ഇന്ത്യക്കാർക്ക് ഇഷ്ടം ഈ 10 കാറുകൾ; ഒക്ടോബറിൽ ഏറ്റവും കൂടുതൽ വിറ്റത് ഇവ, മാരുതി മുൻനിരയിൽ

2020ലെ മറ്റൊരു മാസം കൂടി കടന്നു പോയി. വാഹന വ്യവസായത്തിലെ വിൽപ്പനയിൽ വീണ്ടും വർദ്ധനവ്. ലോക്ക്ഡൌണിന് ശേഷം വാഹനങ്ങളുടെ ആവശ്യം വർദ്ധിച്ചതും ഉത്സവ സീസണും ഒക്ടോബറിൽ വിൽപ്പന ഉയരാൻ കാരണമായി. ഒക്ടോബറിലെ മികച്ച -10 കാറുകളുടെ വിൽപ്പന മൊത്തം പാസഞ്ചർ കാർ വാഹന വിൽപ്പനയുടെ 50 ശതമാനത്തോളം സംഭാവന ചെയ്തു. മാരുതി സുസുക്കിയാണ് വൻ മുന്നേറ്റം നടത്തിയത്. ഒക്ടോബർ മാസത്തിൽ വിറ്റഴിക്കപ്പെട്ട ഏറ്റവും മികച്ച 10 കാറുകൾ ഇതാ..

മാരുതി സുസുക്കി സ്വിഫ്റ്റ്

ഒക്ടോബറിൽ മൊത്തം 24,589 യൂണിറ്റുകളാണ് മാരുതി സുസുക്കി സ്വിഫ്റ്റ് വിറ്റഴിച്ചത്. കഴിഞ്ഞ വർഷം ഒക്ടോബറിലെ വിൽപ്പനയേക്കാൾ 27 ശതമാനം വർദ്ധനവ് ഈ വർഷം രേഖപ്പെടുത്തി.

മാരുതി സുസുക്കി ബലേനോ

മാരുതി സുസുക്കി ബലേനോ 21,971 യൂണിറ്റ് വിൽപ്പനയുമായി രണ്ടാം സ്ഥാനത്ത് തുടരുന്നു. കഴിഞ്ഞ വർഷത്തെ 16,237 കാറുകളുടെ വിൽപ്പനയേക്കാൾ 35 ശതമാനം വളർച്ചയാണ് ബലേനോ നേടിയത്.

മാരുതി സുസുക്കി വാഗൺആർ

മാരുതി സുസുക്കി വാഗൺ‌ആർ‌ക്ക് കഴിഞ്ഞ മാസത്തെ ആൾട്ടോയുടെ മൂന്നാം സ്ഥാനം ഇത്തവണ കരസ്ഥമാക്കി. മൊത്തം 18,703 യൂണിറ്റ് വിൽ‌പ്പനയാണ് നടത്തിയത്. 2019 ഒക്ടോബറനേക്കാൾ 30 ശതമാനം അധിക വളർച്ച രേഖപ്പെടുത്തി.

മാരുതി സുസുക്കി ആൾട്ടോ

17,850 യൂണിറ്റുകൾ വിൽക്കാൻ ആൾട്ടോയ്ക്ക് കഴിഞ്ഞു, കഴിഞ്ഞ മാസത്തെ 18,246 യൂണിറ്റുകളിൽ നിന്ന് വിൽപ്പന ഇടിഞ്ഞു. കഴിഞ്ഞ വർഷത്തേക്കാൾ വിൽ‌പനയിൽ ഇടിവുണ്ടായെങ്കിലും കാര്യമായ വ്യത്യാസമില്ല.

മാരുതി സുസുക്കി ഡിസയർ

മാരുതി സുസുക്കി ഡിസയർ സെപ്റ്റംബറിലെ 13,988 വിൽപ്പനയിൽ നിന്ന് ഒക്ടോബറിൽ 17,675 യൂണിറ്റിലേക്ക് മാന്യമായ വളർച്ചയാണ് കൈവരിച്ചത്. എന്നിരുന്നാലും, വാർഷികാടിസ്ഥാനത്തിൽ ഇത് ഇപ്പോഴും 10 ശതമാനം കുറവാണ്.

ഹ്യുണ്ടായ് ക്രെറ്റ

ഹ്യുണ്ടായുടെ ഏറ്റവും കൂടുതൽ വിറ്റഴിക്കപ്പെട്ട കാറാണ് ഹ്യുണ്ടായ് ക്രെറ്റ. 14,023 യൂണിറ്റ് വിൽപ്പനയാണ് കഴിഞ്ഞ മാസം നടന്നത്. 2019 ഒക്ടോബറിലെ 7,269 യൂണിറ്റുകളെ അപേക്ഷിച്ച് ഇത് 93 ശതമാനം വർധനവ് രേഖപ്പെടുത്തി.

ഹ്യുണ്ടായ് ഗ്രാൻഡ് ഐ10

ഒക്ടോബറിലെ ഹ്യുണ്ടായ് ഗ്രാൻഡ് ഐ 10 മൊത്തം വിൽപ്പന 14,003 യൂണിറ്റ് ആണ്. കഴിഞ്ഞ ഒക്ടോബറിലെ 9,873 യൂണിറ്റിനേക്കാൾ 42 ശതമാനം വർധനവ് രേഖപ്പെടുത്തി.

മാരുതി സുസുക്കി ഇക്കോ

മാരുതി സുസുക്കിയുടെ ഇക്കോ സെപ്റ്റംബറിലെ ഏഴാം സ്ഥാനത്ത് നിന്ന് 13,309 യൂണിറ്റ് വിൽപ്പന നടത്തി. ഇക്കോ ഇപ്പോഴും വാർഷികാടിസ്ഥാനത്തിൽ 33 ശതമാനം വളർച്ചയാണ് നേടിയിരിക്കുന്നത്.

മാരുതി സുസുക്കി വിറ്റാര ബ്രെസ്സ

വിറ്റാര ബ്രെസ ഒടുവിൽ 12,087 യൂണിറ്റുകളുടെ വിൽപ്പന കണക്കുകളുമായി ആദ്യ പത്തിൽ ഇടം നേടി. കഴിഞ്ഞ വർഷം ഒക്ടോബറിനേക്കാൾ 18 ശതമാനം വളർച്ചയാണ് നേടിയത്.

കിയ സോനെറ്റ്

വിപണിയിലെ ഏറ്റവും പുതിയ എതിരാളിയായ കിയ സോനെറ്റ് രാജ്യത്തെ ഏറ്റവും കൂടുതൽ വിറ്റഴിക്കപ്പെട്ട ആദ്യ 10 കാറുകളിൽ ഇടം നേടി. പത്താം സ്ഥാനത്തെത്തിയ കിയ സോനെറ്റിന്റെ ഒക്ടോബർ മാസത്തിലെ വിൽപ്പന 11,721 യൂണിറ്റുകളാണ്.