Just In
Don't Miss
-
യുപിയില് തരംഗം സൃഷ്ടിക്കാന് കോണ്ഗ്രസ്; രാഹുലും പ്രിയങ്കയും മല്സരിച്ചേക്കും, അയോധ്യ സന്ദര്ശിക്കുമോ? -
ട്വിസ്റ്റിനായി കാത്തിരിക്കേണ്ട, സിബിന് പിന്മാറി; പൂജയും സിബിനും ഇന്ന് കേരളത്തിലെത്തും! -
IPL 2024: മുംബൈ ശക്തരായ ടീം, പക്ഷെ ഇത് പേപ്പറില് മാത്രമാണ്! പരിഹസിച്ച് എബിഡി -
ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്തു -
എൻഫീൽഡിന്റെ വില്ലനാവാൻ ഓസ്ട്രിയൻ മുതലാളി, കിടിലൻ ബൈക്കുകളുമായി ബ്രിക്സ്റ്റൺ ഇന്ത്യയിലേക്ക് -
മേയ് 2024: ഭാഗ്യ സംഖ്യകളില് ജീവിതം രക്ഷപ്പെടുന്നവര് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
തുടര്‍ച്ചയായ രണ്ടാം ദിവസവും ദലാല്‍ സ്ട്രീറ്റില്‍ ഉത്സവാന്തരീക്ഷം തെളിഞ്ഞു. നാല് മാസത്തെ താഴ്ചയില്‍ നിന്നും രണ്ട് ദിവസത്തിനിടെ 3 ശതമാനത്തിലേറെ പ്രധാന സൂചികകള്‍ തിരിച്ചുപിടിച്ചു. എന്‍എസ്ഇയുടെ സൂചികയായ നിഫ്റ്റി 184 പോയിന്റ് ഉയര്‍ന്ന് ഏറെ നിര്‍ണായകമായ 16,955-ലും ബിഎസ്ഇയുടെ സൂചികയായ സെന്‍സെക്‌സ് 611 പോയിന്റ് നേട്ടത്തോടെ 56,930-ലും ക്ലോസ് ചെയ്തു. എന്‍എസ്ഇയിലെ ബാങ്കിംഗ് ഓഹരികളുടെ സൂചികയായ ബാങ്ക് നിഫ്റ്റി 421 പോയിന്റ് ഉയര്‍ന്ന് 35,029-ലും ബുധനാഴ്ചത്തെ വ്യാപാരം അവസാനിപ്പിച്ചു.
മാര്‍ക്കറ്റ് മൂവ്‌മെന്റ്
എല്ലാ വിഭാഗം ഓഹരികളും നേട്ടത്തിലാണ് വ്യാപാരം അവസാനിപ്പിച്ചത്. ഓട്ടോ, മെറ്റല്‍, ബാങ്കിംഗ് ഓഹരികളാണ് ഏറ്റവും മുന്നേറിയത്. 1 മുതല്‍ 3 ശതമാനം വരെ നേട്ടം ദൃശ്യമായിരുന്നു. അതുപോലെ മിഡ് കാപ്, സ്‌മോള്‍ കാപ് ഓഹരികളും നിക്ഷേപ താത്പര്യം പ്രകടമായിരുന്നു. ഒരു ശതമാനത്തിലേറെ സൂചികകളും മുന്നേറി. നിഫ്റ്റി 90 പോയിന്റ് നേട്ടത്തോടെയാണ് വ്യാപാരം ആരംഭിച്ചത്. വ്യാപാരത്തിനിടെ ഒരുവേള നിഫ്റ്റി വീണെങ്കിലും 16,800 നിലവാരം കാത്തുസൂക്ഷിച്ചു. തുടര്‍ന്ന് 16850 നിലവാരത്തില്‍ ഏറെ നേരം തങ്ങിനിന്ന ശേഷം അവസാന മണിക്കൂറില്‍ 16950-നും മുകളിലേക്ക് സൂചികകള്‍ കുതിപ്പ് നടത്തുകയായിരുന്നു.
ഇനിയെന്ത് ?
