320 ശതമാനം വളർച്ച, എന്നാൽ ഈ ഫാർമ ഓഹരി ഇനി 25 ശതമാനം ഇടിയും, നിങ്ങളുടെ കയ്യിലുണ്ടോ..?

ആഗോള ഗവേഷണ- നിയന്ത്രിത ഫാര്‍മ കമ്പനിയാണ് ഗ്ലെൻമാർക്ക് ഫാർമസ്യൂട്ടിക്കൽസ്. ശ്വസന, ഡെര്‍മറ്റോളജി, ഓങ്കോളജി മേഖലകളില്‍ കമ്പനിക്ക് വൈദഗ്ധ്യമുണ്ട്. അഞ്ച് ഭൂഖണ്ഡങ്ങളിലായി 80 -ലധികം രാജ്യങ്ങളില്‍ പ്രവര്‍ത്തിക്കുന്നു. യുഎസ് അനുബന്ധ സ്ഥാപനം വഴി കാന്‍സര്‍ ചികിത്സയിലും പ്രവര്‍ത്തിക്കുന്നു. കഴിഞ്ഞ അഞ്ച് വർഷത്തിനിടെ 325 ശതമാനത്തോളം വളർച്ച നേടാൻ ഓഹരിക്ക് സാധിച്ചു. എന്നാൽ വരും നാളുകളിൽ ഗ്ലെൻമാർക്ക് ഫാർമസ്യൂട്ടിക്കൽസ് ഓഹരി താഴേക്ക് വീഴുമെന്നാണ് ബ്രോക്കറേജ് സ്ഥാപനമായ നോമുറ പറയുന്നത്. ഓഹരിയിൽ ബ്രോക്കറേജ് സ്ഥാപനം 'ന്യൂട്രൽ' റേറ്റിംഗ് നിലനിർത്തുകയാണ്. എന്താണ് ബ്രോക്കറേജ് സ്ഥാപനം പറയുന്നത്. നമുക്ക് വിശദമായി പരിശോധിക്കാം.

പുതിയ കരാറുകൾ

2025 സെപ്റ്റംബർ 24 ന്, ഹോങ്കോംഗ് ആസ്ഥാനമായുള്ള ഫാർമ സ്ഥാപനമായ ഹെൻഗ്രൂയി ഫാർമയുമായി ഓങ്കോളജി എഡിസി (ആന്റിബോഡി ഡ്രഗ് കൺജഗേറ്റ്) മരുന്നായ ട്രാസ്റ്റുസുമാബ് റെസെറ്റെക്കന് വേണ്ടി ഗ്ലെൻമാർക്ക് ഫാർമ ഒരു ഇൻ-ലൈസൻസിംഗ് കരാർ പ്രഖ്യാപിച്ചിരുന്നു. ഗ്ലെൻമാർക്ക് ഫാർമ ഒരു ബ്രാൻഡഡ്, പേറ്റന്റ് ചെയ്ത മരുന്ന് പോർട്ട്‌ഫോളിയോ നിർമ്മിക്കാൻ ആഗ്രഹിക്കുന്നു, ഇൻ-ലൈസൻസിംഗ്ല ഇതിന്‍റെ ഭാഗമാണ്. അതിനായി, ഗ്ലെൻമാർക്ക് കഴിഞ്ഞ രണ്ട് വർഷത്തിനിടെ ആറ് ഉൽപ്പന്നങ്ങൾക്ക് ഇൻ-ലൈസൻസി നൽകിയിട്ടുണ്ട്. അതിൽ ചൈനീസ് കമ്പനികളായ BeOne, Jiangsu Aplhamab, ഇപ്പോൾ Hengrui എന്നിവയിൽ നിന്നുള്ള ഇൻ-ലൈസൻസിംഗും ഉൾപ്പെടുന്നു.

നോമുറയുടെ അഭിപ്രായത്തിൽ, ഗ്ലെൻമാർക്ക് ഫാർമ 2029 സാമ്പത്തിക വർഷത്തിൽ ട്രസ്റ്റുസുമാബ് റെസെറ്റെകാൻ പുറത്തിറക്കാൻ സാധ്യതയുണ്ട്. വിൽപ്പന 250 മില്യൺ ഡോളറിലെത്താം. ക്ലിനിക്കൽ പരീക്ഷണങ്ങൾക്കും രജിസ്ട്രേഷനും മൂന്ന് വർഷം എടുക്കും. അതുകൊണ്ടാണ് 2029 സാമ്പത്തിക വർഷത്തിൽ ഉൽപ്പന്നം പുറത്തിറക്കുമെന്ന് നോമുറ പ്രതീക്ഷിക്കുന്നത്.

"ട്രസ്റ്റുസുമാബ് റെസെറ്റെകാൻ വാണിജ്യാടിസ്ഥാനത്തിൽ ആരംഭിക്കുന്നതുവരെ വികസിപ്പിക്കുന്നതിൽ ഗ്ലെൻമാർക്ക് 60 മില്യൺ ഡോളർ വരെ നിക്ഷേപം നടത്തുമെന്ന് ഞങ്ങൾ കണക്കാക്കുന്നു. ഇതിൽ 18 മില്യൺ ഡോളർ മുൻകൂർ പേയ്‌മെന്റ്, 20 മില്യൺ ഡോളർ പ്രീ-അപ്രൂവൽ മൈൽസ്റ്റോൺ പേഔട്ട്, ക്ലിനിക്കൽ വികസനത്തിൽ 20 മില്യൺ ഡോളർ അധികമായി എന്നിവ ഉൾപ്പെടുന്നു," നോമുറ പറഞ്ഞു. ലൈസൻസിംഗ് കരാർ പ്രകാരം മൈൽസ്റ്റോൺ പേഔട്ട് 1.1 ബില്യൺ ഡോളർ വരെയാകാം. എന്നാൽ അതിന് സാധ്യതയില്ലെന്നാണ് ബ്രോക്കറേജ് വിലയിരുത്തുന്നത്.

നഷ്ടം 25 ശതമാനം

എൻഎസ്ഇയിൽ 2048 രൂപ എന്നതാണ് നിലവിൽ ഗ്ലെൻമാർക്ക് ഓഹരിയുടെ വില. കഴിഞ്ഞ അഞ്ച് ദിവസത്തിനിടെ 2.9 ശതമാനം നഷ്ടം ഓഹരി നേരിട്ടു. എന്നാൽ ഒരുമാസത്തെ പ്രകടനം പരിശോധിച്ചാൽ 4.7 ശതമാനം നേട്ടമുണ്ടാക്കാൻ ഫാർമ ഓഹരിക്ക് സാധിച്ചിട്ടുണ്ടെന്ന് കാണാം. 38 ശതമാനമാണ് ആറ് മാസത്തെ വളർച്ച.
2,284.80 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 1,275.50 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

ഗ്ലെൻമാർക്ക് ഫാർമസ്യൂട്ടിക്കൽസിൽ നോമുറ 'ന്യൂട്രൽ' റേറ്റിംഗ് നിലനിർത്തി. 1,500 രൂപയാണ് ടാർഗെറ്റ് വില. ഇത് നിലവിലെ വിപണി വിലയേക്കാൾ 25 ശതമാനം കുറവിനെ സൂചിപ്പിക്കുന്നു.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.