ഓണം ആഘോഷിച്ച് സ്വർണവും, പ്രതീക്ഷിക്കുന്നത് 8,000 കോടിയുടെ വിൽപ്പന, ഓഫർ പ്രഖ്യാപിച്ച് ജ്വല്ലറികൾ, വാങ്ങുന്നോ

ഓണം എന്നാൽ മലയാളികളുടെ മാത്രം ഉത്സവമാണ്. വിവിധ നിറങ്ങളാൽ മുറ്റം നിറയുന്ന പൂക്കളം. എങ്ങും പൂവും പൂവിളിയും മാത്രം. ആഘോഷ വേളകളിലെല്ലാം സ്വർണാഭരണങ്ങൾ അണിഞ്ഞ് പ്രത്യക്ഷപ്പെടാനാണ് മലയാളി സ്ത്രീകൾ ആഗ്രഹിക്കുന്നത്. അതുകൊണ്ടു തന്നെ ഈ ഓണക്കാലത്ത് സ്വർണാഭരണ വിൽപ്പന റെക്കോർഡ് സൃഷ്ടിക്കുമെന്നാണ് വിദഗ്ധർ പ്രവചിക്കുന്നത്. 7,000 കോടി മുതൽ 8,000 കോടി രൂപയുടെ വിൽപ്പനയാണ് വിദഗ്ധർ പ്രവചിക്കുന്നത്. ഇത് കേരളത്തിൻ്റെ വാർഷിക സ്വർണ്ണ വിൽപ്പനയുടെ എട്ട് ശതമാനത്തെ പ്രതിനിധീകരിക്കുന്നു. അതായത് ഏകദേശം ഒരു ലക്ഷം കോടി.

വിവാഹ സീസൺ ആരംഭിച്ചു

സ്വർണവില ഉയർന്നെങ്കിലും ഈ വർഷം വിൽപ്പന മൂല്യത്തിൽ 20 മുതൽ 30 ശതമാനം വരെ വർധനയുണ്ടാകുമെന്ന പ്രതീക്ഷയിലാണ് ജ്വല്ലറികൾ. ചിങ്ങമാസം ആയത് കൊണ്ടു തന്നെ കേരളത്തിൽ കല്യാണ സീസൺ കൂടിയാണ്. കഴിഞ്ഞ ദിവസം ഗുരുവായൂർ ക്ഷേത്രത്തിൽ റെക്കോർഡ് കല്യാണം ആണ് നടന്നത്.

ഇന്നത്തെ സ്വർണവില

പവന് 53640 രൂപ എന്ന നിരക്കിലായിരുന്നു സംസ്ഥാനത്ത് ഇന്നലെ സ്വർണവ്യാപാരം നടന്നത്. എന്നാൽ ഇന്ന് പവന് 960 രൂപയും, ഗ്രാമിന് 120 രൂപയുമാണ് വില കൂടി. അതോടെ ഒരു പവൻ സ്വർണ്ണത്തിന് 54,600 രൂപയും, ഗ്രാമിന് 6825 രൂപയുമാണ് വില.

സ്വർണ്ണവും ബോണസും

ബോണസും മറ്റ് ആനുകൂല്യങ്ങളും ചേർന്ന് ഓണം വിൽപനയിൽ വൻ കുതിച്ചുചാട്ടത്തിന് കാരണമാകുമെന്ന് കല്യാൺ ജൂവലേഴ്‌സ് മാനേജിംഗ് ഡയറക്ടർ ടി എസ് കല്യാണരാമൻ അഭിപ്രായപ്പെട്ടു. ഏപ്രിൽ-മെയ് സീസണിന് ശേഷം കേരളത്തിൽ ഏറ്റവും കൂടുതൽ വിൽപ്പന നടക്കുന്നത് ചിങ്ങമാസത്തിലാണ് (ഓഗസ്റ്റ്-സെപ്റ്റംബർ) എന്നും അദ്ദേഹം കൂട്ടിച്ചേർത്തു.

20 മുതൽ 100 ​​പവൻ വരെ തൂക്കമുള്ള സ്വർണമാണ് വാങ്ങുന്നവർ തിരഞ്ഞെടുക്കുന്നത്, കൂടാതെ ചില സമ്പന്നരായ ഉപഭോക്താക്കൾ 160 മുതൽ 200 പവൻ വരെ വാരിക്കൂട്ടുന്നു.

