മാരുതി മുതൽ ഓഡി വരെ, ജനുവരി 1 മുതൽ വില കൂടുന്ന കാറുകൾ ഏതെല്ലാം?

ജനുവരി ഒന്ന് മുതൽ ഇന്ത്യയിലെ വാഹന കമ്പനികൾ വില ഉയർത്താൻ തീരുമാനിച്ചിരിക്കുകയാണ്. മാരുതി സുസുക്കി, ടാറ്റ മോട്ടോഴ്‌സ് മുതൽ ബി‌എം‌ഡബ്ല്യു വരെ മിക്കവാറും എല്ലാ പ്രമുഖ കാർ നിർമാതാക്കളും വിലവർദ്ധനവ് പ്രഖ്യാപിച്ചു. വർദ്ധിച്ച നി‌ർമ്മാണ ചെലവുകളെയും ബി‌എസ് 6 മാനദണ്ഡങ്ങളിലേക്കുള്ള മാറ്റത്തെയും തുട‍ർന്നാണ് വില വ‍ർദ്ധനവ്. വിലവർദ്ധനവ് പ്രഖ്യാപിച്ച കാർ നിർമ്മാതാക്കൾ താഴെ പറയുന്നവാണ്.

മാരുതി സുസുക്കി

ഇന്ത്യയിലെ ഏറ്റവും വലിയ വാഹന നിർമാതാക്കളായ മാരുതി 2021 ജനുവരി മുതൽ വാഹനങ്ങളുടെ വില വർദ്ധിപ്പിക്കുമെന്ന് പ്രഖ്യാപിച്ചു. വ്യത്യസ്ത മോഡലുകളിൽ വില വർദ്ധനവ് വ്യത്യാസപ്പെടുമെന്നും കമ്പനി പ്രസ്താവനയിൽ പറഞ്ഞു.

മഹീന്ദ്ര ആൻഡ് മഹീന്ദ്ര

മോഡലുകളിലുടനീളമുള്ള പാസഞ്ചർ, വാണിജ്യ വാഹനങ്ങളുടെ ശ്രേണിയിലുള്ള വാഹനങ്ങളുടെ വില വർദ്ധിപ്പിക്കുമെന്ന് എം ആൻഡ് എം കഴിഞ്ഞ ആഴ്ച പ്രഖ്യാപിച്ചിരുന്നു. ചരക്കുകളുടെ വിലയിലുണ്ടായ വർധനയും മറ്റ് ഇൻപുട്ട് ചെലവുകളും കാരണം വില വ‍ർദ്ധന അനിവാര്യമാണെന്ന് കമ്പനി പ്രസ്താവനയിൽ പറഞ്ഞു.

ഹ്യുണ്ടായ്

ഇൻപുട്ടിന്റെയും മെറ്റീരിയൽ ചെലവുകളുടെയും വർദ്ധനവ് ചൂണ്ടിക്കാട്ടി ഹ്യുണ്ടായിയും വാഹനങ്ങളുടെ വില വർധിപ്പിക്കും. വിലക്കയറ്റം 2021 ജനുവരി മുതൽ പ്രാബല്യത്തിൽ വരുമ്പോൾ വർദ്ധനവിന്റെ അളവ് മോഡ്, ഇന്ധന തരം, ഏത് വേരിയന്റ് എന്നിവയെ ആശ്രയിച്ച് വിലയിൽ മാറ്റമുണ്ടാകും.

ടാറ്റ മോട്ടോഴ്‌സ്

എല്ലാ കാർ നിർമാതാക്കളും ബോർഡിലുടനീളം വിലവർദ്ധനവ് നടത്തുമ്പോൾ, ടാറ്റാ മോട്ടോഴ്‌സ് 2021 ജനുവരി 1 മുതൽ വാണിജ്യ വാഹന ശ്രേണിയിൽ മാത്രം വില വർദ്ധിപ്പിക്കുമെന്ന് തിങ്കളാഴ്ച പ്രഖ്യാപിച്ചു.

റെനോ ഇന്ത്യ

ഡസ്റ്റർ, ക്വിഡ് എന്നിവ വിൽക്കുന്ന റിനോ ഇന്ത്യ എല്ലാ ഉൽപ്പന്നങ്ങളുടെയും വില ജനുവരി മുതൽ 28,000 രൂപ വരെ വർദ്ധിപ്പിക്കും.

ഫോർഡ് ഇന്ത്യ

ജനുവരി മുതൽ തങ്ങളുടെ വാഹനങ്ങളുടെ വില 3 ശതമാനം വരെ വർധിപ്പിക്കുമെന്ന് ഫോർഡ് ഇന്ത്യയും കഴിഞ്ഞ ആഴ്ച വ്യക്തമാക്കിയിരുന്നു. മോഡലിനെ ആശ്രയിച്ച് 1-3% വർദ്ധനവ് അഥവാ 5,000 മുതൽ 35,000 രൂപ വരെ വർദ്ധിക്കും.

ഓഡി

ജനുവരി 1 മുതൽ എല്ലാ മോഡലുകളുടെയും വില വ‍ർദ്ധിപ്പിക്കിമെന്ന് ആഡംബര കാർ നിർമാതാക്കളായ ഓഡി വ്യക്തമാക്കിയിരുന്നു. എല്ലാ മോഡലുകളുടെയും വില 2 ശതമാനം വരെ ഉയർത്തുമെന്നാണ് കമ്പനി പ്രഖ്യാപിച്ചിരിക്കുന്നത്.