1 വർഷത്തിനുള്ളിൽ 183% ലാഭം, 2024-ൽ ഇതുവരെ 111% വളർച്ച, സൊമാറ്റോ ഓഹരി ഇപ്പോൾ വാങ്ങാം

സൊമാറ്റോ എന്ന പേര് നിക്ഷേപകർക്ക് പ്രത്യേകം പരിജയപ്പെടുത്തേണ്ട ആവശ്യമില്ല. മൾട്ടിബാഗർ റിട്ടേൺ നൽകിയ ഓഹരിയാണ് സൊമാറ്റൊ. വയറും കീശയും നിറച്ച ഓഹരി. ഗ്ലോബൽ ബ്രോക്കറേജ് സ്ഥാപനമായ മോർഗൻ സ്റ്റാൻലി ഉൾപ്പെടെയുള്ള ബ്രോക്കറേജ് സ്ഥാപനങ്ങളെല്ലാം സൊമാറ്റോ ഓഹരിയിൽ ബുള്ളിഷാണ്. ഓഹരി വരും ദിവസങ്ങളിലും കൂടുതൽ മുന്നേറാനുള്ള സാധ്യതയുണ്ടെന്നാണ് വിലയിരുത്തൽ.

ഓഹരി വിപണിലെ പ്രകടനം

എൻഎസ്ഇയിൽ 264.75 രൂപ എന്നതാണ് നിലവിൽ സൊമാറ്റോ ഓഹരിയുടെ വില. കഴിഞ്ഞ അഞ്ച് ഒരു മാസത്തിനിടെ 21.73 ശതമാനം വളർച്ചയാണ് ഓഹരി നേടിയത്. ആറ് മാസത്തിനിടെ 68.95 ശതമാനം മുന്നേറ്റമുണ്ടാക്കാനും ഓഹരിക്ക് സാധിച്ചു. 112.65 ശതമാനം വളർച്ചയാണ് 2024-ൽ ഇതുവരെ ഓഹരി നേടിയത്. 2024 ലെ എട്ട് മാസങ്ങളിൽ ഏഴ് മാസങ്ങളിലും കമ്പനി പോസിറ്റീവ് റിട്ടേണുകൾ രേഖപ്പെടുത്തിയിട്ടുണ്ട്. ജൂലൈയിൽ 14.4 ശതമാനവും ജൂണിൽ 12 ശതമാനവും ഓഗസ്റ്റിൽ ഇതുവരെ 14 ശതമാനവും ഓഹരി ഉയർന്നു.

കഴിഞ്ഞ ഒരു വർഷത്തിനിടെ 188 ശതമാനം വളർച്ചയോടെ നിക്ഷേപകരുടെ കീശ നിറയ്ക്കാനും സൊമാറ്റോ ഓഹരിക്ക് സാധിച്ചു. 52 ആഴ്‌ചയിലെ ഏറ്റവും ഉയർന്ന മൂല്യമായ 278.45 രൂപയിൽ നിന്ന് 7 ശതമാനത്തിന് താഴെയാണ് ഇപ്പോൾ ഓഹരിയുടെ വ്യാപാരം നടക്കുന്നത്.

ബ്രോക്കറേജ് വിലയിരുത്തൽ

മോർഗൻ സ്റ്റാൻലിയുടെ അഭിപ്രായത്തിൽ ദ്രുത വാണിജ്യ മേഖലയിലെ വർദ്ധിച്ചുവരുന്ന മത്സര തീവ്രത വിപണിയിൽ സൊമാറ്റോയുടെ പ്രാധാന്യം അടിവരയിടുന്നതാണ്. എന്നാൽ ഈ മത്സരം സൊമാറ്റോയുടെ ലാഭത്തിലേക്കുള്ള പാതയെ വൈകിപ്പിക്കുമെന്ന് ബ്രോക്കറേജ് മുന്നറിയിപ്പ് നൽകി. വിപണിയിലെ മേധാവിത്വം നിലനിർത്തുന്നത് സൊമാറ്റോയുടെ ദീർഘകാല വിജയത്തിന് നിർണ്ണായകമാണെന്ന് മോർഗൻ സ്റ്റാൻലി കൂട്ടിച്ചേർത്തു.

ടാർഗെറ്റ് വില

ഇന്ത്യയിലെ ഭക്ഷ്യ വിതരണ മേഖലയിൽ സൊമാറ്റോയുടെ വിപണി വിഹിതം ഏകദേശം 55 ശതമാനമായി ഉയർന്നതായി ഒന്നിലധികം ബ്രോക്കറേജ് സ്ഥാപനങ്ങൾ കണക്കാക്കുന്നു. അതുകൊണ്ടു തന്നെ ബ്രോക്കറേജ് സ്ഥാപനമായ മോർഗൻ സ്റ്റാൻലി സൊമാറ്റോയിൽ അതിൻ്റെ "ഓവർ വെയ്റ്റ്" റേറ്റിംഗ് ആവർത്തിച്ചു. 278 രൂപയാണ് ടാർഗെറ്റ് വില. ഇത് അവസാനത്തെ ക്ലോസിംഗ് വിലയിൽ നിന്ന് ഏകദേശം 8 ശതമാനം ഉയർന്നു. ക്വിക്ക് കൊമേഴ്‌സ് (ക്യുസി) ബിസിനസിലെ മത്സര സമ്മർദ്ദങ്ങൾക്കിടയിലും, സൊമാറ്റോയുടെ ദീർഘകാല സാധ്യതകളിൽ മോർഗൻ സ്റ്റാൻലി ആത്മവിശ്വാസം പുലർത്തുന്നു.

'ബൈ' റേറ്റിംഗ് നിലനിർത്തിക്കൊണ്ട് ബ്രോക്കറേജ് സ്ഥാപനമായ നോമുറയും സൊമാറ്റോയുടെ ടാർഗെറ്റ് വില 225 രൂപയിൽ നിന്ന് 280 രൂപയായി ഉയർത്തി. സൊമാറ്റോയുടെ ഗണ്യമായ വളർച്ചാ സാധ്യതയും അതിൻ്റെ ഫുഡ് ഡെലിവറിയിലും ക്വിക്ക് കൊമേഴ്‌സ് ബിസിനസ്സുകളിലും ലാഭം മെച്ചപ്പെടുത്തുന്നുവെന്നും ബ്രോക്കറേജ് എടുത്തുപറഞ്ഞു.

വരുമാനത്തിൽ വൻകുതിപ്പ്

ജൂൺ പാദത്തിൽ കമ്പനിയുടെ വരുമാനം കഴിഞ്ഞ വർഷത്തെ 2,416 കോടി രൂപയുമായി താരതമ്യം ചെയ്യുമ്പോൾ 74 ശതമാനം ഉയർന്ന് 4,206 കോടി രൂപയായി. സൊമാറ്റോയുടെ പലിശ, നികുതി, മൂല്യത്തകർച്ച, അമോർട്ടൈസേഷൻ എന്നിവയ്ക്ക് മുമ്പുള്ള വരുമാനവും (ഇബിഐടിഡിഎ) പോസിറ്റീവായി. കഴിഞ്ഞ വർഷം ഇതേ കാലയളവിലെ ഇബിഐടിഡിഎ നഷ്ടം 48 കോടി രൂപയിൽ നിന്ന് 177 കോടി രൂപയായി ഉയർന്നു. മാർജിൻ 4.2 ശതമാനമാണ്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.