ദീപാവലി ദിവസം ഓഹരി വിപണിക്ക് അവധിയുണ്ടോ.? മുഹൂർത്ത വ്യാപാരം എപ്പോൾ..? അറിയാം വിശദമായി

ഇന്ന് ഒക്ടോബർ 20 തിങ്കളാഴ്ചയാണ്. രാജ്യം മുഴുവൻ ദീപാവലി ആഘോഷിക്കുന്ന ദിവസം. നിക്ഷേപകരെ സംബന്ധിച്ചും ദീപാവലി പുതിയ പ്രതീക്ഷയുടേതാണ്. എന്നാൽ ദീപാവലി ദിവസം ഓഹരി വിപണിക്ക് അവധിയുണ്ടോ..? സാധാരണ പോലെ രാവിലെ 9.30 മുതൽ വൈകുന്നേരം വരെയാണോ വിപണി സമയം..? ദീപീവലിയോട് അനുബന്ധിച്ച മുഹൂർത്ത വ്യാപാരം എപ്പോഴാണ്..? തുടങ്ങി നിരവധി സംശയങ്ങൾ ഉണ്ടാകും. നമുക്ക് വിശദമായി പരിശോധിക്കാം.

തിങ്കളാഴ്ച അവധിയുണ്ടോ..?

ദീപാവലി ദിവസമായി ഇന്ന് ഓഹരി വിപണിക്ക് അവധിയില്ല. സാധാരണപോലെ രാവിലെ 9.30 മുതൽ വൈകുന്നേരം 3.30 വരെ പ്രവർത്തിക്കും. നാളെ അതായത് ഒക്ടോബർ 21-ആം തീയ്യതിയാണ് മുഹൂർത്ത വ്യാപാരം. അന്ന് ഈ പ്രത്യേക ട്രേഡിങ് സെഷൻ ഒഴികെ ബാക്കി സമയം വിപണി പ്രവർത്തിക്കില്ല. ഒക്ടോബർ 23 ബുധനാഴ്ച്ച 'Diwali Balipratipada' പ്രമാണിച്ച് ഓഹരി വിപണിക്ക് അവധിയായിരിക്കും.

എന്താണ് മുഹൂർത്ത വ്യാപാരം..?

മുഹൂർത്ത വ്യാപാരം എന്നാൽ ദീപാവലി ദിവസത്തെ പ്രത്യേക ട്രേഡിംഗ് സെഷനാണ്. ഇതിലൂടെ പുതിയ സാമ്പത്തിക വർഷം ആരംഭിക്കുകയും ഭാഗ്യവും സമൃദ്ധിയും കൊണ്ടുവരുമെന്ന് വിശ്വസിക്കുകയും ചെയ്യുന്നു. ഈ സെഷൻ ഒരു മണിക്കൂറോളം നീണ്ടുനിൽക്കുകയും ഇന്ത്യൻ സ്റ്റോക്ക് എക്‌സ്‌ചേഞ്ചുകൾ ഇതിനായി തുറന്നിടുകയും ചെയ്യുന്നു. ഇത് "മുഹൂർത്തം" എന്ന വാക്കിന്റെ അർത്ഥമായ "മംഗളകരമായ സമയം" എന്നതിനെ സൂചിപ്പിക്കുന്നു. പുതിയ നിക്ഷേപങ്ങൾ ആരംഭിക്കാനും, നിലവിലുള്ള പോർട്ഫോളിയോ പുനഃക്രമീകരിക്കുന്നതിനും പല നിക്ഷേപരും മുഹൂർത്ത വ്യാപാര സമയം പ്രയോജനപ്പെടുത്തുന്നു.

മറ്റേതൊരു ട്രെഡിങ് ദിവസത്തെയും പോലെ തന്നെയാണ് മുഹൂർത്ത വ്യാപാരവും നടക്കുക. പക്ഷെ സമയം 1 മണിക്കൂറായി നിജപ്പെടുത്തിയിരിക്കുന്നു എന്നതാണ് വ്യത്യാസം. 2025 ഒക്ടോബർ 21 ചൊവ്വാഴ്ച്ച ഉച്ചയ്ക്ക് ശേഷം 1.45 മുതൽ 2.45 വരെയാണ് മുഹൂർത്ത വ്യാപാരം നടക്കുക. ഇതിൽ 1.30 മുതൽ 1.45 വരെയുള്ള സമയം പ്രീ-ഓപ്പൺ സെഷനാണ്.

7 ഓഹരി ശുപാർശ

മുഹൂർത്ത് വ്യാപാര ദിവസം വാങ്ങാനായി 5 ഓഹരികൾ ബ്രോക്കറേജ് സ്ഥാപനമായ കൊട്ടക് സെക്യൂരിറ്റീസ് ഏഴ് ഓഹരികൾ ലിസ്റ്റ് ചെയ്തു. അതിൽ അദാനി പോർട്ട്സ്, എറ്റേണൽ തുടങ്ങിയ നിരവധി ബ്ലൂ-ചിപ്പ് പേരുകളും ഉൾപ്പെടുന്നു.

1. അദാനി പോർട്ട്സ് | വാങ്ങുക | ലക്ഷ്യ വില: ₹ 1900

2. അക്യുട്ടാസ് കെമിക്കൽ | വാങ്ങുക | ലക്ഷ്യ വില: ₹ 1780

3. എറ്റേണൽ | വാങ്ങുക | ടാർഗെറ്റ് വില: ₹ 375

4. ഐസിഐസിഐ ബാങ്ക് | വാങ്ങുക | ലക്ഷ്യ വില: ₹ 1700

5. മഹീന്ദ്ര & മഹീന്ദ്ര | വാങ്ങുക | ലക്ഷ്യ വില: ₹ 4000

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.