ബജറ്റ് 2024: ഈ റെയിൽവേ പൊതുമേഖലാ ഓഹരി കുതിക്കും, കാരണങ്ങൾ നിരവധി, ടാർഗെറ്റ് വില അറിയാം

റെയിൽവേ പൊതുമേഖലാ ഓഹരിയായ ഇന്ത്യൻ റെയിൽവേ കാറ്ററിംഗ് ആൻഡ് ടൂറിസം അഥവാ ഐആർസിടിസി വെളളിയാഴ്ച ചുവപ്പിലാണ് അവസാനിച്ചത്. എന്നാൽ ബജറ്റിനോടനുബന്ധിച്ച് ഓഹരി വിലയിൽ വലിയ കുതിപ്പുണ്ടാകാനുള്ള സാധ്യതയുണ്ടെന്നാണ് മാർക്കറ്റ് വിദഗ്ധർ വിലയിരുത്തുന്നത്. അതുകൊണ്ടു തന്നെ ഐആർസിടിസി ഓഹരിയുടെ കൂടുതൽ വിശദാംശങ്ങൾ പരിശോധിക്കാം.

ഓഹരി വില

ബിഎസ്ഇയിൽ 2.04 ശതമാനം ഇടിവോടെ 989.15 രൂപ എന്ന നിലയിലാണ് ഐആർസിടിസി ഓഹരി വില. കഴിഞ്ഞ അഞ്ച് ദിവസത്തിനിടെ 4.18 ശതമാനം ഇടിവ് ഓഹരി നേരിട്ടിരുന്നു. ഒരു മാസത്തിനിടെ 2.60 ശതമാനം നഷ്ടവും ഓഹരി നേരിട്ടു. എന്നാൽ ആറ് മാസത്തിനിടെ 5.74 ശതമാനം വളർച്ച കൈവരിക്കാൻ ഓഹരിക്ക് സാധിച്ചു. 2024-ൽ ഇതുവരെ 11 ശതമാനത്തോളം മുന്നേറ്റമുണ്ടാക്കാനും റെയിൽവേ പൊതുമേഖലാ ഓഹരിക്ക് സാധിച്ചു.

കഴിഞ്ഞ ഒരു വർഷത്തിനിടെ 58.26 ശതമാനം വളർച്ചയാണ് ഐആർസിടിസി ഓഹരി നേടിയത്. അഞ്ച് വർഷത്തിനിടെ 534 ശതമാനം നേട്ടമുണ്ടാക്കാനും ഓഹരിക്ക് സാധിച്ചു. 1148.30 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. അതേസമയം 52 ആഴ്ചയിലെ ഏറ്റവും താഴ്ന്ന ഓഹരി വില 615.45 രൂപയാണ്.

ഓഹരി കരുത്തനാണ്

ടിക്കറ്റിംഗ്, കാറ്ററിംഗ്, റെയിൽ നീർ, ടൂറിസം തുടങ്ങിയ സെഗ്‌മെൻ്റുകളിലെല്ലാം മികച്ച പ്രകടനം നടത്താൻ ഐആർസിടിസി ഓഹരിക്ക് സാധിക്കുന്നുണ്ടെന്നാണ് മാർക്കറ്റ് വിദഗ്ധനായ രാജേഷ് അഗർവാൾ വിലയിരുത്തുന്നത്. വിപണിയിൽ ചാഞ്ചാട്ടം ഉണ്ടായിരുന്നിട്ടും റെയിൽവേ ഓഹരി വളർച്ച കാണിക്കുകയും പ്രതിരോധശേഷി കാണിക്കുകയും ചെയ്യുന്നു. റെയിൽവേയുടെ വരുമാനം വർധിക്കുന്നുണ്ട്. ഇത് ഓഹരിയുടെ മുന്നേറ്റത്തിനും കാരണമാകും.

