ഉയർന്ന നികുതി ഇളവുകൾ: കേന്ദ്ര ബജറ്റിൽ മുതിർന്ന പൗരൻമാർക്കും സ്റ്റാർട്ടപ്പുകൾക്കും ആശ്വാസം

കേന്ദ്ര ബജറ്റിൽ നിരവധി പ്രഖ്യാപനങ്ങളാണ് നടന്നത്. ആദായ നികുതിയുമായി ബന്ധപ്പെട്ട് അപ്രതീക്ഷിത മാറ്റങ്ങളാണ് ഉത്തവണ സംഭവിച്ചത്. മുതിർന്ന പൗരൻമാരുടെ നിക്ഷേപത്തിലും നികുതി ഇളവുകൾ പരാമർശിച്ചിട്ടുണ്ട്. 60 വയസോ അതിൽ കൂടുതലോ പ്രായമുള്ള മുതിർന്ന പൗരന്മാർക്ക് ബാങ്ക്, പോസ്റ്റ് ഓഫീസ് നിക്ഷേപങ്ങളിൽ നിന്നും ലഭിക്കുന്ന പലിശയിൽ നികുതി ഇളവ്. 1 ലക്ഷം വരെയുള്ള പലിശ നേട്ടങ്ങൾക്ക് ഇനി ടി.ഡി.എസ് ഈടാക്കില്ല.

നിലവിൽ 50,000 രൂപയ്ക്ക് മുകളിലുള്ള പലിശകൾക്ക് 10% എന്ന നിരക്കിലായിരുന്നു ടി.ഡി.എസ് ഈടാക്കിയത്. എന്നാൽ 60 വയസ്സിന് താഴെയുള്ള നിക്ഷേപകർക്ക് ഈ പരിധി 40,000 രൂപയിൽ നിന്ന് 50,000 രൂപയിലേക്ക് ഉയർത്തും. ഈ പരിഷ്കാരത്തിലൂടെ ആളുകളുടെ പോക്കറ്റിൽ കൂടുതൽ പണം കുമിയും. നികുതി ഒഴിവാകുമ്പോൾ ആ തുകയും നിങ്ങളുടെ ലാഭത്തിലേക്കാണ് കണക്കാക്കുന്നത്.

10 കോടിയിലധികമാണോ വാർഷിക നേട്ടം?

10 കോടിയിലധികം വാർഷിക വിൽപ്പനയുള്ള ഒരു നികുതിദായകന് ആദായനികുതി നിയമത്തിലെ സെക്ഷൻ 206C(1H) പ്രകാരം, വിൽപ്പനക്കാർ 50 ലക്ഷം രൂപയിൽ കൂടുതലുള്ള വിൽപ്പനയുണ്ടെങ്കിൽ 0.1% ടി.സി.എസ് ഈടാക്കേണ്ടതുണ്ട്. സെക്ഷൻ 194Q പ്രകാരം 0.1% നിരക്കിൽ വിൽപ്പനക്കാരിൽ നിന്നും ടി.ഡി.എസ് ബാധകമാണ്. അതായത് ഇത്തരം സാഹചര്യത്തിൽ ടി.ഡി.എസും ടി.സി.എസും ബാധകമാണ്

വാടക വരുമാനത്തിന്റെ ടി.ഡി.എസ് പരിധി വർദ്ധിപ്പിച്ചു

എന്നാൽ ടി.സി.എസ്-ൻ്റെ ഈ നിയമം ഇപ്പോൾ നീക്കം ചെയ്‌തു. 2025 ഏപ്രിൽ 1 മുതൽ ടി.ഡി.എസ് മാത്രമേ ബാധകമാകൂ. വാടകയിലൂടെ ലഭിക്കുന്ന വരുമാനത്തിൻ്റെ ടി.ഡി.എസ് പരിധി സെക്ഷൻ 194-I പ്രകാരം പ്രതിവർഷം 2.40 ലക്ഷം രൂപയിൽ നിന്ന് പ്രതിമാസം 50,000 രൂപയായി വർദ്ധിപ്പിച്ചു- അതായത് ടി.ഡി.എസ് പ്രതിവർഷം 6 ലക്ഷം രൂപ വരെ കുറയ്ക്കില്ല. വാടക വരുമാനം ലഭിക്കുന്ന ആളുകൾക്ക് ഇത് ഏറെ ആശ്വാസകരമായ വാർത്തയായി.

4 വർഷം പഴക്കമുള്ള ആദായ നികുതി റിട്ടേണുകളും ഇപ്പോൾ ഫയൽ ചെയ്യാം

ഒരു നികുതിദായകന് ആദായനികുതി റിട്ടേൺ ഫയൽ ചെയ്യാൻ കഴിഞ്ഞിട്ടില്ലെങ്കിൽ അയാൾക്ക് ആദായനികുതി നിയമത്തിലെ സെക്ഷൻ 139(8A) പ്രകാരം കഴിഞ്ഞ നാല് വർഷത്തെ പുതുക്കിയ റിട്ടേണുകൾ ഫയൽ ചെയ്യാം. ഇതുവരെ ഈ വ്യവസ്ഥ കഴിഞ്ഞ രണ്ട് വർഷത്തേക്ക് മാത്രമായിരുന്നു. മൂന്ന് വർഷം പഴക്കമുള്ള പുതുക്കിയ റിട്ടേണിന് നികുതിയുടെയും പലിശയുടെയും 60 ശതമാനവും നാലാം വർഷത്തിൽ 70% നൽകണം.

പുതുക്കിയ റിട്ടേൺ ഫയൽ ചെയ്യാതിരിക്കുകയും ആദായനികുതി വകുപ്പിന്റെ നോട്ടീസ് വരുന്നതു വരെ കാത്തിരിക്കുകയും ചെയ്താൽ വരുമാനത്തിൻ്റെ നികുതിയിൽ നിന്ന് 200% പിഴ ചുമത്തേണ്ടി വരും. അതിനാൽ നോട്ടീസ് വരുന്നതിന് മുമ്പ് പുതുക്കിയ റിട്ടേൺ ഫയൽ ചെയ്യാം.

പുതിയ സ്റ്റാർട്ടപ്പുകൾക്കുള്ള നികുതി ഇളവ്

സെക്ഷൻ 80-IAC പ്രകാരം, ഒരു രജിസ്റ്റർ ചെയ്ത സ്റ്റാർട്ടപ്പിൻ്റെ ആദ്യ 10 വർഷങ്ങളിൽ തുടർച്ചയായ മൂന്ന് വർഷത്തെ വരുമാനം പൂർണ്ണമായും നികുതി രഹിതമാണ്. സ്റ്റാർട്ടപ്പുകൾക്കും തൊഴിലുകൾക്കും കൂടുതൽ പ്രോത്സാഹനം നൽകുമെന്നാണ് ബജറ്റിൽ ധനമന്ത്രി വ്യക്തമാക്കിയത്. അതു പ്രകാരം ഈ ഇളവ് വ്യവസ്ഥ അഞ്ച് വർഷത്തേക്ക് കൂടി നീട്ടി. 2030-ഓടെ ഒരംഭിക്കുന്ന പുതിയ സ്റ്റാർട്ടപ്പുകൾക്കും ഈ ഇളവ് ലഭിക്കും.