ഇനിയൊരു ഇടവേള; സ്വർണ വിലയിൽ നേരിയ വർദ്ധനവ്, വില കുത്തനെ കയറുമോ?

സംസ്ഥാനത്ത് ഇന്ന് സ്വർണ വില കൂടി. നീണ്ട 6 ദിവസങ്ങൾക്ക് ശേഷം ഇന്ന് സ്വർണം ​പവന് 80 രൂപ വർദ്ധിച്ചു. കുറേ നാളുകളായി വില താഴോട്ട് ഇടിയുകയായിരുന്നു. ഇന്നത്തെ വില വർദ്ധിച്ചത് അപ്രതീക്ഷിതമായിരുന്നു. ഈ ഒരാഴ്ചയായി 2800 രൂപയോളം സ്വർണ വില കുറഞ്ഞിരുന്നു. ഇന്നത്തെ വർദ്ധനവ് ഒരു നേരിയ മുന്നേറ്റമാണെങ്കിലും ഒരു പവന് 55,560 രൂപയിലെത്തിയിരിക്കുന്നു. 56000 രൂപയിൽ താഴേയാണ് ഇന്നത്തെ വ്യാപാരം നടക്കുന്നത്.

ഇന്നലെ 880 രൂപയാണ് പവന് കുറഞ്ഞത്. സ്വർണം ​ഗ്രാമി 110 രൂപയും കുറഞ്ഞിരുന്നു. ഇത്രയും ദിവസത്തോളം തുടർച്ചയായി വില കുറഞ്ഞത് ആഭരണപ്രേമികൾക്ക് വലിയ ആശ്വാസമേകിയിരുന്നു.

ഇന്നത്തെ വില

നീണ്ട 6 ദിവസത്തിനു ശേഷം സ്വർണ വില വിലയിൽ നേരിയ വർദ്ധനവ്. ഇന്ന് സ്വർണ വില ഒരു ​ഗ്രാമിന് 10 രൂപ വർദ്ധിച്ച് 6945 രൂപയായി. അതായത് ​ഗ്രാമിന്റെ വില ഇന്നും 7000 രൂപയ്ക്ക് താഴേ തന്നെയാണ്. പവന് 80 രൂപ വർദ്ധിച്ച് ഇന്ന് 55,560 രൂപയായി. സ്വർണ വിലയിലെ നേരിയ ചലനം പ്രതീക്ഷിക്കാത്തത്. വില വർദ്ധിച്ചെങ്കിലും ആഭരണപ്രേമികൾക്ക് ആശ്വസിക്കാം.

ഒരു പവൻ ആഭരണം വാങ്ങാൻ എത്ര രൂപ വേണം.?

സ്വർണ വിലയിൽ ഇന്ന് 80 രൂപ പവന് വർദ്ധിച്ചു. 3% ജി.എസ്.ടി, ഹോൾമാർക്ക് ചാർജ് (53.10 രൂപ), പണിക്കൂലി എന്നിവ കണക്കാക്കിയാൽ ഇന്ന് കേരളത്തിൽ നിന്ന് ഒരു പവൻ സ്വർണാഭരണം വാങ്ങാൻ 60,143 രൂപ മതി. ഒരു ​ഗ്രാം ആഭരണത്തിന് 7517 രൂപ നൽകണം. പണിക്കൂലി വ്യത്യാസപ്പെടുമ്പോൾ ഈ വിലയിൽ മാറ്റം വന്നേക്കാം. പ്രധാനമായും 5 മുതൽ 30 ശതമാനം വരെയാണ് പണിക്കൂലി കണക്കാക്കുന്നത്. നിലവിൽ 5% പണിക്കൂലി നോക്കിയാൽ ഒരു പവൻ സ്വർണാഭരണം വാങ്ങാനുള്ള തുകയാണിത്.

നേരിയ ചലനം...

നേരിയ ചലനം ഉണ്ടായെങ്കിലും കാര്യമായ വർദ്ധനവില്ല. കുറച്ച് കാലത്തേക്ക് സ്വർണവിലയിൽ കാര്യമായ വർദ്ധനവ് രേഖപ്പെടുത്താൻ സാധ്യതയില്ലെന്നാണ് വിദ​ഗ്ദർ പറയുന്നത്. ക്രിപ്റ്റോകറൻസി മൂല്യം വർദ്ധിച്ചതും ഡോളർ ശക്തിപ്രാപിച്ചതും സ്വർണത്തിന്റെ രാജ്യാന്തര ഡിമാൻഡ് താഴ്ന്നു. അതാണ് കഴിഞ്ഞ ദിവസങ്ങളിൽ രാജ്യാന്തര വിലയിലും ഇന്ത്യയിലെ വിലയിലും ഇടിവ് സംഭവിച്ചത്.

രാജ്യാന്തര രാഷ്ട്രീയ, സാമ്പത്തികരംഗത്തെ ഓരോ വിഷയങ്ങളും സ്വർണവിലയെ സ്വാധീനിക്കുന്നുണ്ട്. അതാണ് വില ഇറങ്ങിയും കയറിയും മാറുന്നത്. യുഎസിന്റെ സാമ്പത്തികനയം, ഭൗമരാഷ്ട്രീയ പ്രശ്നങ്ങൾ എന്നിവയും സ്വർണത്തെ കാര്യമായി പ്രതിസന്ധിയിലാഴ്ത്തും. നിലവിലെ യു.എസ് സാമ്പത്തിക രം​ഗത്ത് മാറ്റങ്ങൾ വന്നാൽ സ്വർണവില വർദ്ധിക്കാൻ സാധ്യതയുണ്ട്.

ബുക്ക് ചെയ്യാം....

ഇന്ന് നേരിയ വർദ്ധനവ് മാത്രമാണ് ഉണ്ടായത്. സ്വർണവില ഇന്നും 56000 രൂപയ്ക്ക് താഴേയാണ്. ഇന്നത്തെ വില അനുസരിച്ച് ഒരു പവൻ ആഭരണം വാങ്ങാനും വില കുറവാണ്. കാത്തിരിക്കാതെ വേഗം തന്നെ ഈ വിലയ്ക്ക് സ്വർണം ബുക്ക് ചെയ്തോളൂ. വിവാഹങ്ങൾക്കും മറ്റു ആവശ്യങ്ങൾക്കും സ്വർണം എടുക്കാൻ ആ​ഗ്രഹിക്കുന്നവർ ഒട്ടും സമയം കളയാതെ ബുക്ക് ചെയ്തോളൂ.