എസ്‌ബി‌ഐ ഉപഭോക്താക്കൾക്ക് ബംമ്പർ ഉത്സവകാല ഓഫറുകൾ, നിങ്ങൾ അറിയേണ്ടതെല്ലാം

ഭവന വായ്പ

ഭവനവായ്പയുടെ പ്രോസസ്സിംഗ് ഫീസ് എസ്ബിഐ പൂർണ്ണമായും ഒഴിവാക്കിയിട്ടുണ്ട്. ഉപഭോക്താക്കളുടെ ക്രെഡിറ്റ് സ്കോർ, ഭവനവായ്പ തുക എന്നിവയുടെ അടിസ്ഥാനത്തിൽ പലിശനിരക്കിന് 10 ബേസിസ് പോയിൻറുകൾ (ബിപിഎസ്) വരെ എസ്ബിഐ ഇളവുകൾ നൽകുന്നുണ്ട്. വീട് വാങ്ങുന്നവർ യോനോ വഴി അപേക്ഷിച്ചാൽ 5 ബിപിഎസ് പലിശ ഇളവ് ലഭിക്കും.

കാർ ലോൺ

കാർ ലോൺ വായ്പക്കാർക്ക് 7.5 ശതമാനം മുതൽ കുറഞ്ഞ പലിശനിരക്ക് ലഭിക്കും. തിരഞ്ഞെടുത്ത മോഡലുകളിൽ 100 ​​ശതമാനം ഓൺ-റോഡ് ഫിനാൻസും ലഭിക്കും. 7.5 ശതമാനം പലിശ നിരക്കിലാണ് എസ്‌ബി‌ഐ സ്വർണ്ണ വായ്പ നൽകുക. 36 മാസം വരെ മടക്കി നൽകാനുള്ള കാലാവധിയുണ്ട്. 9.6 ശതമാനം വരെ കുറഞ്ഞ നിരക്കിൽ ഉപഭോക്താക്കൾക്ക് വ്യക്തിഗത വായ്പ എടുക്കാമെന്ന് ബാങ്ക് അറിയിച്ചു.

യോനോ ആപ്പ് വഴി

കാർ, ഗോൾഡ് ലോൺ അപേക്ഷകൾക്ക് യോനോ ഉപയോക്താക്കൾക്ക് പ്രിൻസിപ്പൽ അംഗീകാരം വാഗ്ദാനം ചെയ്യുന്നുണ്ടെന്ന് ബാങ്ക് അറിയിച്ചു. ഉപഭോക്താക്കൾക്ക് അവരുടെ വീടുകളിലിരുന്ന് യോനോയിലൂടെ മുൻകൂട്ടി അംഗീകാരം ലഭിച്ച പേപ്പർലെസ് വ്യക്തിഗത വായ്പയും ലഭിക്കും. ഇന്റർനെറ്റ് ബാങ്കിംഗ് സൗകര്യങ്ങൾ ഉപയോഗിക്കുന്ന എസ്‌ബി‌ഐ ഉപഭോക്താക്കളുടെ എണ്ണം ഏകദേശം 76 മില്യണും മൊബൈൽ ബാങ്കിംഗ് സേവനങ്ങൾ 17 മില്യണിലും കൂടുതലാണ്.

എന്താണ് യോനോ ആപ്പ്?

എസ്ബിഐയുടെ മൊബൈൽ ബാങ്കിംഗ് അപ്ലിക്കേഷനാണ് യോനോ. 26 മില്യൺ ആളുകൾ രജിസ്റ്റർ ചെയ്തിട്ടുള്ള യോനോയിൽ പ്രതിദിനം 5.5 ദശലക്ഷം ലോഗിനുകളും 4,000 ത്തിലധികം വ്യക്തിഗത വായ്പകൾക്കും 16,000 യോനോ അഗ്രി ഗോൾഡ് വായ്പകൾക്കും സാക്ഷ്യം വഹിക്കുന്നുണ്ട്.