കാനഡയിൽ പൊതു​ഗതാ​ഗത രം​ഗത്ത് നിരവധി അവസരങ്ങൾ; മണിക്കൂറിന് 3,700 രൂപ ശമ്പളം; യോ​ഗ്യത അറിയാം

പുതിയ തലമുറയിൽ കുടിയേറ്റ രീതി മാറിയതോടെ യൂറോപ്പോ കാനഡയോ ആണ് ഇന്നത്തെ കാലത്ത് പലരുടെയും മനസിൽ. പഠനത്തിനായും പഠന ശേഷം ജോലിക്കായും പലരും ഇന്ന് യൂറോപ്യൻ രാജ്യങ്ങളെയോ വടക്കനമേരിക്കൻ രാജ്യമായ കാനഡയെയോ ആണ് തിരഞ്ഞെടുക്കുന്നത്. ശക്തമായ ഇന്ത്യൻ സമൂഹത്തിന്റെ പിന്തുണയും മികച്ച അടിസ്ഥാന സൗകര്യങ്ങളുമാണ് കാനഡയെ ഇന്ത്യക്കാരുടെ ഇഷ്ട ഇടമാക്കി മാറ്റുന്നത്. പഠനത്തിനൊപ്പം സമ്പാദിക്കാനും പഠന ശേഷം മികച്ച ശമ്പളത്തിൽ ജോലി ലഭിക്കാനുമുള്ള സാധ്യതകളും കാനഡയിലുണ്ട്.

ഇതിനാൽ ഇവിടത്തെ തൊഴിലവസരങ്ങൾ വിദേശ ജോലി ആ​ഗ്രഹിക്കുന്നവർ കാത്തിരിക്കുന്നുണ്ട്. കാനഡയിൽ തൊഴിലവസരം തേടുന്നവരാണെങ്കിൽ ഓന്ററിയോ ന​ഗരത്തിൽ നിരവധി തൊഴിലവസരങ്ങളുണ്ട്. ഓന്ററിയോയിലെ പൊതുഗതാഗത സംവിധാനമായ ടോറാന്റെ ട്രാൻസ്പോർട്ട് കമ്മീഷനിലാണ് ജോലി ഒഴിവുകള്‍.

ട്രാന്‍സിസ്റ്റ് സ്‌പെഷ്യല്‍ കോണ്‍സറ്റബിള്‍

കസ്റ്റമർ സർവീസ്, ഹെൽത്ത് കെയർ, സോഷ്യൽ സർവീസ് എന്നിവയിൽ പ്രവൃത്തി പരിചയമുള്ള പ്ലസ്ടു പൂർത്തിയാക്കിയവർക്ക് ട്രാന്‍സിസ്റ്റ് സ്‌പെഷ്യല്‍ കോണ്‍സറ്റബിള്‍ തസ്തികയിലേക്ക് അപേക്ഷിക്കാം. നിയമപാലനം, സുരക്ഷാ പ്രവർത്തനങ്ങൾ എന്നിവ സംബന്ധിച്ച സമഗ്രമായ അറിവ്, മൈക്രോസോഫ്‌റ്റ് വേഡ്, എക്‌സൽ, ഡാറ്റാബേസ് എന്നിവയിലെ പരിചയം അധിക യോ​ഗ്യതയാണ്.

ഒന്റാറിയോ ക്ലാസ് ജി ഡ്രൈവിംഗ് ലൈസൻസ് ഉണ്ടായിരിക്കണം. തിരഞ്ഞെടുക്കപ്പെടുന്നവർക്ക് മണിക്കൂറിന് 36.82 മുതൽ 46.02 ഡോളർ ശമ്പളം ലഭിക്കും. 2,226 രൂപ മുതൽ 2844 രൂപയാണിത്. രണ്ട് ആഴ്ചയിൽ 80 മണിക്കൂറാണ് ജോലി ചെയ്യേണ്ടത്. ഓ​ഗസ്റ്റ് 18 ആണ് അപേക്ഷിക്കാനുള്ള അവസാന തീയതി.

അപേക്ഷിക്കാൻ ഈ ലിങ്ക് ക്ലിക്ക് ചെയ്യുക.

