'പൊന്നെ പൊന്നമ്പിളി നിന്നെക്കാണാൻ കണ്ണായിരം', പതുങ്ങിയത് കുതിക്കാൻ: വിലയിൽ അപ്രതീക്ഷിത മുന്നേറ്റം

ആഭരണപ്രേമികളുടെ കരണത്തടിച്ചും, നിക്ഷേപകരുടെ കവിളിൽ തലോടിയും സ്വർണ വില. കഴിഞ്ഞ ദിവസത്തെ കിതപ്പിന്റെ ശേഷം പവന് 320 രൂപയാണ് ഇന്ന് വർധിച്ചിരിക്കുന്നത്. ഒരു ഗ്രാം സ്വർണ്ണത്തിന് 40 രൂപ വർധിച്ച് 7980 ആയപ്പോൾ ഒരു പവൻ സ്വർണ്ണത്തിന് ഇന്നത്തെ വില 63840 ആണ്. ഇതോടെ 10 ഗ്രാം സ്വർണത്തിന് 400 രൂപ വർധിച്ച് 79800 രൂപയായി മാർക്കറ്റ് വില മാറി.

ഇന്നത്തെ സ്വർണ വില

ഇന്ന് ഒരു ​ഗ്രാമിന് 40 രൂപ കൂടി 7980 രൂപയായി. പവന് 320 രൂപ വർധിച്ച് 63840 രൂപയായി. ഇന്നത്തെ വിലപ്രകാരം 10 ​ഗ്രാം സ്വർണം വാങ്ങാൻ 79800 രൂപയാവുന്നു. 24 കാരറ്റ് സ്വർണത്തിന് ഒരു ​ഗ്രാമിന് ₹8,705 രൂപയും പവന് ₹69,640 രൂപയുമാവുന്നു. 18 ​കാരറ്റിന് ഒരു ​ഗ്രാമിന് ₹6,529 രൂപയും പവന് ₹52,232 രൂപയുമാണ്.

രാജ്യാന്തര വിലയിൽ സ്വർണത്തിന് വലിയ കുതിപ്പാണ് ഇന്ന് രേഖപ്പെടുത്തിയിരിക്കുന്നത്. ഔൺസിന് 2,916 രൂപയാണ് ഇന്നത്തെ സ്പോട്ട് സ്വർണ വില. ഇനിയും ഈ വില വർധിക്കാൻ മാത്രമേ സാധ്യതയുള്ളൂ എന്നാണ് പഠനങ്ങൾ റിപ്പോർട്ട് ചെയ്യുന്നത്.സ്വർണം എന്ന സമ്പാദ്യം

കഴിഞ്ഞ 24 വർഷമായി ആഗോളതലത്തിൽ ഇക്വിറ്റികളെക്കാൾ മികച്ച പ്രകടനം കാഴ്ചവെച്ചത് സ്വർണമാണ്. അതേസമയം, കാലങ്ങളായി ഇന്ത്യൻ ജനതയുടെ ഇടപാടുകളിലും സമ്പാദ്യത്തിലും സ്വർണത്തിനുള്ള പങ്കും സ്വാധീനവും വലുതാണ്. ചരിത്രപരമായി സ്വർണ്ണം സുരക്ഷിതമായ ഒരു സ്വത്തായിരുന്നുവെങ്കിലും, ഇന്ത്യൻ ഇക്വിറ്റികൾ മികച്ച ദീർഘകാല വരുമാനം നൽകി.

കേരളത്തിൽ തന്നെ പല ജില്ലകളിലും സ്വർണത്തെ വലിയ ഒരു സംസ്കാരത്തിന്റെ ചിഹ്നമായും, ഒരു ദൈവീക വസ്തുവുമായിട്ടാണ് കാണുന്നത്. ദൈവങ്ങൾക്ക് പോലും വെച്ച് നൽകുന്ന കിരീടം, അണിയിക്കുന്ന മാലകൾ എല്ലാം തന്നെ സ്വര്ണത്തിലാണ് പണിയിച്ചിരിക്കുന്നത്. സ്വർണം വാങ്ങുന്നതിനെ ഐശ്വര്യമായിട്ടാണ് കേരളം ജനത കാണുന്നത്. എന്നാൽ അതിന് പിറകിലെ ആഭ്യന്ത യുദ്ധങ്ങളും, സ്വർണ ഖനികൾക്ക് വേണ്ടി മരിച്ചു വീഴുന്നവരുടെ രക്തവും ആരും കാണുന്നില്ല.