കോൾ ഇന്ത്യ ഉൾപ്പെടെ 4 ഓഹരികൾ വാങ്ങാം, നേട്ടം ഉറപ്പെന്ന് ബ്രോക്കറേജ്, ടാർഗെറ്റ് വില അറിയാം

ഓഹരി വിപണിയിൽ പുതിയ ഉയരങ്ങൾ താണ്ടാൻ കഴിയുന്നുണ്ടെങ്കിലും ആ മുന്നേറ്റം അതേപടി നിലനിർത്താൻ സെൻസെക്സിനും നിഫ്റ്റിക്കും സാധിക്കുന്നില്ല. ജൂൺ മാസത്തെ അവസാന അവസാന ട്രേഡിംഗ് സെഷനിൽ സൂചികകൾ ചുവപ്പിലാണ് അവസാനിച്ചത്. സെൻസെക്‌സ് 210 പോയിൻ്റ് താഴ്ന്ന് 79,032.73ലും 50 ഓഹരി സൂചിക 24,010ലും എത്തി. സാമ്പത്തിക, ടെലികോം, ഇൻഫർമേഷൻ ടെക്നോളജി (ഐടി) മേഖലയിലെ ഓഹരികളിലെ ഇടിവാണ് ഈ മാന്ദ്യത്തിന് കാരണമായത്.

അതേസമയം എണ്ണ, വാതകം, ഉപഭോഗ ഇന്ധനങ്ങൾ, ആരോഗ്യ സംരക്ഷണ മേഖല എന്നിവ മികച്ച നേട്ടമുണ്ടാക്കി. ജൂലൈ മാസം വരാനിരിക്കുന്ന കേന്ദ്രജബറ്റ് വിപണിയുടെ വികാരത്തെ ബാധിക്കും. ആഭ്യന്തര ബ്രോക്കറേജ് സ്ഥാപനമായ ജെഎം ഫിനാൻഷ്യൽ ചില ഓഹരികൾ വാങ്ങാൻ ശുപാർശ ചെയ്യുന്നുണ്ട്. അവ ഏതൊക്കെ എന്ന് നോക്കാം.

1. ബന്ധൻ ബാങ്ക്

എൻഎസ്ഇയിൽ 204 രൂപയാണ് ബന്ധൻ ബാങ്ക് ഓഹരിയുടെ വില. കഴിഞ്ഞ ഒരു മാസത്തിനിടെ 6.4 ശതമാനം വളർച്ചയാണ് ഓഹരി നേടിയത്. അതേസമയം ആറ് മാസത്തിനിടെ 15 ശതമാനത്തിന്‍റെ ഇടിവ് ഓഹരി നേരിട്ടിട്ടുണ്ട്. 263.10 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 169.15 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

260 രൂപ ടാർഗെറ്റ് വില നിശ്ചയിച്ച് ബന്ധൻ ബാങ്ക് ഓഹരി വാങ്ങാമെന്നാണ് ജെഎം ഫിനാൻഷ്യലിന്‍റെ ശുപാർശ.

2. കോൾ ഇന്ത്യ

എൻഎസ്ഇയിൽ 473.50 രൂപയാണ് കോൾ ഇന്ത്യയുടെ ഓഹരി വില. കഴിഞ്ഞ ആറ് മാസത്തിനിടെ 25.93 ശതമാനം വളർച്ചയാണ് ഓഹരി നേടിയത്. ഒരു വർഷത്തിനിടെ 105 ശതമാനം മുന്നേറ്റമുണ്ടാക്കാനും ഓഹരിക്ക് സാധിച്ചു. 527.40 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 224.15 രൂപയാണ് ഏറ്റവും താഴ്ന്ന ഓഹരി വില.

540 രൂപ ലക്ഷ്യമാക്കി കോൾ ഇന്ത്യ ലിമിറ്റഡിൻ്റെ ഓഹരികളിൽ ജെഎം ഫിനാൻഷ്യൽ 'ബൈ' കോൾ നിലനിർത്തി.

3. ശിവാലിക് ബിമെറ്റൽ കൺട്രോൾസ് ലിമിറ്റഡ് (എസ്.ബി.സി.എൽ)

582.85 രൂപയാണ് നിലവിൽ ശിവാലിക് ബിമെറ്റൽ കൺട്രോൾസ് ലിമിറ്റഡിൻ്റെ ഓഹരി വില. കഴിഞ്ഞ ഒരു മാസത്തിനിടെ 16.76 ശതമാനവും ആറ് മാസത്തിനിടെ 5.87 ശതമാനവും നേട്ടമുണ്ടാക്കാൻ ഓഹരിക്ക് സാധിച്ചു. 750 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില.

ശിവാലിക് ബിമെറ്റൽ കൺട്രോൾസ് ലിമിറ്റഡിൻ്റെ (എസ്ബിസിഎൽ) ഓഹരികൾ അടുത്ത 12 മാസത്തിനുള്ളിൽ 730 രൂപ ലക്ഷ്യമാക്കി വാങ്ങാൻ ജെഎം ഫിനാൻഷ്യൽ ശുപാർശ ചെയ്യുന്നു.

4. ഡോ റെഡ്ഡീസ് ലാബ്സ്

6400 രൂപയാണ് ഫാർമ മേഖലയിലെ പ്രമുഖരായ ഡോ.റെഡ്ഡീസ് ലബോറട്ടറീസ് ഓഹരിയുടെ വില. കഴിഞ്ഞ ഒരു മാസത്തിനിടെ 6.65 ശതമാനം വളർച്ചയാണ് ഓഹരി നേടിയത്. ആറ് മാസത്തിനിടെ 11 ശതമാനം നേട്ടമുണ്ടാക്കാനും ഓഹരിക്ക് സാധിച്ചു. 6505.90 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 5004.35 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

7,390 രൂപ ലക്ഷ്യത്തോടെ ഡോ റെഡ്ഡീസ് ലാബ്സ് ഓഹരി വാങ്ങാമെന്നാണ് ജെഎം ഫിനാൻഷ്യൽ ശുപാർശ.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.