ഡ്യൂട്ടി കട്ട് ആനുകൂല്യങ്ങൾ

കേന്ദ്ര ബജറ്റിൽ സ്വർണ ഇറക്കുമതി തീരുവ കുറച്ചത് ജൂലൈയിൽ 55,000 രൂപയായിരുന്ന സ്വർണവില ദിവസങ്ങൾക്കുള്ളിൽ 50,400 രൂപയായി കുറഞ്ഞു. ഇത് മുൻകൂർ ബുക്കിംഗിനെ പ്രോത്സാഹിപ്പിച്ചു. അടുത്തിടെ വില വർധിച്ചിട്ടും വിൽപ്പനയിൽ വൻ വർധനയുണ്ടായതായി മലബാർ ഗോൾഡ് ആൻഡ് ഡയമണ്ട്‌സ് ചെയർമാനും മാനേജിങ് ഡയറക്ടറുമായ എംപി അഹമ്മദ് അറിയിച്ചു. കസ്റ്റംസ് തീരുവ കുറച്ചത് കള്ളക്കടത്ത് കുറയ്ക്കുകയും ആഭ്യന്തര വിൽപ്പന വർധിപ്പിക്കുകയും ചെയ്തതായും അദ്ദേഹം സൂചിപ്പിച്ചു.

18 കാരറ്റ് സ്വർണത്തിന് പ്രിയം

സ്വർണ്ണ വില റെക്കോർഡ് ഉയരത്തിൽ എത്തിയതോടെ, 22 കാരറ്റ് സ്വർണ്ണത്തേക്കാൾ വിലകുറഞ്ഞതും വാങ്ങുന്നവർക്കിടയിൽ പ്രചാരമുള്ളതുമായ 18 കാരറ്റ് സ്വർണ്ണത്തിന് ഡിമാൻഡ് വർദ്ധിച്ചുകൊണ്ടിരിക്കുകയാണ്. അടുത്തിടെ ഡയമണ്ട്, ലൈറ്റ് വെയ്റ്റ് ആഭരണങ്ങളുടെ വിൽപ്പനയിൽ വർധനയുണ്ടായതായി ജോയ് ആലുക്കാസ് ഗ്രൂപ്പ് ചെയർമാൻ ജോയ് ആലുക്കാസ് പറഞ്ഞു.

10,000 രൂപയിലധികം വിലക്കയറ്റം

കഴിഞ്ഞ ഓണത്തെ അപേക്ഷിച്ച് ഇത്തവണ സ്വർണ വിലയിൽ 23 ശതമാനം വർധനവാണ് ഉണ്ടായിരിക്കുന്നത്. കഴിഞ്ഞ വർഷം ഓഗസ്റ്റ് 27-28 തീയതികളിൽ ഒരു പവൻ്റെ വില 43,600 രൂപയിൽ നിന്ന് ഈ വർഷം 53,640 രൂപയായി ഉയർന്നു.

ആകർഷകമായ ഓഫറുകൾ

ഉപഭോക്താക്കളെ ആകർഷിക്കുന്നതിനായി നിരവധി ജ്വല്ലറികൾ ഓണത്തിന് പണിക്കൂലി ചാർജിൽ ഇളവുകളും പഴയ ആഭരണങ്ങൾക്ക് എക്സ്ചേഞ്ച് ഓഫറുകളും ഉൾപ്പെടെ ആകർഷകമായ ഡീലുകൾ വാഗ്ദാനം ചെയ്യുന്നുണ്ട്. ഈ എക്‌സ്‌ചേഞ്ച് ഓഫറുകൾ പ്രയോജനപ്പെടുത്തി പുതിയ ഉപഭോക്താക്കളിൽ വർധനവ് ഉണ്ടായതായി ജോസ് ആലുക്കാസ് ഗ്രൂപ്പ് ചെയർമാൻ ജോസ് ആലുക്കാസ് അറിയിച്ചു.

പവൻ വാങ്ങാൻ

സ്വർണവില കുതിച്ചുയർന്ന സാഹചര്യത്തിൽ ഒരു പവൻ വാങ്ങാൻ എത്ര രൂപ ചിലവ് വരുമെന്ന് പരിശോധിക്കാം. സ്വർണാഭരണം വാങ്ങുമ്പോൾ പവന്‍റെ വിലയോടൊപ്പം പണിക്കൂലി, നികുതി, ഹാൾമാർക്കിംങ് നിരക്കുകൾ തുടങ്ങിയ കൂടി നൽകണം. ശരാശരി 5 ശതമാനമാണ് പണിക്കൂലി. 3 ശതമാനം ജിഎസ്ടിയും. അങ്ങനെ കണക്ക് കൂട്ടുമ്പോൾ ഒരു പവൻ സ്വർണാഭരണം വാങ്ങാൻ ഏകദേശം 59,000 രൂപ നൽകേണ്ടി വരും.