ദില്ലി: ഫാസ്ടാഗ് നിര്ബന്ധമാക്കിക്കൊണ്ടുള്ള ഉത്തരവ് നീട്ടി കേന്ദ്ര ഗതാഗത മന്ത്രാലയം. ഫെബ്രുവരി 15 മുതലാവും ഫാസ് ടാഗ് നിർബന്ധമാക്കുക. നേരത്തെ നാഷണൽ ഹൈവേ അതോറിറ്റി ഓഫ് ഇന്ത്യ (എൻഎഎഐഐ) ടോളുകളിലെ പണമിടപാട് ജനുവരി ഒന്നു മുതല് പൂർണമായും ഫാസ്ടാഗിലേക്ക് മാറ്റുമെന്ന് പ്രഖ്യാപിച്ചിരുന്നു. നിലവില് 75 ശതമാനം മുതല് 80 ശതമാനം വരെ മാത്രമാണ് ഫാസ്ടാഗ് ഉപയോഗിച്ചുള്ള ഇടപാടുകള് നടക്കുന്നത്. ഇത് 100 ശതമാനമാക്കി മാറ്റുക എന്ന ലക്ഷ്യത്തിലാണ് പുതിയ ഉത്തരവ്.
ടോള് പ്ലാസയില് നേരിട്ടുള്ള പണമിപാട് നല്കാതെ അക്കൗണ്ട് വഴി ഓട്ടോമാറ്റിക്കായി പണം നല്കുന്ന സംവിധാനമാണ് ഫാസ് ടാഗ്. ടോൾ പ്ലാസയിലെ പണമിടപാടുകൾ നിരുത്സാഹപ്പെടുത്തുന്നതിനായി, ഓരോ വശത്തും ഒരെണ്ണം ഒഴികെയുള്ള എല്ലാ പാതകളും "ഫാസ്റ്റ് ടാഗ് പാതകൾ" എന്നായി മാറ്റിയിരുന്നു. അതോടെ നിലവില് ഫാസ് ടാഗ് ഇല്ലാതെയുള്ല വാഹനങ്ങള്ക്ക് ടോള് പ്ലാസയിലെ ഈ ഒരു ലൈനിലൂടെ മാത്രമേ കടന്നു പോകുവാന് സാധിക്കൂ. കൂടാതെ ഫാസ്റ്റ് ടാഗ് ഇല്ലാതെ മറ്റു പാതകളിലേക്ക് പ്രവേശിക്കുന്ന ഏത് വാഹനവും സാധാരണ ടോൾ ഫീസിന്റെ ഇരട്ടി നൽകേണ്ടിയും വരും.
സമയലാഭം, ഇന്ധന ലാഭം തുടങ്ങിയവ ഫാസ്ടാഗ് ഉപയോഗം വഴി ഉറപ്പു വരുത്താം. ടോള് നല്കുന്നതിനായള്ല ക്യൂ പരമാവധി ഒഴിവാക്കുവാന് ഇതുവഴി സാധിക്കും. രാജ്യത്തെ എല്ലാ ടോള് പാതകളിലും ടോള് പിരിവിന് ഉപയോഗിക്കുവാന് സാധിക്കുന്ന ഏകീകൃത സംവിധാനമാണിത്. ടോള് പ്ലാസകളില് നിന്നും തിരഞ്ഞെടുത്ത ബാങ്ക് ശാഖകളില് നിന്നും ഫാസ് ടാഗ് വാങ്ങാം
പിപിഎഫ്, സുകന്യ സമൃദ്ധി, മറ്റ് ചെറുകിട നിക്ഷേപ പദ്ധതികൾ എന്നിവയുടെ ഏറ്റവും പുതിയ പലിശ നിരക്ക്
പത്ത് വിജയ് മല്യയുടെ ബാധ്യത! അനില് അംബാനി വന് കുടുക്കില്... മൂന്ന് കമ്പനികളില് ബാങ്ക് തട്ടിപ്പ്