എടിഎം വഴിയുള്ള പണം പിൻവലിക്കൽ കൂടുതൽ സുരക്ഷിതമാക്കുന്നതിന്റെ ഭാഗമായി സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) 2020 ജനുവരി 1 മുതൽ ഒടിപി അധിഷ്ഠിത എടിഎം പിൻവലിക്കലുകൾ അവതരിപ്പിച്ചു. 10,000 രൂപയ്ക്ക് മുകളിലുള്ള പിൻവലിക്കലിന് മാത്രമേ ഒടിപി അധിഷ്ഠിത പണം പിൻവലിക്കൽ ബാധകമായിട്ടുള്ളൂ. എല്ലാ എസ്ബിഐ എടിഎമ്മുകളിലും രാത്രി 8 മുതൽ രാവിലെ 8 വരെ മാത്രമേ ഒടിപി അധിഷ്ഠിത സേവനം പ്രവർത്തിക്കുകയുള്ളൂ.
മൊബൈൽ നമ്പർ
ബാങ്കിൽ രജിസ്റ്റർ ചെയ്തിട്ടുള്ള മൊബൈൽ നമ്പറിൽ ഒടിപി ലഭിക്കുന്നതിനാൽ എസ്ബിഐ ഉപഭോക്താക്കൾ എടിഎമ്മിൽ പോകുമ്പോൾ മൊബൈലും കൈയിൽ കരുതേണ്ടതുണ്ട്. അതുകൊണ്ട് തന്നെ എല്ലാ എസ്ബിഐ ഉപഭോക്താക്കളും ഉപയോഗിക്കുന്ന മൊബൈൽ നമ്പർ ബാങ്കിൽ രജിസ്റ്റർ ചെയ്യേണ്ടതുണ്ട്. പുതിയ സേവനത്തിന്റെ പ്രയോജനം ലഭിക്കുന്നതിന് മൊബൈൽ നമ്പർ അടുത്തുള്ള എസ്ബിഐ ബ്രാഞ്ചിലോ എടിഎമ്മിലോ രജിസ്റ്റർ ചെയ്യണമെന്ന് എസ്ബിഐ ട്വീറ്റ് ചെയ്തു.
10000 രൂപയിൽ കൂടുതൽ
10000 രൂപയിൽ കൂടുതൽ പണം പിൻവലിക്കുന്നതിന് എസ്ബിഐ എടിഎമ്മുകളിലെത്തുന്ന ഉപഭോക്താക്കൾ ഡെബിറ്റ് കാർഡ് പിന്നിന് ഒപ്പം ബാങ്കിൽ രജിസ്റ്റർ ചെയ്തിരിക്കുന്ന മൊബൈൽ നമ്പറുകളിൽ ജനറേറ്റു ചെയ്യുന്ന ഒടിപിയും നൽകേണ്ടതാണ്. പുതിയ സംവിധാനം എസ്ബിഐ ഡെബിറ്റ് കാർഡ് ഉടമകളെ സ്കിമ്മിംഗ്, കാർഡ് ക്ലോണിംഗ് തുടങ്ങിയ തട്ടിപ്പുകളിൽ നിന്ന് സംരക്ഷിക്കും.
പോസ്റ്റ് ഓഫീസ് എടിഎം കാർഡിന്റെ പ്രത്യേകതകൾ എന്തെല്ലം? നിങ്ങൾ തീർച്ചയായും അറിയേണ്ട കാര്യങ്ങൾ
എസ്ബിഐ ഇതര എടിഎം
എസ്ബിഐ ഇതര എടിഎമ്മുകളിൽ നിന്ന് പണം പിൻവലിക്കുന്നതിന് ഒടിപി നൽകേണ്ടതില്ല. 2019 സെപ്റ്റംബർ 30 ലെ കണക്കനുസരിച്ച് എസ്ബിഐക്ക് 30 ലക്ഷം കോടിയിലധികം നിക്ഷേപമാണുള്ളത്. ഇന്ത്യയിൽ 22,000 ത്തോളം ശാഖകളുള്ള ഏറ്റവും വലിയ ശൃംഖലയാണ് എസ്ബിഐയുടേത്. 58,500ലധികം എടിഎമ്മുകളാണ് എസ്ബിഐയ്ക്കുള്ളത്.
നിങ്ങൾ ഒരിയ്ക്കലും ആരുമായും പങ്കുവയ്ക്കാൻ പാടില്ലാത്ത ചില കാര്യങ്ങൾ, പറഞ്ഞാൽ പണികിട്ടും ഉറപ്പ്
എസ്ബിഐ
എസ്ബിഐ ഇന്റർനെറ്റ് ബാങ്കിംഗ് സേവനം ഉപയോഗിക്കുന്ന ഉപഭോക്താക്കളുടെ എണ്ണം 66 മില്യണും മൊബൈൽ ബാങ്കിംഗ് സേവനങ്ങൾ ഉപയോഗിക്കുന്നവരുടെ എണ്ണം 15 മില്യണിലധികവുമാണ്. ഫേസ്ബുക്ക്, യൂട്യൂബ്, ലിങ്ക്ഡ്ഇൻ, പിനെറെസ്റ്റ് എന്നിവയിൽ ഏറ്റവും കൂടുതൽ ഫോളോവേഴ്സ് ഉള്ളത് എസ്ബിഐയ്ക്കാണ്.
എടിഎം കാർഡുള്ള പലർക്കും അറിയില്ല ഈ സേവനത്തെക്കുറിച്ച്, ഇനി കാർഡ് നഷ്ട്ടപ്പെട്ടാലും കാശ് പോകില്ല