ഇന്ത്യന്‍ ഓഹരി വിപണിയില്‍ വന്‍ തകര്‍ച്ച, നിക്ഷേപകരുടെ 3 ലക്ഷം കോടി രൂപ ചോര്‍ന്നു, കാരണങ്ങളും ഭാവി സൂചനകളും ഇതാ

ഇന്ത്യന്‍ ഓഹരി വിപണി ബുധനാഴ്ച കനത്ത ഇടിവിന് സാക്ഷ്യം വഹിച്ചു. യുഎസ്-ഇറാന്‍ യുദ്ധം രൂക്ഷമാകുന്ന സാഹചര്യത്തില്‍ നിക്ഷേപകര്‍ ജാഗ്രത പുലര്‍ത്തിയതാണ് കാരണം.

സെന്‍സെക്‌സ് 1.72 ശതമാനം ഇടിഞ്ഞ് 76863.71 ലെവലിലും നിഫ്റ്റി 1.72 ശതമാനം ഇടിഞ്ഞ് 23843.75 ലെവലിലുമാണ് ക്ലോസ് ചെയ്തത്.

ബിഎസ്ഇ വിപണി മൂലധനം 447 ലക്ഷം കോടിയില്‍ നിന്ന് 442 ലക്ഷം കോടിയായപ്പോള്‍ നിക്ഷേപകര്‍ നേരിട്ട നഷ്ടം 3 ലക്ഷം കോടി രൂപ.

സ്‌മോള്‍ക്യാപ് സൂചിക 0.5 ശതമാനം ഉയര്‍ന്നു. മിഡ്ക്യാപ് മാറ്റമില്ലാതെ തുടരുന്നു.

ഓഹരി വിപണി ഇടിയാനുള്ള കാരണങ്ങള്‍:

വിദേശ നിക്ഷേപകരുടെ വില്‍പന

മാര്‍ച്ച് 10 ന് വിദേശ നിക്ഷേപകര്‍ 4673 കോടി രൂപയുടെ ഓഹരികള്‍ അറ്റ വില്‍പന നടത്തി. ആഭ്യന്തര നിക്ഷേപകര്‍ 6333 കോടി രൂപയുടെ ഓഹരികള്‍ വാങ്ങി. വിദേശ നിക്ഷേപകരുടെ വില്‍പനയും ആഭ്യന്തര നിക്ഷേപകരുടെ വാങ്ങലും തുടരാനാണ് സാധ്യത.

ലാഭമെടുപ്പ്

ചൊവ്വാഴ്ച നിഫ്റ്റി 24261 ലെവലിലും സെന്‍സെക്‌സ് 78206 ലെവലിലുമാണ് ക്ലോസ് ചെയ്തത്. ചൊവ്വാഴ്ച നേട്ടമുണ്ടാക്കിയ മഹീന്ദ്ര ആന്റ് മഹീന്ദ്ര, ബജാജ് ഫിനാന്‍സ്എച്ച്ഡിഎഫ്‌സി ബാങ്ക്,ഐസിഐസിഐ ബാങ്ക് എന്നിവ ബുധനാഴ്ച 4-1 ശതമാനം വരെ തകര്‍ച്ച നേരിട്ടു. പശ്ചിമേഷ്യന്‍ സംഘര്‍ഷം കാരണം വാഹന കയറ്റുമതി കുറഞ്ഞതും ഇന്ധനലഭ്യതയിലെക്കുറവുമാണ് വാഹന, സാമ്പത്തിക ഓഹരികളെ ബാധിക്കുന്നത്. കൂടാതെ ലാഭമെടുപ്പും വില ഇടിച്ചു.

ഇന്ത്യ വിക്‌സ്

അനിശ്ചിതത്വമളക്കുന്ന ഇന്ത്യ വിക്‌സ് സൂചിക 8 ശതമാനം ഉയര്‍ന്ന് 20.5 ലാണുള്ളത്. ഹ്രസ്വകാലത്തില്‍ വിപണി കനത്ത ചാഞ്ചാട്ടത്തിന് വിധേയമാകുമെന്ന് സൂചികയിലെ ഉയര്‍ച്ച
വ്യക്തമാക്കുന്നു.

ഭാവി സൂചനകള്‍

ഇന്നലെയും ഇന്നും ദൃശ്യമായ കയറ്റിറക്കം വരും ദിവസങ്ങളിലും തുടരും. വിദഗ്ധര്‍ 24100-24000 ലെവലില്‍ പിന്തുണയും 24400-24500 ലെവലില്‍ പ്രതിരോധവും ദര്‍ശിക്കുന്നു.

അതിന് മുകളില്‍ സൂചിക 24600-24700 ലക്ഷ്യം വയ്ക്കും.അതുകൊണ്ടുതന്നെ നിക്ഷേപകര്‍ 24100-24000, 24400-24500 ലെവലുകള്‍ ശ്രദ്ധാപൂര്‍വ്വം വീക്ഷിക്കണം.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.