയച്ച സന്ദേശത്തിൽ അറിയിച്ചിട്ടുണ്ട്. മ്യൂച്വൽ ഫണ്ട് ഹൌസുകൾ പ്രവർത്തിക്കേണ്ടെന്നാണ് തീരുമാനിച്ചിരിക്കുന്നത്. ഫെബ്രുവരി ഒന്നിന് ഇക്വിറ്റി സ്കീമുകൾക്കായി ഒരു എൻഎവിയും പ്രഖ്യാപിക്കില്ല.