ബജറ്റ് 2024: ആദ്യ സെഷനിൽ തന്നെ നേട്ടമുണ്ടാക്കി ജെൻസോൾ എഞ്ചിനീയറിംഗ്, കുതിപ്പിന് കാരണം ഇതാണ്

ബജറ്റിന് മുന്നോടിയായി ആദ്യ സെഷനിൽ തന്നെ വലിയ കുതിപ്പ് നടത്താൻ ഓഹരി വിപണികൾക്ക് സാധിച്ചു. വിദേശ നിക്ഷേപകരുടെ ഉയർന്നു വരുന്ന വാങ്ങലും വിപണിക്ക് കരുത്താക്കി. ആഗോള വിപണികളിലെ നേട്ടത്തോടെയുള്ള വ്യാപാരവും സൂചികകൾക്ക് ബലമേകി. ഇന്ന് ആദ്യ സെഷനിൽ തന്നെ നേട്ടമുണ്ടാക്കിയ ഓഹരികളിലൊന്നാണ് ജെൻസോൾ എഞ്ചിനീയറിംഗ്. 5 ശതമാനം വളർച്ചയാണ് ഓഹരി നേടിയത്. എൻഎസ്ഇയിൽ 984.90 രൂപ എന്ന നിരക്കിൽ ആരംഭിക്കുകയും ഓരോന്നിനും 985.15 രൂപയുടെ ഇൻട്രാഡേ ഉയർന്ന നിലവാരത്തിലെത്തുകയും ചെയ്തു.

കുതിപ്പിന് കാരണം

ഗുജറാത്തിൽ 116 മെഗാവാട്ട് സോളാർ പദ്ധതികളുടെ കരാർ ലഭിച്ചതായി കമ്പനി തിങ്കളാഴ്ച വ്യക്തമാക്കിയതിന് പിന്നാലെയാണ് ഓഹരിയുടെ കുതിപ്പ്. 600 കോടി രൂപയുടേതാണ് പദ്ധതി. സംസ്ഥാനത്തെ വൈദ്യുതി വിതരണ കമ്പനിയായ പശ്ചിമ ഗുജറാത്ത് വിജ് കമ്പനി ലിമിറ്റഡിൻ്റെ (പിജിവിസിഎൽ) മേൽനോട്ടത്തിൽ 27 വ്യത്യസ്ത സ്ഥലങ്ങളിൽ പദ്ധതികൾ നടപ്പിലാക്കും. 12 മാസത്തിനുള്ളിൽ പദ്ധതികൾ പ്രവർത്തനക്ഷമമാകുമെന്ന് പ്രതീക്ഷിക്കുന്നു.

ഓഹരി വിപണിയിലെ പ്രകടനം

എൻഎസ്ഇയിൽ 985.15 രൂപ എന്നതാണ് ജെൻസോൾ എഞ്ചിനീയറിംഗ് ഓഹരിയുടെ വില. കഴിഞ്ഞ അഞ്ച് ദിവസത്തിനിടെ 1.14 ശതമാനം നേട്ടമുണ്ടാക്കാൻ ഓഹരിക്ക് സാധിച്ചിരുന്നു. ആറ് മാസം കൊണ്ട് 10.52 ശതമാനം മുന്നേറ്റമുണ്ടാക്കാനും ഓഹരിക്ക് സാധിച്ചു. 2024-ൽ ഇതുവരെ 16 ശതമാനത്തോളം വളർച്ചയാണ് ജെൻസോൾ എഞ്ചിനീയറിംഗ് ഓഹരി നേടിയത്.

ജെൻസോൾ എഞ്ചിനീയറിംഗ്

ജെൻസോൾ ഗ്രൂപ്പ് ഓഫ് കമ്പനികളുടെ ഭാഗമാണ് ജെൻസോൾ എഞ്ചിനീയറിംഗ്. സൗരോർജ്ജ മേഖലയിൽ ശ്രദ്ധ കേന്ദ്രീകരിച്ച് എഞ്ചിനീയറിംഗ്, പ്രൊക്യുർമെൻ്റ്, കൺസ്ട്രക്ഷൻ (ഇപിസി) സേവനങ്ങൾ കമ്പനി വാഗ്ധാനം ചെയ്യുന്നു. 19 ഇന്ത്യൻ സംസ്ഥാനങ്ങളിൽ സാന്നിധ്യമുള്ള സ്ഥാപനം ഇപ്പോൾ ആഫ്രിക്ക, മിഡിൽ ഈസ്റ്റ്, തെക്കുകിഴക്കൻ ഏഷ്യ എന്നിവിടങ്ങളിൽ പ്രവർത്തിക്കുന്നു. ബിഎസ്ഇയുടെ കണക്കനുസരിച്ച് സ്ഥാപനത്തിൻ്റെ മൊത്തം വിപണി മൂലധനം 3,719.12 കോടി രൂപയാണ്.

വരുമാനത്തിൽ വർധനവ്

2023-24 സാമ്പത്തിക വർഷത്തിൻ്റെ നാലാം പാദത്തിൽ, കമ്പനി ഏകീകൃത അറ്റാദായം 20 കോടി രൂപ രേഖപ്പെടുത്തി, കഴിഞ്ഞ വർഷം ഇതേ കാലയളവിലെ 7 കോടി രൂപയിൽ നിന്ന് ഏകദേശം മൂന്നിരട്ടി വർദ്ധനവ് രേഖപ്പെടുത്തി.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.