Click it and Unblock the Notifications
ഗൂഗിളിന്റെ സ്നേഹം ഏറ്റുവാങ്ങുന്ന 2 ഇന്ത്യൻ കമ്പനികള്; പണം ഒഴുകുന്നു; കാരണമിതാണ്
2020 ജൂണിലാണ് ഗൂഗിൾ ഇന്ത്യയ്ക്ക് അനുകൂലമായ വമ്പൻ പ്രഖ്യാപനവുമായി വന്നത്. ഇന്ത്യ ഡിജിറ്റലെസേഷൻ ഫണ്ടിന്റെ ഭാഗമായി 5-7 വർഷത്തിനുള്ളിൽ 10 ബില്യൺ ഡോളർ നിക്ഷേപിക്കുമെന്നായിരുന്നു പ്രഖ്യാപനം. വെറും വാക്കിലൊതുക്കാതെ ഗൂഗിൾ പ്രവർത്തിച്ച് തുടങ്ങി.
ഗൂഗിളിന്റെ ഈ നിക്ഷേപ സ്നേഹം ഏറ്റവും കൂടുതൽ ലഭിക്കുന്നത് ടെലികോം മേഖലയ്ക്കാണ്. രാജ്യത്തെ ടെലികോം മേഖലയിലെ ഒന്നാമനും രണ്ടാമനുമായി കോടി കണക്കിന് രൂപയാണ് ഗൂഗിൾ നിക്ഷേപിച്ചത്. ലോകോത്തര കമ്പനിയായ ഗൂഗിൾ ഇന്ത്യയിൽ നടത്തുന്ന നിക്ഷേപങ്ങൾക്ക് പിന്നിലൊരു കാരണമുണ്ട്. അത് എന്താണെന്ന് നോക്കാം.
ഗൂഗിളിന്റെ നിക്ഷേപങ്ങൾ
ഈ വര്ഷമാദ്യമാണ് ഗൂഗിള് എയർടെലിലെ നിക്ഷേപം പ്രഖ്യാപിച്ചത്. രാജ്യത്തെ രണ്ടാമത്തെ വലിയ ടെലികോം കമ്പനിയായ ഭാരതി എയര്ടെലില് 1 ബില്യണ് ഡോളറിന്റെ നിക്ഷേപമാണ് ഗൂഗില് പ്രഖ്യാപിച്ചത്. ജൂലായ് ആദ്യവാരമാണ് കോമ്പറ്റീഷന് കമ്മീഷന് ഓഫ് ഇന്ത്യ നിക്ഷേപത്തിന് അനുമതിയും നൽകി. എയര്ടെലിലെ ഓഹരികള്ക്കായി 700 മില്യണ് ഡോളറാണ് ഗൂഗിൾ മാറ്റിവെച്ചത്. ഇതോടെ 1.28 ശതമാനം എയർടെൽ ഓഹരികളുടെ ഉടമകളായി ഗൂഗിൾ മാറി.
ബാക്കി 300 മില്യണ് ഡോളർ ഇരു കമ്പനികൾക്കും സംയുക്തമായി നടത്താവുന്ന വാണിജ്യ ഇടപാടുകള്ക്കായാണ്. ജിയോയിൽ നടത്തിയ നിക്ഷേപം കേട്ടാൽ, എയർടെലിലേത് ചെറുത് എന്ന് തോന്നും. 2021 ൽ ഗൂഗിള് 4.5 ബില്യണ് ഡോളറിന്റെ നിക്ഷേപമാണ് റിലയൻസ് ജിയോയില് നടത്തിയത്. കമ്പനിയുടെ 7.7 ശതമാനം ഓഹരികൾ സ്വന്തമാക്കിയ ഗൂഗിൾ ജിയോയുടെ ഡയറക്ടർ ബോർഡിലും കസേരയിട്ടു.
ഗൂഗിളിന്റെ ലക്ഷ്യം
ഗൂഗിളിന്റെ ടെലികോം മേഖലയിലെ നിക്ഷേപങ്ങൾക്ക് പിന്നിൽ 2 ലക്ഷ്യങ്ങളാണുള്ളത്. രണ്ടും സാമ്പത്തിക ലക്ഷ്യങ്ങൾ തന്നെ. നിലവില് ഇന്ത്യയിലെ മൊബൈല് ഫോണ് മാര്ക്കറ്റിന്റെ 95 ശതമാനം ഭരിക്കുന്നതും ഗൂഗിളാണ്. ഗൂഗിളിന്റെ ആന്ഡ്രോയിംഗ് ഓപ്പറേറ്റിംഗ് സിറ്റം ഉപയോഗിക്കുന്ന മൊബൈൽ ഫോണാണ് ഇന്ത്യന് മൊബൈൽ ഫോണ് വിപണിയുടെ 95 ശതമാനവും. ഇന്ത്യൻ യുപിഐ പണമിടപാട് രംഗത്ത് രണ്ടാം സ്ഥാനം ഗൂഗിളിന്റെ പെയ്മെന്റ് ആപ്പായ ഗൂഗിൾ പ്ലേയ്ക്കാണ്. ഇക്കാരണങ്ങളാൽ ഗൂഗിളിന് ഇന്ത്യൻ വിപണിയിൽ കണ്ണുണ്ട്.
