ആദായനികുതി അടയ്ക്കാൻ പോസ്റ്റ് ഓഫീസ് മതി: പുതിയ സംവിധാനമൊരുക്കി ആദായനികുതി വകുപ്പ്

ദില്ലി: നികുതിദായകർക്ക് ആദായനികുതി റിട്ടേൺ സമർപ്പിക്കുന്നതിനുള്ള നടപടികൾ എളുപ്പമാക്കി ആദായനികുതി വകുപ്പ്. ഇതോടെ നികുതിദായകർക്ക് അവരുടെ അടുത്തുള്ള പോസ്റ്റോഫീസുകളിലെ പൊതു സേവന കേന്ദ്രങ്ങളിൽ ആദായനികുതി റിട്ടേൺസ് (ഐടിആർ) ഫയൽ ചെയ്യാൻ കഴിയും. കൊവിഡ് വ്യാപനത്തിനിടെയാണ് നികുതി ദായകരിൽ പലർക്കും ആശ്വാസം നൽകിക്കൊണ്ട് ആദായനികുതി വകുപ്പിന്റെ പുതിയ പ്രഖ്യാപനം പുറത്തുവന്നിട്ടുള്ളത്. ഇന്ത്യ പോസ്റ്റ് ഇതിനകം തന്നെ പലർക്കും വലിയ ആശ്വാസം നൽകുന്ന വികസനം പ്രഖ്യാപിച്ചു.

ഇന്ത്യാ പോസ്റ്റും ഔദ്യോഗിക ട്വിറ്റർ അക്കൌണ്ട് വഴി ഇക്കാര്യം പ്രഖ്യാപിച്ചിട്ടുണ്ട്, "ഇപ്പോൾ നിങ്ങളുടെ ആദായനികുതി റിട്ടേൺ സമർപ്പിക്കാൻ കൂടുതൽ ദൂരം സഞ്ചരിക്കേണ്ടതില്ലെന്നും നിങ്ങളുടെ അടുത്തുള്ള പോസ്റ്റോഫീസിലെ സി‌എസ്‌സി കൗണ്ടറിലെത്തിയാല്‍ എളുപ്പത്തിൽ ആദായനികുതി സേവനങ്ങൾ ലഭ്യമാകുമെന്നും ഇന്ത്യാ പോസ്റ്റ് വ്യക്തമാക്കി.

രാജ്യത്തുടനീളമുള്ള പോസ്റ്റ് ഓഫീസിലെ സി‌എസ്‌സി കൗണ്ടറുകൾ, തപാൽ, ബാങ്കിംഗ്, ഇൻഷുറൻസ് സേവനങ്ങൾ തുടങ്ങി നിരവധി സാമ്പത്തിക സേവനങ്ങൾ ഒരൊറ്റ സ്ഥലത്ത് തന്നെ ആളുകൾക്ക് ലഭ്യമാക്കുന്നതാണ് ഈ സേവനങ്ങൾ. ആദായനികുതിയ്ക്ക് പുറമേ ഈ പോസ്റ്റ് ഓഫീസ് സി‌എസ്‌സി കൗണ്ടറുകൾ നിരവധി സർക്കാർ സേവനങ്ങളും വിവരങ്ങളും വാഗ്ദാനം ചെയ്യുന്നുണ്ട്. ഡിജിറ്റൽ ഇന്ത്യ പദ്ധതി പ്രകാരം സർക്കാർ മറ്റ് നിരവധി ഇലക്ട്രോണിക് സേവനങ്ങളും നൽകുന്നുണ്ട്.

നികുതിദായകർക്ക് പുതിയ ആദായനികുതി വെബ്‌സൈറ്റായ https://www.incometax.gov.in./ ന് പുറമേ പോസ്റ്റ് ഓഫീസ് സി‌എസ്‌സികളും ഉപയോഗിക്കാം. മിക്ക ഉപയോക്താക്കളും ഓൺ‌ലൈനിൽ ആദായനികുതി ഫയൽ ചെയ്യുന്നത് എളുപ്പമായാണ് കണക്കാക്കുന്നത്. എന്നാൽ സാങ്കേതിക വൈദഗ്ധ്യമില്ലാത്ത കുറച്ച് പേരാണ് അവരുടെ ഐടിആർ ഫയൽ ചെയ്യാൻ പോസ്റ്റ് ഓഫീസ് സി‌എസ്‌സികളെ ആശ്രയിക്കുന്നത്. ഇക്കഴിഞ്ഞ ജൂൺ ഏഴിനാണ്മ പുതിയ ആദായനികുതി പോർട്ടലായ 'www.incometax.gov.in' ആരംഭിക്കുന്നത്. അതേ സമയം പുതിയ പോർട്ടലിന് സാങ്കേതിക തകരാറുകൾ ഉള്ളതിനാൽ, പുതിയ വെബ്‌സൈറ്റ് വികസിപ്പിച്ച ഇൻഫോസിസ് ഉദ്യോഗസ്ഥരുമായി ജൂൺ 22 ന് ധനമന്ത്രി ധനമന്ത്രി നിർമ്മല സീതാരാമൻ ഒരു യോഗം വിളിച്ചിരുന്നു.