ഓഹരി വിപണിയിൽ ഇന്ന് നേട്ടം, നിഫ്റ്റി വീണ്ടും 12000 കടന്നു

ഇന്ത്യൻ സൂചികകൾ ഇന്ന് നേട്ടത്തിൽ വ്യാപാരം ആരംഭിച്ചു. രാവിലെ 9:17ന് സെൻസെക്സ് 360.16 പോയിൻറ് അഥവാ 0.89% ഉയർന്ന് 40869.65 എന്ന നിലയിലും നിഫ്റ്റി 97.70 പോയിന്റ് അഥവാ 0.82% ഉയർന്ന് 12011.90 എന്ന നിലയിലും എത്തി. രാവിലെ 809 ഓഹരികൾ മുന്നേറിയപ്പോൾ 326 ഓഹരികൾ ഇടിവ് രേഖപ്പെടുത്തി. 61 ഓഹരികൾ മാറ്റമില്ലാതെ തുടർന്നു.

ഓഹരി വിപണിയിൽ ഇന്ന് നേട്ടം, നിഫ്റ്റി വീണ്ടും 12000 കടന്നു

ബിഎസ്ഇ സെൻസെക്സിൽ ഐടിസി, എസ്ബിഐ, ആക്സിസ് ബാങ്ക്, എച്ച്ഡിഎഫ്സി, പവർഗ്രിഡ്, ബജാജ് ഫിനാൻസ് എന്നിവയാണ് ഇന്ന് മികച്ച പ്രകടനം കാഴ്ച്ച വയ്ക്കുന്ന ഓഹരികൾ. ടെക് മഹീന്ദ്ര, ഒൻജിസി, ടൈറ്റാൻ, ബജാജ് ഓട്ടോ എന്നിവ നഷ്ടത്തിലാണ്. യുഎസിലെ ഫുഡ് ആൻഡ് ഡ്രഗ് അഡ്മിനിസ്ട്രേഷനിൽ (യു‌എസ്‌എഫ്‌ഡി‌എ) നിന്ന് മുന്നറിയിപ്പ് കത്ത് ലഭിച്ചതിനെ തുടർന്ന് ഒക്ടോബർ 12 ന് ശിൽ‌പ മെഡി‌കെയർ ഓഹരി വില 11 ശതമാനം ഇടിഞ്ഞു.

എസ്‌ബി‌ഐ, കാനറ ബാങ്ക്, യൂണിയൻ ബാങ്ക് ഓഫ് ഇന്ത്യ എന്നിവയുടെ നേതൃത്വത്തിൽ നിഫ്റ്റി പി‌എസ്‌യു ബാങ്ക് സൂചിക രണ്ട് ശതമാനം ഉയർന്നു. വേദാന്ത ഓഹരി വില ഇന്ന് 10 ശതമാനം ഇടിവ് രേഖപ്പെടുത്തി.