ഇന്ത്യൻ സമ്പദ്‌വ്യവസ്ഥയിൽ 2019ൽ പെട്ടെന്നുള്ള മാന്ദ്യം അനുഭവപ്പെട്ടു, എന്നാൽ സാമ്പത്തിക മാന്ദ്യമില്ല

ബാങ്കിംഗ് ഇതര ധനകാര്യ സ്ഥാപനങ്ങളിലെ പ്രക്ഷുബ്ധതകളും ജിഎസ്ടി നടപ്പാക്കൽ, നോട്ട് നിരോധനം തുടങ്ങിയ പ്രധാന പരിഷ്കരണ നടപടികളും കാരണം ഇന്ത്യൻ സമ്പദ്‌വ്യവസ്ഥയിൽ 2019 ൽ പെട്ടെന്ന് മാന്ദ്യം നേരിട്ടുവെങ്കിലും രാജ്യം സാമ്പത്തിക മാന്ദ്യത്തിലല്ലെന്ന് ഐ‌എം‌എഫ് മാനേജിംഗ് ഡയറക്ടർ ക്രിസ്റ്റലീന ജോർ‌ജിവ പറഞ്ഞു.

ഇന്ത്യൻ സമ്പദ്‌വ്യവസ്ഥ 2019 ൽ പെട്ടെന്നുള്ള മാന്ദ്യം അനുഭവിച്ചു. ഇതിനെ തുടർന്ന് തങ്ങളുടെ വളർച്ചാ പ്രവചനങ്ങൾ പുതുക്കേണ്ടിവന്നു, കഴിഞ്ഞ വർഷം പ്രവചനം നാല് ശതമാനമായി. 2020 ൽ 5.8 ശതമാനം വളർച്ചാ നിരക്കും 2021ൽ 6.5 ശതമാനമായി സമ്പദ്വ്യവ്യവസ്ഥ വളർച്ച കൈവരിക്കുമെന്നുമാണ് പ്രതീക്ഷിക്കുന്നതെന്ന് ജോർജിയേവ വെള്ളിയാഴ്ച ഒരു കൂട്ടം വിദേശ മാധ്യമപ്രവർത്തകരോട് പറഞ്ഞു.

ഇന്ത്യൻ സമ്പദ്‌വ്യവസ്ഥയിൽ 2019ൽ പെട്ടെന്നുള്ള മാന്ദ്യം അനുഭവപ്പെട്ടു, എന്നാൽ സാമ്പത്തിക മാന്ദ്യമില്ല

ബാങ്കിംഗ് ഇതര ധനകാര്യ സ്ഥാപനങ്ങൾ പ്രക്ഷുബ്ധത അനുഭവിക്കുന്നതാണ് ഈ മാന്ദ്യത്തിന്റെ പ്രധാന കാരണമെന്ന് കേന്ദ്ര ധനമന്ത്രി നിർമ്മല സീതാരാമൻ ശനിയാഴ്ച പാർലമെന്റിൽ വാർഷിക ബജറ്റ് അവതരിപ്പിച്ചതിന്റെ തലേന്ന് ജോർജിയേവ പറഞ്ഞു. ദീർഘകാലാടിസ്ഥാനത്തിൽ രാജ്യത്തിന് പ്രയോജനകരമാകുമെന്ന് കരുതുന്ന ചില സുപ്രധാന പരിഷ്കാരങ്ങൾ കൈക്കൊണ്ടിട്ടുണ്ടെന്നും എന്നാൽ അവയ്ക്ക് ഹ്രസ്വകാല സ്വാധീനവും ഉണ്ടെന്നും അവർ പറഞ്ഞു.

ഉദാഹരണത്തിന്, ഏകീകൃത നികുതി സമ്പ്രദായമായ ജിഎസ്ടി നടപ്പാക്കിയതും നോട്ട് നിരോധനവും കാലക്രമേണ പ്രയോജനകരമായ കാര്യങ്ങളാണ്. പക്ഷേ തീർച്ചയായും അവ ഹ്രസ്വകാലത്തേക്ക് തടസ്സങ്ങളുണ്ടാക്കുമെന്നും ഒരു ചോദ്യത്തിന് മറുപടിയായി ജോർജിയേവ പറഞ്ഞു. ഗവൺമെന്റിന്റെ സാമ്പത്തിക നയങ്ങൾ വിവേകപൂർണ്ണമാണെന്നും ഐ‌എം‌എഫ് ഇന്ത്യയെക്കുറിച്ച് ശുഭാപ്തിവിശ്വാസം പുലർത്തുന്നുണ്ടെന്നും അതുകൊണ്ടാണ് രാജ്യത്തെ വളർച്ചയ്ക്ക് ഉയർന്ന സാധ്യത കാണുന്നതെന്നും അവർ പറഞ്ഞു. നിലവിലെ സാമ്പത്തിക മാന്ദ്യത്തെ മാന്ദ്യമായി വിശേഷിപ്പിക്കാനാവില്ലെന്നും ജോർജിയേവ പറഞ്ഞു. ഇന്ത്യ മാന്ദ്യത്തിൽ നിന്ന് വളരെ അകലെയാണെന്നും അവർ പറഞ്ഞു.