'കോളടിച്ചല്ലോ ഗോൾഡ് ലവ്വേഴ്സ്', കയ്യീന്ന് പോയി വില: നാലാം നാളും തലയും കുത്തി താഴെ വീണു

തുടർച്ചയായ നാലാം നാളും സ്വർണത്തിന് വിലകുറഞ്ഞു. ആഭരണ പ്രേമികൾക്ക് ഏറെ സന്തോഷകരമായ ഈ വാർത്ത പക്ഷേ നിക്ഷേപകർക്ക് വലിയ തിരിച്ചടിയാണ് സമ്മാനിക്കുന്നത്. 160 രൂപയാണ് ഇന്ന് ഒരു പവൻ സ്വർണത്തിന് കുറഞ്ഞത്. ഇതോടെ കഴിഞ്ഞദിവസം 63680 ൽ ഉണ്ടായിരുന്ന സ്വർണ്ണവില 63520 ലേക്ക് എത്തി.

ഇന്നത്തെ സ്വർണ വില

ഇന്ന് ഒരു ​ഗ്രാമിന് 20 രൂപ കുറഞ്ഞ് 7940 രൂപയായി. പവന് 160 രൂപ കുറഞ്ഞ് 63,520 രൂപയായി. ഇന്നത്തെ വിലപ്രകാരം 10 ​ഗ്രാം സ്വർണം വാങ്ങാൻ 79,400 രൂപയാവുന്നു. 24 കാരറ്റ് സ്വർണത്തിന് ഒരു ​ഗ്രാമിന് 8662 രൂപയും പവന് 69,296 രൂപയുമാവുന്നു. 18 ​കാരറ്റിന് ഒരു ​ഗ്രാമിന് 6497 രൂപയും പവന് 51976 രൂപയുമാണ്.

സ്പോട്ട് സ്വർണ വില ഇന്ന് ഔൺസിന് 2,857.93 ഡോളറിലാണ് വ്യാപാരം നടക്കുന്നത്. വലിയ വീഴ്ചയാണ് തുടർച്ചയായ മൂന്ന് ദിവസം കൊണ്ട് പ്രകടമാവുന്നത്. രാജ്യാന്തര വില 3,000 ഡോളറിലേക്ക് കുതിക്കാനൊരുങ്ങവെയാണ് ഈ മാറ്റം. ഇത് വലിയ രീതിയിലുള്ള നിക്ഷേപങ്ങൾക്ക് കാരണമാകും എന്നാണ് കണ്ടെത്തൽ.

ട്രംപിൻ്റെ താരിഫ് നയം ആഗോള വ്യാപാര യുദ്ധത്തിലേക്ക് വഴിയൊരുക്കുമെന്ന് കരുതിയെങ്കിലും ഡോളർ കരുത്താർജ്ജിച്ചത് സ്വർണ വിലയെ തകിടം മറിച്ചു. ഇത് ആഭ്യന്തര സ്വർണ വിലയും ഇടിയാൻ കാരണമായി. എന്നാൽ നിക്ഷേപകരെ സംബന്ധിച്ചിടത്തോളം ഇത് വലിയ നഷ്ടമാണ് ഉണ്ടാക്കിയിട്ടുള്ളത് എങ്കിലും ഇപ്പോൾ കൂടുതൽ സ്വർണത്തിൽ നിക്ഷേപിച്ചാൽ അത് ഇനി വില വർധിക്കുമ്പോൾ വലിയൊരു ലാഭം നൽകാൻ സാധ്യതയുണ്ട്.

വാങ്ങുന്നവരുടെ ശ്രദ്ധയ്ക്ക്

സ്വർണം ഒരു വലിയ നിക്ഷേപമാണെന്നതിനാൽ അതിന്റെ ശുദ്ധി ഉറപ്പാക്കാൻ മുൻകരുതൽ വേണം. ബി ഐ എസ് ഹാള്‍മാര്‍ക്ക്, ബി ഐ എസ് കെയർ ആപ്പ്, പഠിച്ച വ്യക്തികൾ വഴി പരിശോധന തുടങ്ങിയ മാർഗങ്ങൾ ഉപയോഗിച്ച് തട്ടിപ്പുകൾ ഒഴിവാക്കാം. ഏതു സാഹചര്യത്തിലും ഹാള്‍മാര്‍ക്ക് ഉള്ളതും വിശദമായ സർട്ടിഫിക്കറ്റ് ലഭിക്കുന്നതുമാണ് സുരക്ഷിതം. നിങ്ങളുടെ സ്വർണം യഥാർത്ഥമാണെന്ന് ഉറപ്പാക്കാൻ ഇവിടെ ചർച്ചചെയ്ത നടപടികൾ പാലിക്കുക.