ജനറൽ ബോഡി റിപ്പയർപേഴ്സൺ

അറ്റകുറ്റപ്പണികൾ, മോഡിഫിക്കേഷൻ, പെയിന്റിംഗ് എന്നിവയുൾപ്പെടെ വാഹന ബോഡിവർക്ക് ജോലികളിൽ പരിചയമുള്ളവരാണ് അപേക്ഷിക്കേണ്ടത്. ഓട്ടോ ബോഡി, കൊളിഷൻ ഡാമേജ് റിപ്പയർ സർട്ടിഫിക്കറ്റ് ഉള്ളവരും പ്ലസ്ടു വിദ്യാഭ്യാസ യോ​ഗ്യതയുള്ളവർക്കും അപേക്ഷിക്കാം. സാധുവായ ക്ലാസ് ജി ഡ്രൈവിംഗ് ലൈസൻസും അപേക്ഷകന് ഉണ്ടാകണം. മണിക്കൂറിന് 42.35 ഡോളറാണ് ശമ്പളം. അതോടൊപ്പം മണിക്കൂറിന് 1.25 ഡോളർ നിരക്കിൽ സ്കിൽഡ് ട്രേഡ് പ്രീമിയവും ലഭിക്കും.

അപേക്ഷിക്കാൻ ഈ ലിങ്ക് ക്ലിക്ക് ചെയ്യുക.

ബ്രിക്ക്ലേയർ

കൽപണിക്കാരന്റെ ജോലി ഒഴിവാണ് അടുത്തത്. ഇഷ്ടിക, കല്ല്, കോൺക്രീറ്റ് എന്നിവ ജോലികളിലെ താൽപര്യവും ചുമർ, ചിമ്മിണി, അടിത്തറ നിർമാണങ്ങളിലെ വൈദ​ഗ്ധ്യവുമുള്ളവർക്ക് അപേക്ഷിക്കാം. പ്ലസ്ടു വിദ്യാഭ്യാസ യോ​ഗ്യതയും സാധുവായ ബ്രിക്ക് ആൻഡ് സ്റ്റോൺ മേസൺ യോഗ്യതാ സർട്ടിഫിക്കറ്റും അപേക്ഷകന് വേണം. മണിക്കൂറിന് 42.35 ഡോളറാണ് ശമ്പളം. അതോടൊപ്പം മണിക്കൂറിന് 1.25 ഡോളർ നിരക്കിൽ സ്കിൽഡ് ട്രേഡ് പ്രീമിയവും ലഭിക്കും. വിശദാശംങ്ങൾക്കും അപേക്ഷിക്കാനും ഈ ലിങ്കിൽ ക്ലിക്ക് ചെയ്യാം.

സ്റ്റാറ്റിസ്റ്റിക്കൽ അനലിസ്റ്റ്

ടിടിസിയിൽ ഇലക്ട്രിക്കൽ ആൻഡ് കമ്മ്യൂണിക്കേഷൻ വകുപ്പിലാണ് സ്റ്റാറ്റിസ്റ്റിക്കൽ അനലിസ്റ്റിന്റെ ഒഴിവ്. സ്റ്റാറ്റിസ്റ്റിക്കൽ അനലിസ്റ്റ് ജോലി പരിചയവും ബിരുദവുമാണ് യോ​ഗ്യത. ക്രിസ്റ്റൽ റിപ്പോർട്ട് റൈറ്റർ, മിനിറ്റാബ്, മൈക്രോസോഫ്റ്റ് ഓഫീസ് സ്യൂട്ട് തുടങ്ങിയ സോഫ്റ്റ്‌വെയർ ആപ്ലിക്കേഷനുകൾ ഉപയോ​ഗിച്ചുള്ള പരിചയവും അപേക്ഷകന് വേണം. വർഷത്തിൽ 63,299.60 ഡോളർ മുതൽ 79,060.80 ഡോളർ ആണ് ശമ്പളം. വിശദാശംങ്ങൾക്കും അപേക്ഷിക്കാനും ഈ ലിങ്കിൽ ക്ലിക്ക് ചെയ്യാം.

ഗാരേജ് ഫോർപേഴ്സൺ

ഡിപ്ലോമയോ സർവകലാശല ബിരുദമോ ഉള്ളവർക്ക് അപേക്ഷിക്കാം. ആവശ്യമുള്ള പ്രവൃത്തി പരിചയം അധിക യോ​ഗ്യതയമാണ്. വാർഷിക ശമ്പളം 89,856 ഡോളർ മുതൽ 1,12,320 വരെയാണ്. വിശദാശംങ്ങൾക്കും അപേക്ഷിക്കാനും ഈ ലിങ്കിൽ ക്ലിക്ക് ചെയ്യാം.