ഓഹരി വില 62 മുതൽ 264 രൂപ വരെ, നേട്ടത്തിന് ഈ രണ്ട് ഓഹരികൾ വാങ്ങാം, കാരണങ്ങൾ നിരവധി

പുതിയ സാമ്പത്തിക വർഷത്തിലെ ആദ്യ ട്രേഡിംഗ് ദിവസമാണിന്ന്. കഴിഞ്ഞ അവസാന ട്രേഡിംഗ് ദിവസം മുന്നേറ്റത്തോടെയാണ് ഓഹരി സൂചികകൾ ക്ലോസ് ചെയ്തത്. നിഫ്റ്റി 50 സൂചിക 203 പോയിൻ്റ് ഉയർന്ന് 22,326.90 എന്ന നിലയിലും സെൻസെക്‌സ് സൂചിക 655 പോയിൻ്റ് ഉയർന്ന് 73,651.35 എന്ന നിലയിലും അവസാനിച്ചു. നിഫ്റ്റി അതിൻ്റെ മുമ്പത്തെ സ്വിംഗ് ഹൈ ആയ 22,526 ന് ചുറ്റും പ്രാരംഭ പ്രതിരോധം നേരിട്ടു. അതിനാൽ, കൂടുതൽ റാലിക്ക്, അത് 22,525-നപ്പുറം നിർണായകമായി നീങ്ങേണ്ടതുണ്ട്.

എന്തായാലും വരും ദിവസങ്ങളിലും വിപണി മുന്നേറ്റം തുടരുമെന്ന പ്രതീക്ഷയിൽ തന്നെയാണ് നിക്ഷേപകരുള്ളത്. ഇപ്പോൾ വാങ്ങിയാൽ നേട്ടമുണ്ടാകുമെന്ന് വിദഗ്ധർ വിലയിരുത്തുന്ന രണ്ട് ഓഹരികളെക്കുറിച്ചറിയാം.

1. പെട്രോനെറ്റ് എൽഎൻജി

അടുത്തിടെ ബുള്ളിഷ് റിവേഴ്‌സൽ പാറ്റേണിൽ നീങ്ങിയ ഓഹരിയാണ് പെട്രോനെറ്റ് എൽഎൻജിയുടേത്. ട്രെൻഡ് ലൈനിൽ നിന്ന് ഒരു ബ്രേക്ക്ഔട്ടിനായി ഒരുങ്ങുകയാണ് ഓഹരി. പിന്തുണയുടെ കാര്യത്തിൽ, സ്റ്റോക്കിന് 250 ലെവലിൽ ശക്തമായ അടിത്തറയുണ്ട്.

വാങ്ങുക - ₹ 266-262 | ലക്ഷ്യം: ₹ 285/300 | സ്റ്റോപ്പ് ലോസ്: ₹ 250

ഓഹരി വിപണിയിലെ പ്രകടനം

264 രൂപയാണ് പെട്രോനെറ്റ് എൽഎൻജിയുടെ നിലവിലെ ഓഹരി വില. ഒരു മാസത്തിനിടെ ചെറിയ ഇടിവ് ഓഹരി നേരിട്ടെങ്കിലും കഴിഞ്ഞ 5 ദിവസത്തിനിടെ 1.36 ശതമാനം മുന്നേറ്റമുണ്ടാക്കാൻ കമ്പനിക്ക് സാധിച്ചിട്ടുണ്ട്. 10.30 ശതമാനമാണ് ആറ് മാസത്തെ നേട്ടം. ഒരു വർഷത്തിനിടെ 12.92 ശതമാനം ലാഭം നിക്ഷേപകർക്ക് നൽകാനും ഓഹരിക്ക് സാധിച്ചു.

296.45 രൂപയാണ് 52 ആഴ്ചയിലെ ഏറ്റവും ഉയർന്ന വില. 191.70 രൂപയാണ് താഴ്ന്ന ഓഹരി വില.