സ്വർണ്ണം ചരിത്രപരമായി വളരെ പ്രധാനപ്പെട്ട ഒരു സമ്പാദ്യ മാർഗമായി കരുതപ്പെടുന്നു. അതിന്റെ മൂല്യം കാലാനുസൃതമായി മാറിയാലും ദീർഘകാലത്തേക്ക് സ്ഥിരതയുള്ളതും സുരക്ഷിതത്വം നൽകുന്നതുമായ നിക്ഷേപമായി ഇത് വിശേഷിപ്പിക്കപ്പെടുന്നു.

സ്വർണ്ണം സമ്പാദ്യമായി തിരഞ്ഞെടുക്കുന്നതിനുള്ള പ്രധാന കാരണങ്ങൾ

1. സുരക്ഷിത നിക്ഷേപം

വിപണിയിൽ മറ്റു നിക്ഷേപങ്ങൾ ആശയക്കുഴപ്പത്തിലാകുമ്പോൾ പോലും സ്വർണ്ണം സ്ഥിരത പുലർത്തുന്നു.

2. മൂല്യവർദ്ധന

ദീർഘകാലത്തേക്ക് സ്വർണ്ണത്തിന്റെ വില കൃത്യമായി വർദ്ധിച്ചുവരുന്ന പ്രവണതയാണുള്ളത്.

3. ദ്രവ്യരൂപത്തിൽ കൈവശം വെക്കാം

മറ്റ് നിക്ഷേപങ്ങളെ പോലെയല്ല സ്വർണ്ണം എളുപ്പത്തിൽ വിൽക്കാവുന്നതാണ്.

4. രൂപയുടെ മൂല്യതകർച്ചയെ പ്രതിരോധിക്കാം

കറൻസിയുടെ മൂല്യക്ഷയത്തെയും പാൻഡെമിക് പോലുള്ള ആഗോള പ്രതിസന്ധികളെയും അതിജീവിക്കാൻ സ്വർണ്ണത്തിന് കഴിയും.

സ്വർണ്ണ സമ്പാദ്യത്തിന്റെ വിവിധ മാർഗങ്ങൾ

1. ഭൗതിക സ്വർണ്ണം (Physical Gold)

*ആഭരണങ്ങൾ

*സ്വർണ്ണനാണയങ്ങൾ

*സ്വർണ്ണബിസ്കറ്റുകൾ

2. ഡിജിറ്റൽ സ്വർണ്ണം

*ഓൺലൈൻ പ്ലാറ്റ്ഫോമുകളിൽ നിന്ന് ചെറുതായും വ്യാപകമായി നിക്ഷേപിക്കാം.

*ഭൗതികമായി കൈവശം വെക്കേണ്ട ആവശ്യമില്ല.

3. സ്വർണ്ണ ബോണ്ടുകൾ

*സർക്കാരിന്റെ പിന്തുണയോടെ ഇറക്കുന്ന ബോണ്ട്.

*പലിശ ലഭ്യമാകുന്ന ഏക സ്വർണ്ണ നിക്ഷേപ മാർഗം.

4. സ്വർണ്ണ എക്‌സ്‌ചേഞ്ച് ട്രേഡ് ഫണ്ടുകൾ

*ഓഹരി വിപണിയിലൂടെ വാങ്ങാവുന്ന സ്വർണ്ണ നിക്ഷേപം.

*ഭൗതിക സ്വർണ്ണം കൈവശം വെക്കേണ്ടതില്ല.

സ്വർണ്ണ സമ്പാദ്യത്തിന്റെ നേട്ടങ്ങളും പോരായ്മകളും

നേട്ടങ്ങൾ:

*വിലകുറയാതെ സ്ഥിരതയുള്ള നിക്ഷേപം.

*നികുതി ഇളവുകൾ (SGB വഴിയുള്ള നിക്ഷേപത്തിൽ).

*എളുപ്പത്തിൽ പണമായി മാറും.

പോരായ്മകൾ:

*ഭൗതിക സ്വർണ്ണം സൂക്ഷിക്കേണ്ട അപകടസാധ്യത.

*വിലയിടിവിന് സാധ്യതയുള്ളതായ വിപണി അനിശ്ചിതത്വം.

*നിർഭരമായ വരുമാനമില്ല

സ്വർണ്ണം സമ്പാദ്യമായി തിരഞ്ഞെടുക്കുമ്പോൾ നിങ്ങളുടെ സാമ്പത്തിക ലക്ഷ്യങ്ങളും വിപണി പ്രവണതകളും വിലയിരുത്തി നിക്ഷേപം നടത്തുക.