മൾട്ടിബാഗർ പൊതുമേഖലാ ഓഹരി വാങ്ങാം, ടാർഗെറ്റ് വില നിശ്ചയിച്ച് ബ്രോക്കറേജ്, നോക്കുന്നോ..?

കഴിഞ്ഞ ഒരു വർഷത്തിനിടെ മൾട്ടിബാഗർ റിട്ടേൽ നൽകിയ പൊതുമേഖലാ ഓഹരികളിലൊന്നാണ് ഭാരത് ഇലക്‌ട്രോണിക്‌സ്. ഓഹരി കഴിഞ്ഞ കുറച്ച് നാളുകളായി തിരുത്തൽ അനുഭവിക്കുന്നുണ്ട്. എന്നാൽ വരും ദിവസങ്ങളിൽ കൂടുതൽ ഉയരത്തിലേക്ക് ഓഹരി കുതിക്കുമെന്നാണ് ബ്രോക്കറേജ് സ്ഥാപനമായ ഐസിഐസിഐ സെക്യൂരിറ്റീസ് വിലയിരുത്തുന്നത്. അതുകൊണ്ടു തന്നെ ഓഹരിയുടെ കൂടുതൽ വിശദാംശങ്ങൾ നമുക്ക് പരിശോധിക്കാം.

ഭാരത് ഇലക്ട്രോണിക്‌സ്

രാജ്യത്തെ ഏറ്റവും പ്രമുഖ പ്രതിരോധ സാങ്കേതികവിദ്യ കമ്പനിയാണ് ഭാരത് ഇലക്ടോണിക്സ് അഥവാ ബെല്‍. 1954-ല്‍ ആരംഭിച്ച നവരത്ന പദവിയുള്ള ഈ പൊതുമേഖല സ്ഥാപനം, പ്രതിരോധ മന്ത്രാലത്തിന്റെ കീഴിലുള്ള 9 കമ്പനികളിലൊന്നാണ്. റഡാര്‍, സവിശേഷ ഇലക്ടോണിക്സ് പ്രതിരോധ സാമഗ്രികള്‍, ടെലികോം തുടങ്ങി തന്ത്രപ്രധാന മേഖലകളിലെ ഇലക്ട്രോണിക്സ് സംവിധാനങ്ങള്‍ നിര്‍മിക്കുന്നു. 218525.84 കോടി രൂപയാണ് വിപണി മൂലധനം.

ഓഹരി വില

എൻഎസ്ഇയിൽ 290.55 രൂപ എന്ന നിരക്കിലാണ് ഭാരത് ഇലക്‌ട്രോണിക്‌സ് വ്യാഴാഴ്ച ഓഹരി വ്യാപാരം അവസാനിപ്പിച്ചത്. കഴിഞ്ഞ അഞ്ച് ദിവസത്തിനിടെ 1.96 ശതമാനം നഷ്ടം ഓഹരി നേരിട്ടു. 0.10 ശതമാനം മുന്നേറ്റം മാത്രമാണ് ഒരു മാസത്തിനിടെ പൊതുമേഖലാ ഓഹരിക്ക് നേടാൻ സാധിച്ചത്. കഴിഞ്ഞ ആറ് മാസത്തിനിടെ 37.86 ശതമാനം നേട്ടമുണ്ടാക്കാൻ ഓഹരിക്ക് സാധിച്ചു. 57.10 ശതമാനമാണ് 2024-ൽ ഇതുവരെ നേടിയ വളർച്ച.

ഒരു വർഷത്തിനിടെ 107.98 ശതമാനം നേട്ടമുണ്ടാക്കാൻ ഭാരത് ഇലക്‌ട്രോണിക്‌സ് ഓഹരിക്ക് സാധിച്ചു. 700 ശതമാനം മുന്നേറ്റമാണ് അഞ്ച് വർഷത്തിനിടെ ഓഹരി നേടിയത്. 340.50 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 127 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

ടാർഗെറ്റ് വില

350 രൂപ ടാർഗെറ്റ് വിലയോടെ ഭാരത് ഇലക്ട്രോണിക്‌സ് ഓഹരി വാങ്ങാമെന്നാണ് ഐസിഐസിഐ സെക്യൂരിറ്റീസ് ശുപാർശ ചെയ്യുന്നത്.

പ്രൊമോട്ടർ/എഫ്ഐഐ ഹോൾഡിംഗ്സ്

പ്രൊമോട്ടർമാർക്ക് 30-ജൂൺ-2024 വരെ കമ്പനിയിൽ 51.14 ശതമാനം ഓഹരിയുണ്ട്, എഫ്ഐഐകൾക്ക് 17.43 ശതമാനവും ഡിഐഐകൾക്ക് 20.59 ശതമാനവും ഓഹരിയുണ്ട്.

വരുമാനത്തിൽ കുറവ്

30-06-2024 അവസാനിച്ച പാദത്തിൽ കമ്പനിയുടെ ഏകീകൃത മൊത്ത വരുമാനം 4447.15 കോടി രൂപയാണ്. ഇത് കഴിഞ്ഞ പാദത്തിലെ 8789.51 കോടി രൂപയിൽ നിന്ന് 49.40 ശതമാനം കുറവാണ്. നികുതിക്ക് ശേഷമുള്ള അറ്റാദായം 780.99 കോടി രൂപയാണെന്ന് കമ്പനി റിപ്പോർട്ട് ചെയ്തു.

വിപണിക്ക് ചുവപ്പിൽ അവസാനം

ഇന്ത്യൻ സ്റ്റോക്ക് മാർക്കറ്റ് ബെഞ്ച്മാർക്കുകളായ സെൻസെക്സും നിഫ്റ്റി 50 ഉം സെപ്തംബർ 5 വ്യാഴാഴ്ച നഷ്ടത്തിൽ അവസാനിച്ചു. സെൻസെക്സ് 151 പോയിൻറ് അഥവാ 0.18 ശതമാനം താഴ്ന്ന് 82,201.16 ലും നിഫ്റ്റി 50 54 പോയിൻറ് അഥവാ 0.21 ശതമാനം താഴ്ന്ന് 25,145.10 ലും ക്ലോസ് ചെയ്തു. എന്നിരുന്നാലും മിഡ്, സ്‌മോൾ ക്യാപ് സെഗ്‌മെൻ്റുകൾ നേട്ടത്തോടെ ക്ലോസ് ചെയ്തു. ബിഎസ്ഇ മിഡ്ക്യാപ്, സ്മോൾക്യാപ് സൂചികകൾ യഥാക്രമം 0.27 ശതമാനവും 0.56 ശതമാനവും ഉയർന്ന് ക്ലോസ് ചെയ്തു.

ബിഎസ്ഇ-ലിസ്റ്റഡ് സ്ഥാപനങ്ങളുടെ മൊത്തത്തിലുള്ള വിപണി മൂലധനം കഴിഞ്ഞ സെഷനിലെ 465.14 ലക്ഷം കോടി രൂപയിൽ നിന്ന് ഏകദേശം 465.66 ലക്ഷം കോടി രൂപയായി ഉയർന്നു.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.