5 ടാറ്റ ഓഹരികൾ, ഒരു വർഷത്തെ ലാഭം 70 ശതമാനം വരെ, കുതിപ്പ് തുടരാൻ സാധ്യത, കൂടെക്കൂട്ടുന്നോ..?

നിക്ഷേപകർ ആത്മവിശ്വാസത്തോടെ പണമിറക്കുന്ന ഓഹരികളിലൊന്നാണ് ടാറ്റ ഗ്രൂപ്പ് ഓഹരികൾ. വിപണിയിലെ മികച്ച ടാറ്റ ഓഹരികളും മികച്ച ലാഭം നിക്ഷേപകർക്ക് നൽകിയിട്ടുണ്ട്. കഴിഞ്ഞ ഒരു വർഷത്തിനിടെ 70 ശതമാനം വരെ റിട്ടേൺ നൽകിയ അഞ്ച് ടാറ്റ ഗ്രൂപ്പ് ഓഹരികളുടെ വിശദാംശങ്ങൾ നമുക്ക് പരിശോധിക്കാം.

1. ടാറ്റ പവർ കമ്പനി ലിമിറ്റഡ്

പുനരുൽപ്പാദിപ്പിക്കാവുന്നതും പരമ്പരാഗതവുമായ ഊർജ്ജ ഉൽപ്പാദനം മുതൽ ട്രാൻസ്മിഷൻ, ഡിസ്ട്രിബ്യൂഷൻ, ട്രേഡിംഗ്, സ്റ്റോറേജ് സൊല്യൂഷനുകൾ, സോളാർ സെല്ലുകൾ എന്നിവയിൽ കമ്പനി ബിസിനസ് നടത്തുന്നു.

എൻഎസ്ഇയിൽ 434.05 രൂപ എന്നതാണ് ഓഹരി വില. കഴിഞ്ഞ ആറ് മാസത്തിനിടെ 10.8 ശതമാനം വളർച്ച നേടാൻ ഓഹരിക്ക് സാധിച്ചു. 31.41 ശതമാനം വളർച്ചയാണ് 2024-ൽ ഇതുവരെ ഓഹരി നേടിയത്. ടാറ്റ ഗ്രൂപ്പ് ഓഹരി ഒരു വർഷത്തിനുള്ളിൽ 70 ശതമാനം റിട്ടേൺ നൽകി. കഴിഞ്ഞ മൂന്ന് വർഷത്തിനുള്ളിൽ 224.09 ശതമാനം നേട്ടമുണ്ടാക്കാനും ഓഹരിക്ക് സാധിച്ചു.

2. ടാറ്റ സ്റ്റീൽ ലിമിറ്റഡ്

ടാറ്റ ഗ്രൂപ്പിന് കീഴിലുള്ള ബഹുരാഷ്ട്ര സ്റ്റീൽ നിർമ്മാണ കമ്പനിയാണ് ടാറ്റ സ്റ്റീൽ. ബിഎസ്ഇ അനലിറ്റിക്‌സ് അനുസരിച്ച് ഈ ടാറ്റ ഓഹരി കഴിഞ്ഞ ഒരു വർഷത്തിൽ 19.67 ശതമാനം നേട്ടമുണ്ടാക്കുകയും കഴിഞ്ഞ അഞ്ച് വർഷത്തിനുള്ളിൽ 358.96 ശതമാനം മൾട്ടിബാഗർ റിട്ടേൺ നൽകുകയും ചെയ്‌തു. ചൊവ്വാഴ്ച, ടാറ്റ സ്റ്റീൽ ഓഹരികൾ 0.49 ശതമാനം ഇടിഞ്ഞ് 152.10 രൂപയിലാണ് ക്ലോസ് ചെയ്തത്. 184.60 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില.

 

3. ഇന്ത്യൻ ഹോട്ടൽസ് കമ്പനി ലിമിറ്റഡ്

ഹോട്ടലുകൾ, റിസോർട്ടുകൾ, ജംഗിൾ സഫാരികൾ, കൊട്ടാരങ്ങൾ, സ്പാകൾ, ഇൻ-ഫ്ലൈറ്റ് കാറ്ററിംഗ് സേവനങ്ങൾ എന്നിവയുടെ ഒരു പോർട്ട്ഫോളിയോ കൈകാര്യം ചെയ്യുന്ന ഒരു ഇന്ത്യൻ ഹോസ്പിറ്റാലിറ്റി കമ്പനിയാണ് ഇന്ത്യൻ ഹോട്ടൽസ് കമ്പനി ലിമിറ്റഡ്.

എൻഎസ്ഇയിൽ 660 രൂപ എന്നതാണ് ഓഹരി വില. 2024-ൽ ഇതുവരെ 51.34 ശതമാനം വളർച്ച നേടാൻ ഓഹരിക്ക് സാധിച്ചു. 56.83 ശതമാനം വളർച്ചയാണ് ഒരു വർഷത്തിനിടെ ടാറ്റ ഓഹരി നേടിയത്. 671.70 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില.

4. ടാറ്റ ടെലിസർവീസസ് (മഹാരാഷ്ട്ര) ലിമിറ്റഡ്

വയർഡ്, വയർലെസ് ടെലികമ്മ്യൂണിക്കേഷൻ പ്രവർത്തനങ്ങളിൽ ഏർപ്പെട്ടിരിക്കുന്നു, കൂടാതെ മഹാരാഷ്ട്രയിലും ഗോവയിലും ഇൻറർനെറ്റ് സേവനദാതാവിൻ്റെ വിഭാഗത്തിലും ആക്‌സസ് സർവീസ് ഓതറൈസേഷനോടുകൂടിയ ഏകീകൃത ലൈസൻസും ഉണ്ട്.

എൻഎസ്ഇയിൽ 95.18 രൂപ എന്നതാണ് നിലവിലെ ഓഹരി വില. ആറ് മാസത്തിനിടെ 9.84 ശതമാനവും ഒരു വർഷത്തിനിടെ 9 ശതമാനവും വളർച്ച നേടാൻ ഓഹരിക്ക് സാധിച്ചു. കഴിഞ്ഞ അഞ്ച് വർഷത്തിനിടെ 3,632.55 ശതമാനം വളർച്ചയാണ് ഓഹരി നേടിയത്. 111.40 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില.

5. റാലിസ് ഇന്ത്യ ലിമിറ്റഡ്

ടാറ്റ കെമിക്കൽസിൻ്റെ ഒരു ഉപസ്ഥാപനമാണ് റാലിസ് ഇന്ത്യ. എൻഎസ്ഇയിൽ 341.60 രൂപ എന്നതാണ് നിലവിലെ ഓഹരി വില. ആറ് മാസത്തിനിടെ 30.31 ശതമാനം വളർച്ചയാണ് ഓഹരി നേടിയത്. ഒരു വർഷത്തിനിടെ 46.48 ശതമാനം വളർച്ച നേടാനും ഓഹരിക്ക് സാധിച്ചു.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.