ബജറ്റ് 2024-ന് മണിക്കൂറുകൾ മാത്രം, സെൻസെക്‌സും നിഫ്റ്റിയും റെക്കോർഡ് ഉയരം കുറിക്കുമോ, വിശദമായി അറിയാം

രാജ്യത്തിന്‍റെ മുഴുവൻ കണ്ണുകളും ഇന്ന് ധനമന്ത്രി അവതരിപ്പിക്കുന്ന കേന്ദ്ര ബജറ്റിലാണ്. വലിയ പ്രഖ്യാപനങ്ങൾ ബജറ്റിൽ ധനമന്ത്രി ഉൾപ്പെടുത്തിയിട്ടുണ്ടോ എന്ന ആകാഷയിലാണ് എല്ലാവരും. ബജറ്റ് ഡേ നിക്ഷേപകരും ശ്വാസമടക്കി കാത്തിരിക്കുന്ന ഡി-ഡേയാണ്. ബജറ്റിന് തലേദിവസമായ തിങ്കളാഴ്ച ഓഹരി വിപണി ചുവപ്പിലാണ് അവസാനിച്ചത്. റിലയൻസ് ഇൻഡസ്ട്രീസിൻ്റെയും കൊട്ടക് മഹീന്ദ്ര ബാങ്കിൻ്റെയും തകർച്ചയാണ് ഓഹരി സൂചികകളേയും താഴേക്ക് വലിച്ചത്. 30-ഷെയർ ബിഎസ്ഇ സെൻസെക്‌സ് 102.57 പോയിൻ്റ് അഥവാ 0.13 ശതമാനം ഇടിഞ്ഞ് 80,502.08 എന്ന നിലയിലെത്തി.

വിപണികൾ തിങ്കളാഴ്ചത്തെ പ്രകടനം ആവർത്തിക്കുമോ അതോ നിക്ഷേപകർ മോദി 3.0 യുടെ ആദ്യ ബജറ്റ് അവതരണത്തെ വലിയ ആവേശത്തോടെ സ്വീകരിക്കുമോ എന്നാണ് അറിയേണ്ടത്.

ചാഞ്ചാട്ടം തുടരും

ബജറ്റ് ദിവസമായ ഇന്നും ഓഹരി സൂചികകളുടെ ചാഞ്ചാട്ടം തുടരുമെന്നാണ് റെലിഗെയർ ബ്രോക്കിംഗ് റിസർച്ച് എസ്വിപി അജിത് മിശ്ര വിലയിരുത്തുന്നത്. നിക്ഷേപകർ ലോ-ബീറ്റ കൗണ്ടറുകളിൽ, പ്രത്യേകിച്ച് പ്രതിരോധ മേഖലകളിൽ വാങ്ങാനുള്ള അവസരങ്ങൾ തേടുകയും മറ്റ് മേഖലകളിൽ ശ്രദ്ധപുലർത്തുകയും വേണമെന്ന് അദ്ദേഹം ഉപദേശിച്ചു.

ബജറ്റ് ദിവസത്തെ ഓഹരി വിപണി

വർദ്ധിച്ചുവരുന്ന യുഎസ്-ചൈന പിരിമുറുക്കം, 2024 ലെ പ്രസിഡൻ്റ് മത്സരത്തിൽ നിന്ന് യുഎസ് പ്രസിഡൻ്റ് ജോ ബൈഡൻ്റെ പിൻവാങ്ങൽ, ആഭ്യന്തര വരുമാനം എന്നിവ നിക്ഷേപകരുടെ വികാരത്തെ തളർത്തി. 2024ലെ യൂണിയൻ ബജറ്റിന് മുന്നോടിയായി വിപണി ജാഗ്രതയോടെയാണ് പ്രവർത്തിക്കുന്നത്. പ്രത്യേകിച്ചും പുതിയ സാമ്പത്തിക സർവ്വേയിലെ വളർച്ചാ പ്രവചനം കണക്കിലെടുക്കുമ്പോൾ അത് മനസിലാകുമെന്ന് മോത്തിലാൽ ഓസ്വാൾ ഫിനാൻഷ്യൽ സർവീസസ് റീട്ടെയിൽ റിസർച്ച് മേധാവി സിദ്ധാർത്ഥ ഖേംക പറഞ്ഞു.

