ഒരു വർഷത്തിനുള്ളിൽ 850% റിട്ടേൺ നൽകിയ മൾട്ടിബാഗറുകൾ; ഈ ഓഹരികൾ വാങ്ങാൻ പ്ലാനുണ്ടോ?

Ace സോഫ്റ്റ്‌വെയർ എക്സ്പോർട്സ് ലിമിറ്റഡ് അതിൻ്റെ ബിസിനസ് പോർട്ട്‌ഫോളിയോയിൽ വലിയ മാറ്റങ്ങൾ സൃഷ്ടിക്കാൻ ഒരുങ്ങുന്നു. ഈ മാസം 16നായിരുന്നു ഔദ്യോ​ഗികമായി ഈ വിവരം പ്രഖ്യാപിച്ചത്. രണ്ട് പ്രധാന ഓഹരികളാണ് കമ്പനി ഏറ്റെടുത്തിരിക്കുന്നത്. QeCAD സ്റ്റുഡിയോ LLP, QeNomy ഡിജിറ്റൽ LLP എന്നിവയിൽ Ace സോഫ്റ്റ്‌വെയർ എക്സ്പോർട്സ് ഇപ്പോൾ 100 ശതമാനം പങ്കാളിത്ത ഓഹരികൾ സ്വന്തമാക്കിയിരിക്കുന്നു. ഇത് കമ്പനിയുടെ വളർച്ചയുടെ സുപ്രധാന വഴിത്തിരിവാകാൻ സാധ്യതയുണ്ട്.

ഈ രണ്ട് കമ്പനികളും ഏതാണ്? എന്താണ് പ്രത്യേകത? ഈ വിവരങ്ങൾ വിശദമായി അറിയാം.

QeCAD സ്റ്റുഡിയോ LLP

2023-ൽ സ്ഥാപിതമായ ആർക്കിടെക്ചറൽ CAD, BIM എന്നിവയിൽ വൈദഗ്ദ്ധ്യം നേടിയിട്ടുണ്ട്. 2023-24 സാമ്പത്തിക വർഷത്തിൽ 295.70 ലക്ഷം രൂപയുടെ വിറ്റുവരവോടെ QeCAD മികച്ച സേവനമാണ് ഉപഭോക്താക്കൾക്ക് വേണ്ടി നൽകിയത്. 

ഇവിടെ Ace സോഫ്റ്റ്‌വെയർ എക്സ്പോർട്സ് 2,86,34,400 രൂപയ്ക്ക് QeCADന്റെ ബാക്കി 60 ശതമാനം പങ്കാളിത്ത ഓഹരി സ്വന്തമാക്കുകയും സ്ഥാപനത്തിൻ്റെ ഉടമസ്ഥാവകാശം പൂർത്തിയാക്കുകയും ചെയ്തു.

QeNomy ഡിജിറ്റൽ LLP

2017ൽ ആരംഭിച്ച വിവര സാങ്കേതിക മേഖലയിൽ പ്രവർത്തിക്കുന്ന സ്ഥാപനമാണ് QeNomy ഡിജിറ്റൽ LLP. വെബ്/സോഫ്റ്റ്‌വെയർ വികസനം, മൊബൈൽ ആപ്ലിക്കേഷനുകൾ, ഡിജിറ്റൽ മാർക്കറ്റിംഗ്, അനുബന്ധ ഐടി സേവനങ്ങൾ എന്നീ സേവനങ്ങൾ ഇതിലൂടെ നൽകുന്നു. ആഗോള ഉപഭോക്താക്കൾക്ക് സേവനം നൽകുന്ന QeRetail, QeClick, QeInbox, CameraReadyArt എന്നീ നാല് വ്യത്യസ്ത ബ്രാൻഡുകളിലൂടെയാണ് ഈ സ്ഥാപനം പ്രവർത്തിക്കുന്നത്.

