51ന് വാങ്ങിയാൽ 63 രൂപയ്ക്ക് വിൽക്കാം, എച്ച്സിസി ഓഹരി നിങ്ങളുടെ കീശ നിറയ്ക്കും, ബ്രോക്കറേജ് വിലയിരുത്തൽ അറിയാം

കഴിഞ്ഞ നാല് വർഷത്തിനിട നിക്ഷേപകർക്ക് മികച്ച ലാഭം നൽകിയ പെന്നി ഓഹരിയാണ് ഹിന്ദുസ്ഥാൻ കൺസ്ട്രക്ഷൻ കമ്പനി (എച്ച്സിസി). 2020 ജൂൺ മുതൽ ഇതുവരെ ഏകദേശം 1113 ശതമാനത്തിലധികം വളർച്ചയാണ് ഓഹരി നേടിയത്. ഓഹരി വില 4.4 രൂപയിൽ നിന്നും 53.4 രൂപയായി ഉയർന്നു. ഈ വളർച്ച കമ്പനിയുടെ ശക്തമായ പ്രകടനത്തെയും വിപണി ആത്മവിശ്വാസത്തെയും പ്രതിഫലിപ്പിക്കുന്നു.

വരും നാളുകളിലും ഓഹരി മുന്നോട്ടുള്ള കുതിപ്പ് തുടാൻ സാധ്യതയുണ്ടെന്നാണ് ബ്രോക്കറേജുകളുടെ വിലയിരുത്തൽ. അതുകൊണ്ടു തന്നെ ഓഹരിയുടെ കൂടുതൽ വിശദാംശങ്ങൾ പരിശോധിക്കാം.

മൾട്ടിബാഗർ ഓഹരി

എൻഎസ്ഇയിൽ 1 ശതമാനം ഇൻട്രാഡേ നേട്ടത്തോടെ 50.90 രൂപ എന്നതാണ് എച്ച്സിസിയുടെ ഓഹരി വില. കഴിഞ്ഞ അഞ്ച് ദിവസത്തിനിടെ 8 ശതമാനം വളർച്ച നേടാൻ ഓഹരിക്ക് സാധിച്ചു. 33.77 ശതമാനമാണ് ഒരു മാസത്തെ മുന്നേറ്റം. ഈ വർഷം ഇതുവരെയുള്ള ആറ് മാസങ്ങളിൽ മൂന്ന് മാസങ്ങളിലും ഓഹരി പോസിറ്റീവ് റിട്ടേൺ നൽകി. മെയ് മാസത്തിൽ 2 ശതമാനം ഇടിവുണ്ടായതിനെത്തുടർന്ന് ജൂണിൽ അത് 41 ശതമാനത്തിലധികം ഉയർന്നു. അതിനുമുമ്പ്, ഏപ്രിലിൽ 20 ശതമാനം ശക്തമായ നേട്ടം കാണിച്ചെങ്കിലും മാർച്ചിൽ 21.2 ശതമാനവും ഫെബ്രുവരിയിൽ 8.7 ശതമാനവും കുറഞ്ഞു. അതേസമയം ജനുവരിയിൽ 53.4 ശതമാനത്തിന്‍റെ കുതിപ്പാണ് ഓഹരി കാണിച്ചത്.

കഴിഞ്ഞ ഒരു വർഷത്തിനിടെ 149.51 ശതമാനം വളർച്ചയാണ് ഓഹരി നേടിയത്. കഴിഞ്ഞ മൂന്ന് വർഷത്തിനിടയിൽ 391 ശതമാനം നേട്ടമുണ്ടാക്കാനും ഓഹരിക്ക് സാധിച്ചു.

ബ്രോക്കറേജ് വിലയിരുത്തൽ

അടുത്തിടെ, എലാറ സെക്യൂരിറ്റീസ് ഹിന്ദുസ്ഥാൻ കൺസ്ട്രക്ഷൻ കമ്പനിയുടെ പുനരുജ്ജീവന സാധ്യതയെക്കുറിച്ച് ശുഭാപ്തിവിശ്വാസത്തോടെ 'വാങ്ങൽ' റേറ്റിംഗോടെ കവറേജ് ആരംഭിച്ചിരുന്നു. 63 രൂപ എന്നതാണ് ടാർഗെറ്റ് വില. ഇത് നിലവിലെ ലെവലിൽ നിന്ന് 18 ശതമാനം വർദ്ധനയെ സൂചിപ്പിക്കുന്നു. 2022 സാമ്പത്തിക വർഷത്തിൽ 6,200 കോടി രൂപയായിരുന്ന കമ്പനിയുടെ കടം 2024 സാമ്പത്തിക വർഷത്തിൽ 3,400 കോടി രൂപയായി കുറഞ്ഞതോടെ സാമ്പത്തിക ആരോഗ്യത്തിൽ എച്ച്‌സിസിയുടെ ഗണ്യമായ പുരോഗതി ബ്രോക്കറേജ് എടുത്തുകാട്ടി.

അതേസമയം, ഐസിഐസിഐ ഡയറക്റ്റ് ഹിന്ദുസ്ഥാൻ കൺസ്ട്രക്ഷൻ കമ്പനിയിൽ ശക്തമായ മുന്നേറ്റം നിരീക്ഷിച്ചു. ഓഹരി വില നിലവിൽ ഹ്രസ്വ, ഇടത്തരം, ദീർഘകാല ചലിക്കുന്ന ശരാശരിക്ക് മുകളിലാണ് വ്യാപാരം ചെയ്യുന്നത്. ഈ ഘടകങ്ങൾ എച്ച്‌സിസിയുടെ നല്ല വിപണി വികാരത്തെയും ബുള്ളിഷ് വീക്ഷണത്തെയും സൂചിപ്പിക്കുന്നു എന്നാണ് ബ്രോക്കറേജ് റിപ്പോർട്ടിലുള്ളത്.

ഹിന്ദുസ്ഥാൻ കൺസ്ട്രക്ഷൻ കമ്പനി

വൻകിട നിർമ്മാണപ്രവർത്തനങ്ങൾ ഏറ്റെടുത്തു നടത്തുന്ന, മുംബൈ ആസ്ഥാനമായ ഒരു സ്വകാര്യ ലിമിറ്റഡ് കമ്പനിയാണ് ഹിന്ദുസ്ഥാൻ കൺസ്ട്രക്ഷൻ കമ്പനി. ഇന്ത്യയുടെ ജലവൈദ്യുത, ​​സിവിൽ ആണവോർജ്ജ ശേഷികളിൽ കമ്പനിക്ക് കാര്യമായ പങ്കുണ്ട്. മൊത്തം 104 ബില്യൺ രൂപയുടെ ബിഡ്ഡുകളും വൈദ്യുതി, ജലവൈദ്യുത, ​​റോഡ്, ആണവ, ഗതാഗത മേഖലകളിലായി 464 ബില്യൺ രൂപയുടെ പ്രോജക്ട് പൈപ്പ്ലൈനും കമ്പനിക്കുണ്ട്.

വരുമാനം

മാർച്ച് പാദത്തിൽ കമ്പനിയുടെ ഏകീകൃത അറ്റാദായത്തിൽ 22.12 ശതമാനം വർധന രേഖപ്പെടുത്തി, മുൻവർഷത്തെ 201.6 കോടി രൂപയുമായി താരതമ്യം ചെയ്യുമ്പോൾ 246.2 കോടി രൂപ. മൊത്തം ചെലവ് 2,398.69 കോടി രൂപയിൽ നിന്ന് 2,073.33 കോടി രൂപയായി കുറഞ്ഞു.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.