ഗ്രാമീണ സമ്പദ്‌വ്യവസ്ഥയെ അഭിസംബോധന ചെയ്യാൻ ലക്ഷ്യമിട്ടുള്ള ചില നടപടികളുടെ പ്രഖ്യാപനത്തോടെ, ബജറ്റ് വലിയതോതിൽ വളർച്ചാ കേന്ദ്രീകൃതമാകുമെന്ന് പ്രതീക്ഷിക്കുന്നുണ്ടെങ്കിലും, ഇത് പ്രധാനമായും വിപണിയെ സ്വാധീനിക്കുന്നു. നിക്ഷേപകർ കൂടുതൽ ട്രാക്ഷൻ്റെ സൂചനകൾക്കായി നോക്കും. സെക്ടർ, സ്റ്റോക്ക് നിർദ്ദിഷ്ട പ്രവർത്തനങ്ങൾക്കൊപ്പം ചില ചാഞ്ചാട്ടങ്ങളും ബജറ്റ് ദിവസം കാണെന്നും അദ്ദേഹം കൂട്ടിച്ചേർത്തു.

ഇക്വിറ്റി മാർക്കറ്റുകൾക്ക് അനുകൂലം

എൻഡിഎ 3.0-യുടെ ആദ്യ ബജറ്റ് വളർച്ചയെ ലക്ഷ്യം വച്ചുള്ളതായിരിക്കുമെന്നാണ് ആനന്ദ് രതിയിലെ തൻവി കാഞ്ചൻ പറയുന്നത്. ബജറ്റ് അടുത്ത 5 വർഷത്തേക്ക് റോഡ്മാപ്പ് സ്ഥാപിക്കും. ധനക്കമ്മി നിലനിർത്തൽ, ഉയർന്ന കാപെക്സ്, ശമ്പള വിഭാഗത്തിന് നികുതി ഇളവുകൾ എന്നിവയിൽ സന്തുലിതാവസ്ഥ നിലനിർത്താൻ സർക്കാർ ശ്രമിക്കും. അതുകൊണ്ട് തന്നെ ബജറ്റ് ഇക്വിറ്റി മാർക്കറ്റുകൾക്ക് അനുകൂലമായിരിക്കുമെന്നും തൻവി വ്യക്തമാക്കി.

വിപണി ചുവപ്പിൽ

ബജറ്റിന് മണിക്കൂറുകൾ ബാക്കി നിൽക്കെ ആഭ്യന്തര വിപണി തിങ്കളാഴ്ച വ്യാപാരം അവസാനിപ്പിച്ചത് ചുവപ്പിലാണ്. തുടർച്ചയായി രണ്ടാം ദിവസമാണ് വിപണി നഷ്ടത്തിൽ അവസാനിക്കുന്നത്. റിലയൻസ് ഇൻഡസ്ട്രീസിൻ്റെയും കൊട്ടക് മഹീന്ദ്ര ബാങ്കിൻ്റെയും ഓഹരികളിലെ ഇടിവ് സൂചികകളെ വലച്ചു. ആഗോള വിപണിയിലെ ദുർബലമായ വ്യാപാരവും വിപണിക്ക് വിനയായി.

സെൻസെക്സ് 102.57 പോയിൻ്റ് അഥവാ 0.13 ശതമാനം ഇടിഞ്ഞ് 80,502.08 ലും നിഫ്റ്റി 21.65 പോയിൻ്റ് അഥവാ 0.09 ശതമാനം ഇടിഞ്ഞ് 24,509.25 ലുമാണ് ഇന്ന് വ്യാപാരം അവസാനിപ്പിച്ചത്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.