കണക്ക് പ്രകാരം കമ്പനിയ്ക്ക് ഒരു സ്ഥിരമായ വളർച്ച കൈവരിക്കാൻ സാധിച്ചിട്ടുണ്ട്. 2024 സാമ്പത്തിക വർഷത്തിൽ കമ്പനിയുടെ വിറ്റുവരവ് 1328.83 ലക്ഷം രൂപയിലെത്തിയിരുന്നു. Ace സോഫ്റ്റ്‌വെയർ എക്സ്പോർട്സ് ഈ സ്ഥാപനത്തിന്റെ ശേഷിക്കുന്ന 60 ശതമാനം ഓഹരികളാണ് സ്വന്തമാക്കിയത്. അതായത് 14,44,52,400 രൂപയ്ക്കാണ് ഓഹരികൾ വാങ്ങിയത്.

Ace സോഫ്റ്റ്‌വെയർ എക്സ്പോർട്സ് ലിമിറ്റഡ്

1994-ൽ സ്ഥാപിതമായ ഡാറ്റാബേസ് മാനേജ്മെന്റ് കമ്പനിയാണ് Ace സോഫ്റ്റ്‌വെയർ എക്സ്പോർട്സ് ലിമിറ്റഡ്. കമ്പനി അതിൻ്റെ ഉപഭോക്താക്കൾക്ക് ഡോക്യുമെൻ്റ് മാനേജ്മെൻ്റ്, ഡിജിറ്റൽ പബ്ലിഷിംഗ്, ഡാറ്റ കൺവേർഷൻ, ടെക്നോളജിക്കൽ സൊല്യൂഷനുകൾ എന്നീ സേവനങ്ങൾ ഉറപ്പ് നൽകുന്നുണ്ട്.

Ace സോഫ്റ്റ്‌വെയർ എക്സ്പോർട്സ് ലിമിറ്റഡിന് നിലവിൽ 201 കോടി രൂപ വിപണി മൂലധനമുണ്ട്. അതിൻ്റെ ഓഹരി വില 314 രൂപയാണ്. 52 ആഴ്‌ചയിലെ കണക്ക് അനുസരിച്ച് ഈ ഓഹരിയുടെ ഉയർന്ന വില 346 രൂപയും താഴ്ന്ന വില 33.7 രൂപയുമാണ്. ഇത് 34.7x എന്ന PE അനുപാതത്തിലാണ് വ്യാപാരം നടക്കുന്നത്. എന്നാൽ വ്യവസായ വില-വരുമാന (PE) അനുപാതം 40.6x ആണ്. ഇതിന്റെ ബുക്ക് വാല്യൂ 24.7 രൂപയാണ്.

ഈ കമ്പനിയുടെ ഓഹരി വില മൾട്ടിബാ​ഗർ റിട്ടേൺ നൽകിയിട്ടുണ്ട്. അതായത് കഴിഞ്ഞ ഒരു വർഷത്തിനിടെ 848 ശതമാനം വരുമാനമാണ് നൽകിയത്. 52 ആഴ്‌ചയിലെ ഏറ്റവും താഴ്ന്ന നിരക്കായ 33.7 രൂപയിൽ നിന്ന് ഇന്നത്തെ വിലയായ 313.60 രൂപ വരെ, ഈ ഓഹരി 931 ശതമാനം മൾട്ടിബാഗർ റിട്ടേൺ നൽകി.

രണ്ട് കമ്പനികളുടെ ഓഹരികൾ വാങ്ങിയതോടെ മൊത്തം നേട്ടം

• രണ്ട് കമ്പനിയുടെ ഓഹരികൾ വാങ്ങിയതിന് 17,30,86,800 രൂപ നൽകി.

• രജിസ്ട്രേഷൻ ആവശ്യങ്ങൾക്കായി പ്രമോട്ടറായ അമിത് മൻസുഖ്‌ലാൽ മേത്തയ്ക്ക് ഓരോ LLP-യിലും 1 ശതമാനം പലിശയുണ്ട്. പക്ഷേ ഈ കമ്പനികളുടെ പൂർണ്ണമായ ഉടമസ്ഥാവകാശം Ace സോഫ്റ്റ്‌വെയർ എക്സ്പോർട്സ് ലിമിറ്റഡിനായിരുന്നു.