കൊവിഡ് 19 വ്യാപനത്തിന്റെ പശ്ചാത്തലത്തില് കടുത്ത വരുമാന പ്രതിസന്ധി നേരിടുന്ന കേന്ദ്ര സര്ക്കാര്, കുറഞ്ഞത് മൂന്ന് പ്രധാന നയപരിപാടികളെങ്കിലും ഉപേക്ഷിച്ചതായി റോയിട്ടേഴ്സ് വാര്ത്താ ഏജന്സി റിപ്പോര്ട്ട് ചെയ്തു. സസ്യ എണ്ണകളുടെ ഇറക്കുമതി നികുതി കുറയ്ക്കുക എന്നതായിരുന്നു ഇന്ത്യയുടെ പ്രധാന നയങ്ങളിലൊന്ന്. ഇത് ഉപേക്ഷിച്ചതായാണ് ഇപ്പോള് പുറത്തുവരുന്ന റിപ്പോര്ട്ടുകള് സൂചിപ്പിക്കുന്നത്.
കൊവിഡ് 19 വ്യാപനത്തിന് മുമ്പ് തന്നെ സാമ്പത്തിക പ്രതിസന്ധി നേരിട്ട ഇന്ത്യയ്ക്ക്, ഇപ്പോള് വൈറസ് വ്യാപനത്താലുള്ള പ്രതിസന്ധി കൂടി രൂക്ഷമായതോടെ സമ്പദ് വ്യവസ്ഥ ആശങ്കയിലായി. ഉദാഹരണത്തിന്, നടപ്പു സാമ്പത്തിക വര്ഷത്തിന്റെ ആദ്യ 11 മാസങ്ങളില് ആദായനികുതി വരുമാനം 3.5 ശതമാനത്തില് നിന്ന് ചുരുങ്ങി. ധനമന്ത്രാലയം ഈയാഴ്ച പാര്ലമെന്റില് നല്കിയ പ്രസ്താവനയനുസരിച്ച് മറ്റു നികുതികളില് നിന്നുള്ള വരുമാനം 3.8 ശതമാനം കുറഞ്ഞു.
ക്രൂഡ് വില പകുതിയായി കുറഞ്ഞിട്ടും, പെട്രോളിനും ഡീസലിനും കുറഞ്ഞത് വെറും 6 രൂപ, ഇന്നത്തെ വില അറിയാം
ആഭ്യന്തര വില നിയന്ത്രിക്കാന് പാം ഓയില് ഉള്പ്പടെയുള്ള അസംസ്കൃത, ശുദ്ധീകരിച്ച സസ്യ എണ്ണകളുടെ ഇറക്കുമതി നികുതി 3.7 ശതമാനം കുറയ്ക്കാന് ജനുവരിയില് കേന്ദ്ര ഭക്ഷ്യ മന്ത്രാലയം നിര്ദേശിച്ചിരുന്നു. എന്നിരുന്നാലും, രാജ്യം ഉയര്ന്ന വരുമാന പ്രതിസന്ധി നേരിടുന്ന സാഹചര്യത്തില് ഈ പ്രധാന നയം ഉപേക്ഷിച്ചു. സസ്യ എണ്ണകളുടെ ഇറക്കുമതി തീരുവ മാത്രമല്ല, ഭക്ഷ്യ മന്ത്രാലയത്തിന്റെ മറ്റൊരു നിര്ദേശവും ധനമന്ത്രാലയം ഉപേക്ഷിച്ചു. ലോകത്തിലെ ഏറ്റവും വലിയ ക്ഷേമ പദ്ധതി പ്രകാരം ദശലക്ഷക്കണക്കിന് ഇന്ത്യക്കാര്ക്ക് ഉയര്ന്ന സബ്സിഡിയുള്ള അരിയും ഗോതമ്പും വിതരണം ചെയ്യുന്നത് വര്ദ്ധിപ്പിക്കുയെന്നതായിരുന്നു ഇത്.
എങ്ങനെ ട്രെയിന് ടിക്കറ്റ് റദ്ദ് ചെയ്യാം? എന്താണ് ഐആര്സിടിസി റീഫണ്ട് വ്യവസ്ഥകള്?
ദാരിദ്ര്യ നിര്മാര്ജനത്തിനായി വിറ്റാമിന് ഫോര്ട്ടിഫൈഡ് അരി നല്കുകയെന്നതായിരുന്നു ധനമന്ത്രാലയം ഉപേക്ഷിച്ച മറ്റൊരു നയപരിപാടി. നിര്ദിഷ്ട പദ്ധതി അഞ്ച് ട്രില്യണ് രൂപ ചെലവ് വരുന്നതാണെന്നും സര്ക്കാര് വൃത്തങ്ങള് അറിയിച്ചു. ഇക്കാര്യത്തില് ധനമന്ത്രാലയം ഇതുവരെ അഭിപ്രായം രേഖപ്പെടുത്തിയിട്ടില്ലെങ്കിലും, വരുമാനം കുറയുകയും ഇന്ത്യയില് കൊവിഡ് 19 വ്യാപിക്കുന്നതിന്റെ പ്രത്യാഘാതവും നിരവധി പ്രധാന നയങ്ങളും പദ്ധതികളും മന്ദഗതിയിലാക്കാന് കാരണമാവും. മേല്പ്പറഞ്ഞ ഘടകങ്ങള് കണക്കിലെടുത്ത്, പുതിയ നിര്ദേശങ്ങള് ഒഴിവാക്കാനും അനാവശ്യ ചെലവുകള് എത്രയും വേഗം തടയാനും മറ്റെല്ലാ വകുപ്പുകളോടും കേന്ദ്ര ധനകാര്യ മന്ത്രാലയം ആവശ്യപ്പെട്ടു.