പൊതുമേഖലാ ഓയിൽ കമ്പനി

ദ്രവീകൃത പ്രകൃതി വാതകം ഇറക്കുമതി ചെയ്യുന്നതിനും എൽഎൻജി ടെർമിനലുകൾ സ്ഥാപിക്കുന്നതിനും രൂപീകരിച്ച പൊതുമേഖലാ ഓയിൽ ആൻഡ് ഗ്യാസ് കമ്പനിയാണ് പെട്രോനെറ്റ് എൽഎൻജി. ഒഎന്‍ജിസി, ഐഒസി, ഗെയില്‍, ബിപിസിഎല്‍ തുടങ്ങിയ രാജ്യത്തെ പ്രമുഖ പൊതുമേഖലാ എണ്ണ-വാതക കമ്പനികളില്‍ പെട്രോനെറ്റിന് വലിയ ഓഹരി പങ്കാളിത്തമുണ്ട്.

2. ബാങ്ക് ഓഫ് മഹാരാഷ്ട്ര (മഹാ ബാങ്ക്)

അടുത്തിടെ കാര്യമായ ബ്രേക്ക്ഔട്ട് അനുഭവപ്പെട്ട ഓഹരിയാണ് ബാങ്ക് ഓഫ് മഹാരാഷ്ട്രയുടേത്. ട്രേഡിംഗ് വോള്യങ്ങളിൽ ശ്രദ്ധേയമായ കുതിച്ചുചാട്ടവും ഉണ്ടായി. ബുള്ളിഷ് മൊമെൻ്റം ഷിഫ്റ്റിനെ സൂചിപ്പിക്കുന്ന പ്രതിദിന ചാർട്ടിൻ്റെ മൊമെൻ്റം ഇൻഡിക്കേറ്ററായ ആർഎസ്ഐയിലെ പോസിറ്റീവ് ക്രോസ്ഓവർ ഈ ബ്രേക്ക്ഔട്ടിനെ കൂടുതൽ പിന്തുണയ്ക്കുന്നു.

വാങ്ങുക - ₹ 62 | ലക്ഷ്യം: ₹ 285/300 | സ്റ്റോപ്പ് ലോസ്: ₹ 68/70

ഓഹരി വിപണിയിലെ പ്രകടനം

അവസാന ട്രേഡിംഗ് ദിവസമായ വ്യാഴാഴ്ച 4.99 ശതമാനം നേട്ടത്തോടെ 62.10 രൂപ എന്ന നിലയിലാണ് കമ്പനി വ്യാപാരം അവസാനിപ്പിച്ചത്. ഒരു മാസത്തിനിടെ 2.22 ശതമാനവും ആറ് മാസത്തിനിടെ 25.45 ശതമാനവും ഓഹരി നേട്ടമുണ്ടാക്കി. 141.17 ശതമാനം ലാഭമാണ് ഒരു വർഷത്തിനിടെ ബാങ്ക് ഓഫ് മഹാരാഷ്ട്ര നിക്ഷേപകർക്ക് നൽകിയത്.

69.45 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 22.80 രൂപയാണ് ഏറ്റവും താഴ്ന്ന ഓഹരി വില.

വിപണി മൂല്യം 35,100 കോടി

മുംബൈ ആസ്ഥാനമായുള്ള പൊതുമേഖലാ ബാങ്കാണ് ബാങ്ക് ഓഫ് മഹാരാഷ്ട്ര. ഒന്നര നൂറ്റാണ്ടിലധികം പ്രവർത്തന പാരമ്പര്യം ബാങ്കിനുണ്ടെങ്കിലും 1935ലാണ് ഔദ്യോഗിക ചട്ടക്കൂടിനുള്ളിലേക്ക് വന്നത്. തുടർന്ന് 1969ൽ ബാങ്ക് ദേശസാത്കരിക്കപ്പെട്ടു. നിലവിൽ ഏകദേശം 35,100 കോടിയാണ് ബാങ്ക് ഓഫ് മഹാരാഷ്ട്രയുടെ വിപണി മൂല്യം.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.