കാപ്പിയുടെ വില വർധനവിന് സാധ്യത, ഈ ഓഹരി വാങ്ങിയാൽ നേട്ടമുണ്ടാക്കാം, കാരണം ഇതാണ്

കഴിഞ്ഞ ഒരു മാസത്തിനിടെ വിപണിയിൽ നിന്നും 28.78 ശതമാനം വളർച്ച നേടിയ ഓഹരിയാണ് സിസിഎൽ പ്രൊഡക്ട്സ് ഇന്ത്യ ലിമിറ്റഡ്. ബുധനാഴ്ച 12.69 ശതമാനം മുന്നേറ്റമാണ് ഓഹരി നേടിയത്. വരും ദിവസങ്ങളിലും സമാന മുന്നേറ്റം ഓഹരി തുടർന്നാൽ നിക്ഷേപകരുടെ കീശ നിറയുമെന്ന കാര്യം ഉറപ്പാണ്. അതുകൊണ്ടു തന്നെ നമുക്ക് ഓഹരിയുടെ കൂടുതൽ വിശദാംശങ്ങൾ പരിശോധിക്കാം.

സിസിഎൽ പ്രൊഡക്ട്സ് ഇന്ത്യ

ഹൈദരാബാദ് ആസ്ഥാനമായുള്ള ഇന്ത്യന്‍ കോഫി കമ്പനിയാണ് സിസിഎല്‍ പ്രൊഡക്ട്‌സ്.കാപ്പിയുടെ ഉത്പാദനം, വ്യാപാരം, വിതരണം എന്നിവയിൽ ഏർപ്പെട്ടിരിക്കുന്നു. കമ്പനിക്ക് പ്രധാനമായും ഇന്ത്യ, വിയറ്റ്‌നാം, സ്വിറ്റ്‌സർലൻഡ് രാജ്യങ്ങളിൽ ബിസിനസ്സ് പ്രവർത്തനങ്ങൾ ഉണ്ട്.

ഓഹരി വിപണിയിലെ പ്രകടനം

എൻഎസ്ഇയിൽ 813.30 രൂപ എന്ന നിലയിലാണ് ബുധനാഴ്ച സിസിഎൽ പ്രൊഡക്ട്സ് ഓഹരി വ്യാപാരം അവസാനിപ്പിച്ചത്. കഴിഞ്ഞ അഞ്ച് ദിവസത്തിനിടെ 13.55 ശതമാനം മുന്നേറ്റമുണ്ടാക്കാൻ ഓഹരിക്ക് സാധിച്ചു. 28.74 ശതമാനമാണ് ഒരു മാസത്തെ വളർച്ച. ആറ് മാസത്തിനിടെ 30 ശതമാനം നേട്ടമുണ്ടാക്കാനും സിസിഎൽ പ്രൊഡക്ട്സ് ഓഹരിക്ക് കഴിഞ്ഞു.

കഴിഞ്ഞ ഒരു വർഷത്തിനിടെ 33 ശതമാനം വളർച്ചയാണ് ഓഹരി നേടിയത്. അഞ്ച് വർഷത്തിനിട 239.65 ശതമാനം മുന്നേറ്റമാണ് ഓഹരി നേടിയത്. വിപണിയിൽ ലിസ്റ്റ് ചെയ്തതിന് ശേഷം 12,056.95 ശതമാനം വളർച്ചയാണ് സിസിഎൽ പ്രൊഡക്ട്സ് ഓഹരി നേടിയത്. 855 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 551.60 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

വില ഉയരാൻ സാധ്യത

ബ്രസീലിലെ മോശം കാലാവസ്ഥ ലോകത്തെ കാപ്പി പ്രേമികളെ കരയിക്കുമെന്നാണ് അന്താരാഷ്ട്ര മാധ്യമങ്ങൾ പറയുന്നത്. മറ്റൊന്നുമല്ല അതിന്‍റെ കാരണം. ലോകത്തിലെ ഏറ്റവും വലിയ കാപ്പി ഉത്പാദകരാണ് ബ്രസീൽ, ആഗോള ഉൽപാദനത്തിൻ്റെ മൂന്നിലൊന്ന് വരും. ബ്രസീലിലെ മോശം കാലാവസ്ത കാപ്പി ഉൽപ്പാദനത്തെ പ്രതികൂലമായി ബാധിച്ചിട്ടുണ്ട്. അതുകൊണ്ടു തന്നെ കാപ്പിയുടെ വില വരും ദിവസങ്ങളിൽ ഉയരാനുള്ള സാധ്യത തള്ളിക്കളയാൻ സാധിക്കില്ല. അങ്ങനെ സംഭവിച്ചാൽ കാപ്പി ബിസിനസ്സിൽ ഏർപ്പെട്ടിരിക്കുന്ന കമ്പനികളുടെ ഓഹരികളും മുകളിലേക്ക് ഉയരാനുള്ള സാധ്യത തള്ളിക്കളയാൻ സാധിക്കില്ല.

ലാഭവിഹിതം

ലാഭവിഹിതം എന്നത് ഓഹരി ഉടമകൾക്ക് നൽകുന്ന വരുമാനത്തിൻ്റെ ഒരു ശതമാനമാണ്. 2023 ഡിസംബറിൽ അവസാനിക്കുന്ന പാദത്തിൽ സിസിഎൽ പ്രൊഡക്ട്സ് 2.50 രൂപ ലാഭവിഹിതം പ്രഖ്യാപിച്ചിരുന്നു.

⦁ അവസാന ഡിവിഡൻ്റ് തീയതി: 05/02/2024
⦁ നിലവിലെ ലാഭവിഹിതം: 0.69%
⦁ വാർഷിക ലാഭവിഹിതം: ₹5

വിപണിക്ക് ചുവപ്പിൽ അവസാനം

തുടർച്ചയായ നേട്ടങ്ങൾക്ക് ഇടവേള നൽകി ബുധനാഴ്ച ചുവപ്പിലാണ് ഇന്ത്യൻ ഓഹരി വിപണി അവസാനിച്ചത്. സെൻസെക്‌സ് 203 പോയിൻ്റ് അഥവാ 0.25 ശതമാനം ഇടിഞ്ഞ് 82,352.64 ൽ ക്ലോസ് ചെയ്തു, 19 ഓഹരികൾ നഷ്ടത്തിലാണ്. നിഫ്റ്റി 50 81 പോയിൻറ് അഥവാ 0.32 ശതമാനം നഷ്ടത്തിൽ 25,198.70 ൽ ക്ലോസ് ചെയ്തു, 31 ഓഹരികൾ നഷ്ടത്തിലാണ്.

ബിഎസ്ഇ മിഡ്‌ക്യാപ് സൂചികയും 0.12 ശതമാനം ഇടിഞ്ഞെങ്കിലും സ്‌മോൾക്യാപ് സൂചിക 0.32 ശതമാനം ഉയർന്നു. നിഫ്റ്റി ബാങ്ക് 0.56 ശതമാനം നഷ്ടത്തിൽ ക്ലോസ് ചെയ്തപ്പോൾ പ്രൈവറ്റ് ബാങ്ക് സൂചിക 0.65 ശതമാനം ഇടിഞ്ഞു.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.