Gold Rate Live: സ്വർണവിലയിലെ ട്വിസ്റ്റ് അവസാനിക്കുന്നില്ല, പവന്‍റെ വില വീണ്ടും കുറഞ്ഞു, വിശദാംശങ്ങൾ അറിയാം

പശ്ചിമേഷ്യൻ സംഘർഷം അഞ്ചാം ദിവസത്തിലേക്ക് കടക്കുകയാണ്. രാജ്യാന്തര സ്വർണവില ചാഞ്ചാട്ടം തുടരുന്നു. ഔൺസ് സ്വർണവില 5150 ഡോളറിന് മുകളിലാണ്. അതേസമയം കേരളത്തിൽ സ്വർണവില കുറഞ്ഞത് ആഭരണപ്രേമികൾക്ക് ആശ്വാസം നൽകിയിട്ടുണ്ട്. ഇന്ന് പവന് 2,280 രൂപയാണ് കുറഞ്ഞത്. 1,20,640 രൂപയാണ് പുതിയ നിരക്ക്. ഗ്രാമിന് 15,080 രൂപ. മാർച്ച് മാസത്തെ ഏറ്റവും കുറഞ്ഞ സ്വർണവിലയാണ് ഇന്ന് രേഖപ്പെടുത്തിയത്.

യുഎസ്, ഇസ്രയേല്‍ - ഇറാൻ യുദ്ധം തുടരുന്നത് സ്വർണത്തിന് സുരക്ഷിത നിക്ഷേപമെന്ന പദവി നൽകുന്നുണ്ട്. എന്നാൽ അമേരിക്കൻ ഡോളറിന്‍റെ വിനിമയ നിരക്ക് ഒരു മാസത്തെ ഉയർന്ന നിരക്കിലെത്തിയതും ലാഭമെടുപ്പ് വർധിച്ചതുമാണ് ഇടിവിന് കാരണമായത്.

Mar 04, 2026, 10:22 am IST

Gold Rate Live: സ്വർണവില ഇന്നും കുറഞ്ഞു

പവന് 2,280 രൂപയാണ് കുറഞ്ഞത്. 1,20,640 രൂപയാണ് പുതിയ നിരക്ക്. ഗ്രാമിന് 15,080 രൂപ.