Just In
-
-
-
-
Don't Miss
-
ചാണക്യനീതി; പുരുഷന് ഭാര്യയല്ലാതെ മറ്റ് സ്ത്രീകളോട് താല്പര്യം തോന്നുന്നതിന് 5 കാരണം -
T20 World Cup 2024: അവസാന 2 കളിയില് 30, സഞ്ജുവിന് ഇനിയെത്ര വേണം, ടീമിന് പുറത്താവുമോ? -
'മുഖ്യമന്ത്രി രാഹുൽജിയെ ആദ്യമായല്ല അവഹേളിക്കുന്നത്, പ്ലീസ് സഹായിച്ചില്ലെങ്കിലും ദ്രോഹിക്കരുത്'; രമ്യ ഹരിദാസ് -
നോക്കിയയുടെ മുറത്തിൽ കയറി കൊത്തി ഐടെൽ! നാട്ടുകാർക്ക് കിട്ടിയത് 1799 രൂപയ്ക്ക് കിടിലൻ ഫോൺ -
കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും -
'ദിലീപ് കുഴപ്പിച്ചിരുന്നു, എടീ എന്നൊന്നും വിളിക്കാൻ പറ്റില്ല, സീരിയലിനെ വിമർശിക്കാൻ തോന്നുമായിരുന്നു' -
ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
ലോക്ക്ഡൗണ്‍ വരുത്തിയ ക്ഷീണത്തില്‍ നിന്നും ഇന്ത്യ മുക്തമായിട്ടില്ല. പുതിയ കണക്കുകള്‍ ഇക്കാര്യം ഒരിക്കല്‍ക്കൂടി വെളിപ്പെടുത്തുകയാണ്. ജൂലായില്‍ രാജ്യത്തെ വ്യവസായിക ഉത്പാദന സൂചിക 10.4 ശതമാനമാണ് ഇടിഞ്ഞത് (വര്‍ഷാവര്‍ഷമുള്ള വളര്‍ച്ച അടിസ്ഥാനപ്പെടുത്തി). നിര്‍മ്മാണ, ഖനന, വിദ്യുച്ഛക്തി മേഖലകളില്‍ ഉത്പാദനം കുറഞ്ഞത് തളര്‍ച്ചയുടെ ആഘാതം കൂട്ടുന്നു. കഴിഞ്ഞവര്‍ഷം ഇതേകാലയവളവില്‍ വ്യവസായിക ഉത്പാദന സൂചിക 4.9 ശതമാനം വളര്‍ച്ച രേഖപ്പെടുത്തിയിരുന്നു.
വെള്ളിയാഴ്ച്ച കേന്ദ്ര സ്റ്റാറ്റിസ്റ്റിക്‌സ് മന്ത്രാലയമാണ് പുതിയ കണക്കുകള്‍ പുറത്തുവിട്ടത്. നടപ്പു സാമ്പത്തികവര്‍ഷം ആദ്യപാദം (ഏപ്രില്‍ - ജൂലായ്) വ്യാവസായിക മേഖല 29.2 ശതമാനം നെഗറ്റീവ് വളര്‍ച്ച കുറിച്ചു. കഴിഞ്ഞവര്‍ഷം ഇതേകാലയളവില്‍ 3.5 ശതമാനമായിരുന്നു വ്യാവസായിക മേഖലയുടെ വളര്‍ച്ച.
ഇത്തവണ കൊവിഡ് ഭീതിയും രാജ്യവ്യാപകമായ ലോക്ക്ഡൗണും കണക്കുകൂട്ടലുകള്‍ തെറ്റിച്ചു. നിര്‍മ്മാണ മേഖലയില്‍ മാത്രം 11.1 ശതമാനം ഇടിവാണ് ഇന്ത്യ നേരിടുന്നത്. ഖനന മേഖലയിലെ ഇടിവ് 13 ശതമാനത്തില്‍ വന്നുനില്‍ക്കുന്നു. വിദ്യുച്ഛക്തി മേഖലയില്‍ 2.5 ശതമാനമാണ് ഇടിവ് സംഭവിച്ചതും, സ്റ്റാറ്റിസ്റ്റിക്‌സ് മന്ത്രാലയത്തിന്റെ റിപ്പോര്‍ട്ട് വ്യക്തമാക്കി. കഴിഞ്ഞവര്‍ഷം ആദ്യപാദം 4.8 ശതമാനമായിരുന്നു നിര്‍മ്മാണ മേഖലയുടെ വളര്‍ച്ച. ഖനന, വിദ്യുച്ഛക്തി മേഖലകള്‍ യഥാക്രമം 4.9 ശതമാനവും 5.2 ശതമാനവും വളര്‍ച്ചാ നിരക്ക് കുറിക്കുകയുണ്ടായി.
കൊവിഡ് വ്യാപനം തടയാന്‍ മാര്‍ച്ച് അവസാന വാരമാണ് ഇന്ത്യ ലോക്ക്ഡൗണ്‍ നടപടികളിലേക്ക് കടന്നത്. ഇതോടെ രാജ്യത്തെ വ്യാവസായിക മേഖല നിശ്ചലമായി. എന്തായാലും ലോക്ക്ഡൗണ്‍ ചട്ടങ്ങള്‍ നീങ്ങി. വ്യാവസായിക മേഖല പതിയെ ഉണരുകയാണ്. ഏപ്രില്‍ (54.0), മെയ് (89.5), ജൂണ്‍ (108.9) മാസങ്ങളുമായി താരതമ്യം ചെയ്യുമ്പോള്‍ വ്യാവസായിക ഉത്പാദന സൂചിക ജൂലായില്‍ (118.1) മെച്ചപ്പെട്ടെന്നുവേണം പറയാന്‍.
നേരത്തെ, സ്റ്റാറ്റിസ്റ്റിക്‌സ് മന്ത്രാലയം പുറത്തുവിട്ട ജിഡിപി കണക്കുകളിലും ഇന്ത്യയുടെ വീഴ്ച്ച വെളിവായിരുന്നു. നടപ്പു വര്‍ഷം ആദ്യപാദം 23.9 ശതമാനം തകര്‍ച്ചയാണ് രാജ്യം നേരിടുന്നത്. കൊവിഡ് ഭീതിയും ലോക്ക്ഡൗണുംതന്നെ ഇവിടെയും വില്ലന്മാര്‍. മൊത്തം മൂല്യവര്‍ധിത വളര്‍ച്ച (ജിവിഎ) 22.8 ശതമാനം ഇടിഞ്ഞു. ഉത്പാദനം 39.3 ശതമാനവും കുറഞ്ഞു. ഖനന മേഖലയില്‍ 23.3 ശതമാനം ഇടിവാണ് രാജ്യം കണ്ടത്. മൊത്ത സ്ഥിരമൂലധന രൂപീകരണം (ജിഎഫ്‌സിഎഫ്) 52.9 ശതമാനം പരിമിതപ്പെട്ടെന്ന് കേന്ദ്ര റിപ്പോര്‍ട്ട് പറയുന്നു. വൈദ്യുത വ്യവസായം 7 ശതമാനവും കെട്ടിട്ട നിര്‍മ്മാണ വ്യവസായം 50.3 ശതമാനം ഇടിവ് രേഖപ്പെടുത്തി. ഇതേസമയം, ഏപ്രില്‍ - ജൂണ്‍ കാലയളവില്‍ കൃഷിയുമായി ബന്ധപ്പെട്ട മേഖലകള്‍ 3.4 ശതമാനം വളര്‍ച്ച കുറിച്ചത് അല്‍പ്പമെങ്കിലും ആശ്വാസമേകുന്നുണ്ട്.
