ചില്ലറ വ്യാപാരികള്‍ക്ക് സന്തോഷ വാര്‍ത്ത, ഇനി അര ലക്ഷം രൂപവരെ ഉടനടി ഓവര്‍ ഡ്രാഫ്റ്റ്

കൊച്ചി: കൊവിഡ് കാലത്ത് ചില്ലറവ്യാപാരികള്‍ക്ക് ഇതാ ഒരു സന്തോഷ വാര്‍ത്ത. ചില്ലറ വ്യാപാരികള്‍ക്കും ഉപഭോക്താക്കള്‍ക്കിടെയിലും ഡിജിറ്റല്‍ പേയ്‌മെന്‍ര് പ്രോത്സാഹിപ്പിക്കുന്നതിന്റെ ഭാഗമായി എബിഐയും ഹിന്ദുസ്ഥാന്‍ യൂണിലിവറും കൈകോര്‍ക്കുന്നു. ഹിന്ദുസ്ഥാന്‍ യൂണിലിവറിന്റെ വിതരണക്കാര്‍ക്കും ചില്ലറവ്യപാരികള്‍ക്കും ഓണ്‍ലൈന്‍ വഴിയുള്ള സേവനങ്ങള്‍ ഉറപ്പാക്കുന്നതിനാണ് ഇരുവരും പ്രധാനമായും ധാരണയായത്.

സഹകരണത്തിന്റെ ഭാഗമായി എബിഐ, ഹിന്ദുസ്ഥാന്‍ യൂണിലിവര്‍ വിതരണക്കാരുമായുള്ള ബില്ലിങ്ങിനായി ചില്ലറ വ്യാപാരികള്‍ക്ക് 50,000 രൂപ വരെ ഓവര്‍ ഡ്രാഫ്റ്റായി നല്‍കും.

ഇതുകൂടാതെ ഹിന്ദുസ്ഥാന്‍ യൂണിലിവര്‍ വിതരണക്കാരെയും ചെറുകിടചില്ലറ വ്യാപാരികളെയും ഡിജിറ്റല്‍ പേയ്‌മെന്റ് സാധ്യമാകും. ഇതോടൊപ്പം ഹിന്ദുസ്ഥാന്‍ യൂണിലിവര്‍ ടച്ച് പോയിന്റുകളില്‍ എസ്ബിഐ പോയിന്റ് ഓഫ് സെയില്‍ മെഷിനുകളും സ്ഥാപിക്കുന്നതായിരിക്കും.

ഹിന്ദുസ്ഥാന്‍ യൂണിലിവറിന്റെ റീട്ടെയിലര്‍ ആപ്പായ ശിഖര്‍ മുഖേന ഡീലര്‍മാര്‍ക്ക് സുരക്ഷിതത്വവും വളരെ വേഗത്തിലുമുള്ള ഡിജിറ്റല്‍ പേയ്‌മെന്റ് സൗകര്യവും ഇതോടൊപ്പം നല്‍കുമനെന്ന് എസ്ബിഐ അറിയിച്ചു. യുപിഐ അടിസ്ഥാനമാക്കിയുള്ള സൗകര്യമായിരിക്കും ഇതിനായി നല്‍കുക .