നാല് ദിവസത്തെ തകര്‍ച്ചയ്ക്കു ശേഷം തുടര്‍ച്ചയായ രണ്ടാം ദിവസവും വിപപണികള്‍ നേട്ടത്തില്‍ അവസാനിപ്പിച്ചതോടെ ഡെയ്‌ലി ചാര്‍ട്ടില്‍ ബുള്ളിഷ് കാന്‍ഡില്‍ രേഖപ്പെടുത്തി. 17,000-ല്‍ ശക്തമായ റെസിസ്റ്റന്‍സ് അനുഭവപ്പെടുന്നുണ്ട്. എങ്കിലും മുന്നോട്ടുളള പ്രയാണത്തിനുള്ള നിര്‍ണായക കടമ്പയായ 16,900-ന് മുകളില്‍ നിഫ്റ്റി ക്ലോസ് ചെയ്യാനായത് ശുഭസൂചനയാണ്. നാളെ 17,000-ന് മുകളില്‍ നിലനില്‍ക്കാന്‍ സാധിച്ചാല്‍ 17,20- 17,300 നിലവാരങ്ങളിലേക്ക് നിഫ്റ്റി നീങ്ങാം. അതേസമയം, തൊട്ടടുത്തുള്ള സപ്പോര്‍ട്ട് 16,760- 16,610 എന്നിങ്ങനെയാണ്. ആഗോള സൂചകങ്ങളാവും നാളെയും വിപണിയെ സ്വാധീനിച്ചേക്കുക.
അഡ്വാന്‍സ്- ഡിക്ലെയിന്‍ റേഷ്യോ
എന്‍എസ്ഇയില്‍ ഇന്ന് വ്യാപാരം ചെയ്യപ്പെട്ട 2,077 ഓഹരികളില്‍ 487 ഓഹരികളില്‍ വിലയിടിവും 1,,545 ഓഹരികളില്‍ വില വര്‍ധനവും രേഖപ്പെടുത്തി. അഡ്വാന്‍സ് ഡിക്ലെയിന്‍ റേഷ്യോ 3.17 ആയിരുന്നു. സ്‌മോള്‍ കാപ്, മിഡ് കാപ് വിഭാഗത്തിലെ ഓഹരികളിലെ ശക്തമായ മുന്നേറ്റമാണ് അഡ്വാന്‍സ്- ഡിക്ലെയിന്‍ റേഷ്യോ 3 കടന്നതിലൂടെ ചൂണ്ടിക്കാണിക്കുന്നത്. അതേസമയം, നിഫ്റ്റി സൂചികയിലെ 50 ഓഹരികളില്‍ 42 എണ്ണം നേട്ടമുണ്ടാക്കിയപ്പോള്‍, 8 കമ്പനികളുടെ ഓഹരികള്‍ നഷ്ടത്തില്‍ വ്യാപാരം അവസാനിപ്പിച്ചു.
പ്രധാന ഓഹരികളുടെ പ്രകടനം
>> നേട്ടം ലഭിച്ചവ: നിഫ്റ്റി-50 ഇന്‍ഡക്‌സ് സ്റ്റോക്കുകളില്‍ 42 എണ്ണം നേട്ടത്തിലായിരുന്നു. ഹിന്‍ഡാല്‍കോ 4 ശതമാനത്തിലധികം കുതിച്ചു. ടാറ്റ മോട്ടോര്‍സ്, ഡിവീസ് ലാബ് എന്നിവ 3 ശതമാനത്തിലധികവും ബജാജ് ഫിനാന്‍സ്, ഐഷര്‍ മോട്ടോര്‍സ്, യുപിഎല്‍, ഭാരതി എയര്‍ടെല്‍, സണ്‍ ഫാര്‍മ, ലാര്‍സണ്‍, റിലയന്‍സ്, ബിപിസിഎല്‍, എസ്ബിഐ, ടാറ്റ സ്റ്റീല്‍ എന്നിവ രണ്ട് ശതമാനത്തിലേറെയും വില വര്‍ധന രേഖപ്പെടുത്തി.
>> നഷ്ടം നേരിട്ടവ: നിഫ്റ്റി-50 ഇന്‍ഡക്‌സ് സ്റ്റോക്കുകളില്‍ 8 എണ്ണം വിലയിടിവ് രേഖപ്പെടുത്തി. പവര്‍ ഗ്രിഡ് രണ്ട് ശതമാനത്തിലധികം താഴ്ന്നു. എസ്ബിഐ ലൈഫ്, വിപ്രോ, ഐഒസി, അദാനി പോര്‍ട്ട്‌സ്, ബ്രിട്ടാണിയ, ഐടിസി, നെസ്ലെ, എച്ച്ഡിഎഫ്സി എന്നീ ഓഹരികള്‍ നേരിയ നഷ്ടത്തിലും വ്യാപാരം അവസാനിപ്പിച്ചു.