വിപുലീകരണവും കുത്തകയും

രാജേഷ് സൂചിപ്പിച്ച പ്രധാന കാര്യങ്ങളിലൊന്ന് ഐആർസിടിസിയുടെ വിപുലീകരണ പദ്ധതികളെക്കുറിച്ചായിരുന്നു. റെയിൽ നീർ ഉൽപ്പാദനം 15 ലക്ഷം ലിറ്ററിൽ നിന്ന് 18.5 ലക്ഷം ലിറ്ററായാണ് കമ്പനി ഉയർത്തുന്നത്. ഐആർസിടിസി റെയിൽവേ ടിക്കറ്റിംഗ് ബുക്കിങിലും കുടിവെള്ള വിതരണത്തിലും ഒന്നാമതാണ്. അതോടൊപ്പം ഐആർസിടിസിയുടെ ടൂറിസം പാക്കേജുകളും ജനപ്രിയമാകുന്നത് മറ്റൊരു നേട്ടമാണ്.

ടാർഗെറ്റ് വില

ഐആർസിടിസി കടബാധ്യതയില്ലാത്ത കമ്പനിയാണെന്നും ഇത് ഈ സമ്പദ്‌വ്യവസ്ഥയിൽ വലിയ നേട്ടമാണെന്നും രാജേഷ് പറഞ്ഞു. ഇടത്തരം മുതൽ ദീർഘകാലാടിസ്ഥാനത്തിൽ കമ്പനിക്ക് നല്ല വരുമാനം നൽകാൻ കഴിയുമെന്ന് അദ്ദേഹം വിശ്വസിക്കുന്നു. നിലവിലെ ലെവലിൽ നിന്ന് കുറഞ്ഞത് 15% ഉയർച്ചയോടെ 1 വർഷത്തേക്ക് 1150 രൂപ എന്ന ടാർഗെറ്റ് വിലയാണ് മാർക്കറ്റ് വിദഗ്ധൻ നൽകിയിരിക്കുന്നത്. സ്ഥിരവും ലാഭകരവുമായ അവസരങ്ങൾ തേടുന്നവർക്ക് ഐആർസിടിസി നല്ലൊരു നിക്ഷേപമാണ്.

ദീർഘകാല നിക്ഷേപം

ഐആർസിടിസിക്ക് നേട്ടമുണ്ടാക്കുന്ന റെയിൽവേയുമായി ബന്ധപ്പെട്ട ചില പ്രഖ്യാപനങ്ങൾ ബജറ്റിലുണ്ടാകുമെന്ന് രാജേഷ് പറഞ്ഞു. എന്നിരുന്നാലും, ഐആർസിടിസിയെ ദീർഘകാല നിക്ഷേപമായി കണക്കാക്കണമെന്ന് അദ്ദേഹം പറഞ്ഞു. കമ്പനിയുടെ കുത്തക ബിസിനസ് മോഡലും ലാഭക്ഷമതയും കട രഹിത നിലയും നിക്ഷേപകർക്ക് ഇതിനെ ഒരു നല്ല ഓപ്ഷനാക്കി മാറ്റുന്നു.

പ്രൊമോട്ടർ/എഫ്ഐഐ ഹോൾഡിംഗ്

പ്രൊമോട്ടർമാർക്ക് 31-മാർച്ച്-2024 വരെ കമ്പനിയിൽ 62.4 ശതമാനം ഓഹരിയുണ്ട്, അതേസമയം എഫ്ഐഐയുടെയും മ്യൂച്വൽ ഫണ്ടുകളുടെയും ഉടമസ്ഥാവകാശം യഥാക്രമം 8.08 ശതമാനവും 2.97 ശതമാനവുമാണ്.

വരുമാനത്തിൽ വർധനവ്

2024-മാർച്ച് 31-ന് അവസാനിച്ച പാദത്തിൽ കമ്പനിയുടെ ഏകീകൃത വിൽപ്പന 1187.41 കോടി രൂപയായി റിപ്പോർട്ട് ചെയ്തു. മുൻ പാദത്തിലെ 1163.86 കോടി രൂപയിൽ നിന്ന് 2.02 ശതമാനം വർധനയും മുൻ വർഷം ഇതേ പാദത്തിലെ 1004.28 കോടി രൂപയിൽ നിന്ന് 18.23 ശതമാനം വർധനവുമുണ്ട്. കഴിഞ്ഞ പാദത്തിൽ കമ്പനിയുടെ അറ്റാദായം 284.18 കോടി രൂപയാണ്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.