മൊബൈൽ ഫോൺ വിപണി
ഇന്ത്യയില് മൊബൈൽ ഫോൺ വിപണിയിൽ ആൻഡ്രോയ്ഡ് ഫോൺ ഉപയോഗിക്കാത്ത സാധാരണ ഫീച്ചർ ഫോൺ ഉപയോഗിക്കുന്ന 350 മില്യണ് ഉപഭോക്താക്കളുണ്ടെന്നാണ് കണക്ക്. ഗൂഗിളിന് എത്തിപ്പിടിക്കാൻ സാധിക്കാത്തവരാണ് ഈ 350 മില്യണ്. ഇവരെ ഗൂഗിൾ പ്ലാറ്റഫോമുകളിലേക്ക് എത്തിക്കുക എന്നതാണ് ഈ നിക്ഷേപങ്ങള്ക്ക് പിന്നിലെ ഒന്നാമത്തെ കാരണം.
റിലയന്സ് ജിയോ കരാർ പൂർത്തിയായതിന് പിന്നാലെ ഗൂഗിളും ജിയോയും ചേർന്ന് ജിയോ ഫോണ് നെകസ്റ്റ് എന്ന വില കുറഞ്ഞ 4ജി സ്മാര്ട്ട്ഫോണ് പുറത്തിറക്കിയിരുന്നു. മുകളിൽ സൂചിപ്പിച്ച 350 മില്യൺ ആൾക്കാരെ ഗൂഗിളിലേക്ക് എത്തിക്കുക എന്നതായിരുന്നു ഈ പദ്ധതിയുടെ ലക്ഷ്യം. ഇതേ രീതിയില് വില കുറഞ്ഞ് സ്മാര്ട്ട് ഫോണുകള് ഗൂഗിളും എയർടെലും ചേർന്ന് അവതരിപ്പിക്കുമെന്നാണ് സൂചന.
ഗൂഗിൽ ക്ലൗഡ്
ടെലികോം രംഗത്തിന് അപ്പുറം ഗൂഗിളിന്റെ രണ്ടാമത്തെ ലക്ഷ്യം ഗൂഗിള് ക്ലൗഡിന്റെ വിപണിയാണ്. ഇന്ത്യയില് വിപണിയിൽ ഗൂഗിൽ ക്ലൗഡ് മുന്നിലല്ല. ഇന്ത്യൻ ക്ലൗഡ് വിപണിയുടെ 10 തമാനം മാത്രമാണ് ഗൂഗിൽ ക്ലൗഡിനുള്ളത്. അതേസമയം എതിരാളികളായ ആമസോണ് എഡ്ബ്ലസുഎസിന്റെ വിപണി വിഹിതം 33 ശതമാനമാണ്. ഇന്ത്യയില് ക്ലൗഡ് വിപണിക്ക് 30 ശതമാനം വളര്ച്ചയാണ് 2022 ല് പ്രതീക്ഷിക്കുന്നത്. ഇതിലും ഗൂഗിളിന് കണ്ണുണ്ട്.
ഗൂഗിള് ജിയോ ഡീലിന്റെ ഭാഗമായി റിലയന്സ് തങ്ങളുടെ ബിസിനസുകള് ഗൂഗിള് ക്ലൗഡിലേക്ക് മാറ്റാന് സമ്മതിച്ചിരുന്നു. ഇതിന്റെ ഭാഹമായി റിലയന്സിന്റെ ഇ- കോമേഴ്സ് പദ്ധതിയായ ജിയോ മാര്ട്ടിനായി ഗൂഗിള് ക്ലൗഡാണ് ഉപയോഗിക്കുന്നത്. ഇത് ഗൂഗിളിന്റെ വരുമാനത്തില് 1 ബില്യണ് വര്ധനവാണ് വരുത്തുക എന്നാണ് വിദഗ്ദര് കരുതുന്നത്. ഇതേ രീതിയില് എയര്ടെലുമായും ഗൂഗിള് കാരാറിലെത്തുമെന്ന് പ്രതീക്ഷിക്കാം.
എന്നാൽ ഇവിടെ ശ്രദ്ധിക്കേണ്ട മറ്റൊരു കാര്യം, റിലസയന്സിന് മൈക്രോസോഫ്റ്റുമായി ക്ലൗഡ് ഉപയോഗത്തിന് 10 വര്ഷ കാരാർ നിലവിലുണ്ട്. 2019ലാണ് ഇത് ആരംഭിച്ചത്. എയര്ടെല് ആമസോണിന്റെ ക്ലൗഡ് സേവനമാണ് നിലവിൽ ഉപയോഗിക്കുന്നത്. 2020തിലാണ് എയർടെൽ ആമസോണുമായി കരാറിലെത്തിയത്. ഇതിനെ മറികടന്ന് എങ്ങനെ ഗൂഗിൾ ക്ലൗഡ് വിപണി പിടിക്കുമെന്നതാണ് കാണേണ്ടത്.
Sign in with Google